قطار العمر

البارت الرابع عشر

قطار العمر
البارت الرابع عشر
الكاتب غزوان علي

نور.. عشت ايام واشهر واني الشوق والحب ذابحني على فارس جنت دوم اسمع مقوله البعيد عن العين بعيد عن الگلب اني حسيت العكس من ابتعدت عنه حبيته اكثر وتعلقت بيه اكثر صار سلوتي بوحدتي صار بلسم الي يهدأ جرحي من ينزف صورته الي عندي ورسائله القديمه هي الي انطتني القوه حتى اكدر اعيش

عشت سنه ونص بعيده عنه بس هو مو بعيد عني بگلبي وبروحي اخويه ناصر جان اخ واب اليه حاول بكل الطرق يعوضني على النقص الحصل بحياتي منا موتت بابا ومن ماما الي ولا دارت بال اليه وعافتني وحسستني اني سبب قتل بابا وتفريق الاخوه ومنا حب فارس الي ضاع كولشي تغير بحياتي وديحاول يرجعني نور القديمه الي الضحكه والصوت العالي ميفارك يومي بس بعد ميفيد راحت نور القديمه وحلت محلها نور الصامته الي حتى من تضحك ابتسامتهه مو من گلبهه ونبأ اخت والنعم منها عشنه بكركوك بمشتمل ١٠٠ متر كافي علينا عشت بهدوء عجيب لا مشاكل ولا قهر واهم شى ماكو لا حمزه ولا منذر وصار اشهر مشايفتهم لحد مابيوم قرر ناصر يقدملي على كليه فرحت بس الفرحه متمت نزل ناصر لبغداد حتى يجيب الوثيقه وبلغ ماما بلتقديم واعترضت وحركت حمزه على الموضوع ومن رجع ناصر بعد يومين تفاجأنه بجيته گلبها للدنيا عياط وصياح على لحظه ناصر وحمزه واحد يگتل الثاني خفت لا اخسر واحد منهم وخاصه ناصر مثل مخسرت بابا لهذا قررت مااقدم واكعد واسكت اسلم وحتى اتجنب المشاكل بس كلمته ترن بأذني قبل ميطلع يحجي بكل عصبيه وبصوت عالي ويإشر بأيده
حمزه.. سمعي لج كليه بح تنسيهه تماماً ما اريد بيوم اسمع هاي الكلمه تنجبين وتكعدين بيت اخوج ولا عبالج يجي يوم وتتزوجين هذا العار گطنه وشيليهه من اذنج اي واحد يدك بابج ازوجج اله حتى لو زبال مو رفضتي ابن خالتج الي يسوه راسج وخسرتينا ابونا تحلمين تتزوجين هذا العار
نور.. زين تتذكر عندك اب وضيعت دمه
وجان يجيت عليه ولزمه ناصر

ناصر .. لك شو انت تهدد بيتي
حمزه.. اني حجيت وهاي اخر مره احذر اختج باقيه يمك على عيني وراسي واخويه الجبير وساكت بس كولشي اله حد
نور.. ناصر من القهر على بابا ولان مكدر ياخذ بحقه احسه انكسر وتغير حتى ماعنده قابليه يتعارك خطيه مردت ازيدها عليه وهذا حمزه كل الحيل بيه مال مشاكل حيل حصان مو مثله قررت اسمع من الاذن اليمنى اطلع من اليسره واسكت بس خلي يولي لبغداد
حمزه.. كعد تسمعيني لو لا
نور.. صار تدلل بس روح
حمزه.. من راحت روحج بعيني يانور اذا مااربيج بس خلي يجيج واحد اشيلج وانطيج وخلي نشوف الجبير شنو حجته بعد

نور.. طلع والخوف سيطر عليه اجتي ايام ماانام وخاصه حسيت ناصر هم إيد كلام حمزه يعني اي واحد يتقدم ينطوني رغم مسامعه اي خبر عن فارس يجوز خطب او تزوج ونسى حبنا بس اني بداخلي وفيه اله وجان اقرر من اطلع البس حلقه وين مااروح بحجه مخطوبه ومن اطلع ويه نبأ اخذ حلقتها لان صعب اشتري غاليه وماردت اكلف اخويه واخذ مصرف منه رغم هو ممقصر بس خطيه على الراتب ومن اطلع اخذ حلقه نبأ بس الحلو والي يضحك كل منطلع تجي مره تسألها انتي متزوجه خاله من ورايه ٣ خطبوها وهي تهز بيدها مره تضحك مره تخاف ليوصل الحچي لناصر بس لخاطري ساكته ومشت الاشهر على هذا الحال اطلع والحلقه بيدي ماعندي غير هذا الحل