#حنين_حاتم
#صديقات_على_مر_الزمن....بارت21
صديقات رغم المحن 💔
سمر: حسيت احد ندسني نداريت واشوف كميل
جان لاف وجهة بلفاف وخال ادي بجيوبة
وخر الفاف
يتلفت وبحاجيني ليش هيج عيونج سمورة
دنكت امسح برموشي جانن مصخمات ولمسكارة سايلة
رفعت راسي واتلفت ومستحية ماكدر احط عيني بعينة
سمر وافقتي
شنو
وافقتي علة ابن خالج مووو
انتة شمدريك
اعرف كلشي اعرف سمر
دنكت ابجي
لتبحين سمورة ولتواقين علي ابد لتوافقين ابوية انتي
رفعت راسي متفاجئة بحجاياتة ولموقف غريب ومستحية ماداير بيني حديث من هيج نوع ابد
كتلة اني اروح خاف احد يشوفني
ردت امشي جر ايدي
سمر ماعاولت احصلي فرصة احاجيج بس دقيقة لاترحين
عيونة بيهة نضرة توسل خلتني اطاوعة
تنهدت كتلة احجي اسمعك بس بساع حباب
ضل يتلفت ويعدل بقمصلتة
سمورة اني احبج وشاريج والله بس لاتوافقين واني كلهة سنة بس يخلص عقد عملي اجي استقر هنا اخطبج وبعد ماسافر ابد رفضي سمورة امي وابوية انتي
تقرب يمي ويحجي همس
سمورة انتي تحبيني احجي ريحي كلبي وريحيني من لسهر ولتفكير
اني عيني بلكاع حتة راسي مارفعتة
تدرين من جنتي طفلة جنتي مميزة عندي بهدوئج شكلج لبريء خوفج من كلشي واعتكافج عن لجهال حتة كل تفاصيلج بذاكرتي ومن اتذكر بيوم جنت اشيلج وابوس خديداتج براحتي ومن غير خوف اتمنة يرجع ذاك لوكت وترجعين طفلة
اخذج اشيلج اشتريلج واشوف لمعة عيونج الحلوة وفرحتج
يحجي واني ارجف مدري من لبرد مدري مستحية
ها سمورة امي وابوية انتي جاوبيني خل اروح واني مطمأن هلمرة سفرتي تطول تدرين اني خليت رونق تحاجي شفاء حتة تقنعج تجين للمجلس هنا بس حتة احاجيج
باجر مسافر وماكدر اروح وكل فكري يمج واعرف بيج مارايدتة اعرف عيونج يريدني
جاوبي امي انتي سكوتج يأذيني لاتزيدين علية لتفكير والله لبية مكفيني
كتلة اي راح ارفض اني راح ارفض
هاذ كل الطلع مني رغم بداخلي حجي كووومة يمكن لو اريد احجي منا لباجر ماخلص
كلي يلله اني راح اروح سفرتي لفجر وكون هسة اروح للنجف
تقرب يمي ويحاجيني سمر اروح مطمأن وائمن انتي الي
هزيت راسي وشفتة راح من كدامي نداريت لحمام فارغ ولباب مفتوحة هاي رونق وينهة وشوكت طلعت
صفنت علة روحي وين راحت المشاعر الي بداخلي ليش ماكتلة اني هم احبك ليش ماطلعت كلشي بداخلي ورتاحيت وريحت نفسي
ياااا ماكتلة لعقد لسبوع لجاي
ضربت على كصتي عزززة هسة شلون راح اتصرف وشسوي وية حيدر
رجعت للمجلس ولابتسامة واضحة علة وجهي
لكيت رونق كاعدة بمكانة
كعدت يمهة ندارت علية جان تكلي الله بلخير مرت خالي ضحكت وضلينة نسولف وتحجيلي عن كميل عن شغلة عن حياتة
وحجتلي شكد خابصهة بية ويسولف عني
وتذكرت مرة رسمتلهة رسمة من جانت زغيرة جان تكلي حتة لرسمة الي نطيتيهة الي معلكهة بغرفتة
أنت تقرأ
صديقات على مر الزمن
ChickLitصديقاتي ثمة حكاية لم يرويها لكن قلبي دمتن لي عمرا يا اجمل صدفة ويا احلى قدر حنين حاتم
