Soul Searching

Chapter 2

Chapter 2

"Oh my god! You didn't know?!" she gasped.

Tipid kong nginitian si Shi at kumuha ng panibagong shot para inumin.

"Kailan sila kinasal?"

Pagkabitaw ko non ay dinig ko ang pagmumura nila kay Shi. Sinubukan kong umakto na parang wala lang. Kunwari, wala lang sa akin 'yong balitang 'yon.

Hindi makatingin ng diretso sa akin si Shi habang sumisimsim ng vodka.

"Tuloy pa rin ang engagement. Hindi lang namin alam kung bakit hindi pa rin sila matuloy sa simbahan. Nagkakaproblema ata." Si Allen ang sumagot habang nagsasalin ng alak.

Binigay niya 'yon sa akin at nilagok ko agad pagkatanggap. I need to be numb.

Nagkatinginan sila at saka ko narinig ang buntong hininga ng katabi ko.

"You should get a life, Ads. You're getting old and grumpy!" sabay hatak sa'kin ni Mariaj papuntang dance floor.

Hindi ko alam kung paanong bigla na lang nila ako pinagtulungan. Kung sino-sinong babae ang pinakilala nila sa'kin nong gabing 'yon. Pinatulan ko ang trip nila at pinili ko 'yong Karina.

We danced, touched, and kissed. They even wanted me to get laid but I wasn't up for it.

Napahinto ako sa pag-iisip nang palibutan ako ng mga batang naghahabulan. I'm too occupied na hindi ko namalayang nakarating na pala ako sa may Kids' Park.

Pinagmasdan ko ang paligid. Isa ito sa mga parteng trinabaho ko at nakakatuwang malaman kay Mr. Villamor na naging successful ang launching ng project. Maraming mga batang naglalaro ngayon kasama ang mga yaya nila. Naupo ako sa may malapit na bench, as I informed my secretary na dito na lang kami magkita.

Gusto ko munang panoorin 'yong mga nagsasayang bata. Mga naglalaro ng taguan at nagpapadulas sa mga slide. 'Yong iba ay nasa see-saw at swing.

I smiled. Mabuti pa sila walang prinoproblema sa buhay. Nilapag ko ang cellphone sa ibabaw ng wooden table at humilig sa likod ng bench.

Tumigil ang mga mata ko roon sa grupo ng mga batang nagtatakbuhan at naghahabulan. Doon mismo sa babaeng kasama nila na nakaputing dress.

I sat properly as I watched that woman. Her features remind me of someone. Her fair and delicate skin, her black wavy hair, the shape of her face, and even her smiles.

She looks like her.

Pinilig ko ang ulo, naiinis sa sarili kung bakit inaalala ko na naman siya.

Nag-angat ulit ako ng tingin doon sa babae. She's too young to be a mother. Baka Tita o Ate ng isa sa mga batang kalaro niya.

Napahawak ako sa ibabang labi habang sinusundan ang bawat galaw niya. Kung paano siya tumakbo at tumawa habang hinahabol siya ng isang batang lalaki. Kusang umangat ang gilid ng labi ko nong narinig ko ang malambing niyang boses.

"Sheet," bulong ko nang huminto siya at nagtama ang mga mata namin.

Nag-iwas agad ako ng tingin. Baka mahalata niyang attracted ako sa kan'ya!

Kinuha ko 'yong cellphone, at hindi na nagdalawang isip pa na pindutin 'yong camera. Siniguro ko muna na hindi na siya nakatingin sa akin. Mabuti at bumalik na siya sa pakikipaglaro sa mga bata.

Pasimple kong inangat 'yong cellphone para sana kuhaan siya ng picture. I just want to take a candid shot of her. She's a perfect subject.

Ngunit nagtaka ako nong hindi siya nahagip sa camera. Pinahiga ko ang cellphone habang hinahanap siya sa camera pero wala.