قطار العمر

البارت الثالث

قطار العمر
للكاتب غزوان علي
البارت الثالث

بطلنه الفرح ظليت أبيع هموم
واسعار الهموم مسجله بخدي
الرايد حزن خلي يجي ياخذ دين
والرايد فرح يعذرني مااااعندي

مرجعه راسي واحس بدوخه والمغذي بيدي وجهي اصفر من التعب ومااحس غير الباب انفتحت واشوف هذا الضابط الي اسمه راشد يدخل ويمشي بخطوات هادئه وعيونه تريد تاكلني
اطلع بره وكمت اصيح فيصل فيصل وجان يلزم حلكي بقوه
راشد .. اسمعي لج حقيره لعبالج افوت الي سويتيه انتي الي كولج شبر تسوين هيج بيه وتعضيني وتاخذين اسلاحي ولج زلم مشوربه ميكدرون يوكفون بوجهي تجين انتي تخليني مضحكه بين جماعتي

ميناس .. جان لازم حلكي واني بس ابجي لااكدر اعيط ولا احجي وجسمي يهتز من الخوف يمكن حتى راح اسويها على روحي من الخوف
راشد .. گلمه ومااثنيها وين السلاح
ميناس .. ارمش بعيوني وكلها دموع وخر ايده من حلكي والله عموو عند بابا اخذه والله موعندي

راشد .. لزمت شعرها بقوه شايفه الي سويتيه اله اندمج عليه وحده بكد الحشره تلعبين بمفرزه كلها ضباط طوبه
ميناس .. ابجي بخوف واحجي والله عمو جنت ادافع عن اخوتي والله
وجان يمد ايده على جسمي واني رجفت وغطيت صدري

راشد .. خلي ارجع السلاح واجيب امر القاءالقبض واخذج هناك يمي اذا مااكطعج اله اكطع من لحمج وصل ومااخلي واحد ميتونس بيج اله اسكط عرضج ياحقيره

ميناس .. فدووه عموو والله العفو والله جنت خايفه على انمار والله وبده يتجرأ على جسمي وجان تنفتح الباب ودخل النقيب كلت هاي هايه كملت راح يدمروني واكيد يعتدون عليه

مرتضى .. شكعد تسوي تخبلت عوف البنيه
راشد .. من كل عقلك اعوفها اله اتوبها هي واهلها واخليهم عبره

مرتضى .. امشي هسه وبعدين نرجع الها انربيها سوه
ميناس .. بلعت ريك واني ابجي وارجف وطلعوا وراها بدقايق دخل فيصل  وين جنت

فيصل.. شبيج ترجفين وتبجين صار شى
شمرت نفسي بحضن فيصل وكعدت احجيله الي صار تخبل وكام يعيط ويرد يهد عليهم عافني بالغرفه واني مثل المخبله بس ابجي تهسترت من الخوف وهو راح يدور عليهم كال اليوم اله اكتلهم خلاص

وين انطي وجهي وراها بدقايق اجه فيصل والنار تطلع من عيونه ملكاهم وقنع مدير المستشفى وفهمه على الي صار وبأن هي مواجهات بين الامن يعني منكدر نسوي بلاغ واقتنع وطلعونه واول مدخلت للبيت لكيته مگلوب ابويه يعيط وامي تلطم عبالي مات واحد كعدت والرجفه تهز جسمي هز اريد افتهم شكوو محد يحجي

تالي عرفت ماخذين انمار وجايين مفرزه يدورون على فارس القاء قبض كام بابا واتصل بواحد من اقاربه ابن عمه جان ضابط كولش جبير واله مكانته بالدوله وفهمه على الموضوع وعد بابا يحلها لان المصيبه الي طلعت ويه القاء القبض مال فارس اني هم مطلوبه وهذا الي خبل اهلي وحتى بابا ميباوع بوجهي