بقلمي (هدى الموسوي ) الاميره الموسويه 👑
ما احلل لاي شخص ياخذ كتاباتي وينشرهم (ذمه)
سدن .. لما اخذ بسام وراح بقيت اني الوب ماادري شسوي .. الى ان اجاني محمود !
كلتله يروح يتطمن ع بسام ويخابرني .. فعلاً اخذ منه عنوان المستشفى وراح!
اول ما وصل خابرني وكال بسام كولشي مبي وحالته مستقره.
اني مكنت مرتاحه لان وضع بسام لما راح ميطمن بخير .. مكدرت انام والبيت اصلا محد بي بس اني رغم الحرس الي كال عليهم اجوي بعد ما راح بدقايق!
انتظرت للصبح واتصلت ببابا .. كلتله ع موضوع بسام والحادث!
مثل متوقعت بقى يحجي عليه اشون ما كلتله من البدايه ولويش منطيته خبر من البارحا اذا بسام هيج حالته خطره!
بعد حدييييث طويل ورزاله .. نهى المكالمه بابا والمغرب وصل !
سلمنا ع بعض وكالي بدلي حتى انروح الاخوج!
بدلت ورحنا للمستشفى .. لكينا بسام كاعد ويسولف عادي الحمدلله ..
لما شاف بابا عصب عليه بسام!
لويش كلتي لبابا وليش خليتي يجي ، واني شكلتلج!!
ترى حتخبلوني انت اتكولي لتكولين وبابا يحجي عليه لويش مكلتله!!
هياته ابنك واسمع بنفسك شنو يكول.
الاب .. واني لمت اختك وحجيت عليها تالي تطلع انت الي متخليها تكلي؟!
بسام .. بابا ما تستدعي اجيبك كل هذا الطريق علمود كسر بسيط و هاي اني كدامك ما بيه شي.
الاب .. كسر بسيط؟!
اذا كسر بسيط ليش مدخليك نص الليل للمستشفى!؟
اشلون يصير كل هذا ومحد ينطيني خبر اني ابوكم لو غريب؟!
سدن .. بابا مو هذا قصدنا بس بسام ما راد يسببلك قلق هذا كل ما في الموضوع.
الاب .. اذا عليكم ما اخاف وما اقلق لعد عليمن اخاف؟!
بس هسه مو وكتها خلي يطلع اخوج من المستشفى والي كلام ثاني وياكم انتو الاثنين
سدن .. محمود هم كان موجود خطيه ما عاف بسام ولا لحظه لو ما هو منعرف لمنو انروح.
بس الي فاجأني كلام محمود ..
كال انو نور الدين بات بالمستشفى ويا بسام ومقبل يعوفه الا لما اتطمن عليه!!!!!
الظاهر اني ظالمته .. الباشا بنفسه يبات بالمستشفيات!
اكيد مو حباً ببسام لانو اني اعرف كولش زين اشكد هو ميرتاح البسام .
كعدنا ساعه تقريباً واجه الدكتور جيك بسام وكال انو تكدرون اتطلعو للمريض!
بس انكمل الاجراءات!
راح بابا ومحمود يحاسبون المستشفى ينطوهم المصاريف .. واني جمعت غراض بسام وساعدته بملابسه!
كملو الاجراءات وطلعنا بسام للبيت .. بالطريق بابا كال مااعرف اشلون اجازي نور الدين!!!
أنت تقرأ
﮼صفقة ﮼عشك
Romanceقصه جديده ... بقلمي الاميره الموسويه 👑 ما احلل لاي شخص ياخذ كتاباتي وينشرهم (ذمه)
