بقلمي (هدى الموسوي) الاميره الموسويه 👑
ما احلل لاي شخص ياخذ كتاباتي وينشرهم (ذمه)
نورالدين .. بالبدايه مساء الخير .. اشلونج .
سدن .. مجايه حتى اسلم عليك وتعرف احوالي .. سألتك سؤال جاوبني ؟!
نورالدين .. تمام بس صوتج لتعلي ولتستخدمين اسلوب التحقيق لانو ميمشي عندي.
سدن .. اشون تريد أسألك بلا كولي حتى اعرف.
نورالدين .. ماكو داعي والجواب ع سؤالج .. اي اني الي كسرت ايد اخوج واعتقد كلتلج راح اكسرها لايده اذا مدها عليج.
سدن .. انت شنووو مجرم؟!!
بأي حق تسوي هشكل بأخويه .. يمد ايده عليه يذبحني يموتنيييي انت ميخصك ، اخ واخته انت شكوو دتتدخل؟!
بعدين بسام ضربني لانو اني عرضه وخايف عليه .. اي واحد بمكانه يعرف اخته طالعه ويا واحد بدون علمه كان سوه اكثر من الي سوا بسام .. حتى انت لو بمكانه متقبلها.
يعني ردة فعل بسام شي طبيعي للغلط الي اني ارتكبته .. فأنت ما الك اي حق تعاقبه ع خوفه وحرصه عليه .. ما الك حقق تتدخل من الاساس.
نورالدين .. كملتي؟!!
سدن .. لا مكملت ويكون بعلمك بسام اخويه وما اسمح لاي احد يمس شعره منه.
نورالدين .. تمام كل الي كلتي صح والج كل الحق بي .
و اني تركتج تحجين كل الي بداخلج ومحجيت اي شي ولا قاطعتج .. هسه اجه دورج تسمعين وتجاوبين ع أسئلتي.
اولاً بالنسبه لاخوج بسام فأنتي تعرفي كلش زين شخص مصلحجي واناني .. والدليل ع كلامي لو انه كان يعرف انو انتي طالعه وياي صدكيني مكان راح يعترض ولا حتى يلمس شعره منج.
واني مااحجي اعتباط كلامي واثق منه وثقتي هذي تجي من معرفتي بي .. السؤال هنا ......
وين راحت غيرت اخوج؟!!
ليش اذا اني الي اطلع وياج يتقبل الموضوع واذا وشخص ثاني تطلع الغيره!!
اتركي كل الي كلته هسه وكولي كلامي هذا غلط وانو بسام ضربج بدافع الغيره ع عرضه والنخوه !!
انتي كأنسانه ما الج حق اتحددين مصيرج؟!
فرضاً انو انتي في يوم من الايام حبيتي شخص (دااكول فرضاً لانو هذا الشي مستحيل يصير بوجودي)
سدن .. شقصدك؟!!
نورالدين .. لتقاطعين وخليني انهي كلامي ..
وهذا الشخص الي فرضا حبيتي كان شخص فقير ومستوى الاجتماعي اقل من عدكم ..!
تتصورين اخوج راح يخليج ترتبطين بي؟!!
او حتى يوافق انو انتي تحبين هيج شخص وتبادلي مشاعرج؟!!
أنت تقرأ
﮼صفقة ﮼عشك
Romanceقصه جديده ... بقلمي الاميره الموسويه 👑 ما احلل لاي شخص ياخذ كتاباتي وينشرهم (ذمه)
