قطار العمر

البارت التاسع

قطار العمر
للكاتب غزوان علي
البارت التاسع

‎معقوله رايح من صدك
‎•معقوله ما اشوفك بعد
‎•معقوله هيج انت صرت
‎•تنساني وتروح وما ترد
‎•مو جنت منطيني وعد
‎•مو كتلي ما اعوفك ابد
‎•جنت بحضنك ادفه ولك
‎💔•وهسه اني كاتلني البرد

منذر .. اكولك حمزه اليوم مو نتائج نور ليش منروح نشوف شطلعت
حمزة .. يمعود عندي كومه شغل
منذر .. امشي الله عليك منتأخر ساعه ونرجع
حمزة .. ولك اني غير اخوها شون هيج ترجف على اختي كدامي
منذر .. هههههه على اساس متدري بيه احبها وهي بحكم خطيبتي
حمزة .. بس خف الرجف لا اكسر سنونك بحلكك لتنسى هاي اختي
منذر .. ههههههه يغار على اخته والله شكلك حلو هسه امشينا ساعه ونرجع
حمزة .. بس من نرجع تكمل الشغل ويايه اكو فايلات يرادلها مراجعه تكملهم
منذر .. عمي واكمل اغاتهم بس امشي

وصلنا قريب المدرسه شفنا بالرگن مالتها نور وهذا الي اسمه فارس واكف يسولف وياها وحمزه كمز عقله يريد يسحلها ويگتله خلاص اني گلبي جان حاس اكو شى لزمته تعال شبيك تخبلت
حمزة .. اليوم اشرب من دمها ودمه
منذر .. انت كاعد تشوف الشارع كومه طالبات بيه اكيد اكو كم وحده بيهم جيرانكم واذا صارت عركه هسه راح تصير فضيحه شكبرها ونتخزا
حمزة .. لعد شتريد اصفك الهم واجيبلهم عصير حتى تحلى الكعده

منذر .. تره ماكو واحد هسه بكدي صاير نار ولوبيدي اكطع من لحمه متعرف اني شحس هسه بس لازم نمسك اعصابنا الغلطه تكلفنا سمعتنا هو ماعليه شى يبقى ولد ومن حقه كولشي يسوي بس هي راح تصير علج وكلنا راح نروح بلرجلين

حمزة .. بس اني مااتحمل اشوفها واكفه هيج وارجع ولاكأن اكو شى وانتظرها بالبيت
منذر .. لا راح ناخذها بهدوء من يمه وبالبيت حسابها هناك وهذا فارس عوفه الي اذا مااطلع حليب امه من خشمه فلا اسمه منذر

وصلنا يمهم واسمعهم يحجون
نور .. ههههههه شون فرها اخ منك
فارس .. اموت على ضحكتج
نور .. واني اموت عليك
حمزة .. لج نور
نور .. انداريت واشوفهم كدامي قطره دم مابيه حتى صوتي مطلع
فارس .. حمزه اسمعني
حمزة .. اشش صوتك مااريد اسمعه وحسابك بعدين منريد فضايح
فارس .. بس خلي افهمك
حمزة .. كدامي نور يله
نور .. تعاملو بهدوء واني شبه جامده من الخوف احس گلبي مبقى شى ويوكف واجلط مخلو فارس يحجي اصلاً وهو هم مراد يعلى صوتهم حتى لحد ينتبه اول مصعدت السياره هدوء بس اعرف وره هذا الهدوء كارثه
وصلنا للبيت دخل السياره دافتح الباب جان يجرني حمزه من شعري
نور .. ااااااخ اااخ فدوه لتأذيني
حمزة .. ماأذيج ولج اليوم راح اصفي دمج ياساقطه وبدا يضرب بكل جهه وهو ايده ضخمه ومتعلم على التحقيق فجان كل ضربه عبالك سجين وابجي واعيط بس مااكدر ادافع عن نفسي لان المنظر الي شافوني بيه مااكدر انكره وبنفس الوقت سمعوا كلامنا وفوكاها منذر ويااه يعني ابد مرحمني وعلى عياطي نزلت مرة ناصر تركض وامي
ام ناصر .. على بختك حمزه لك وخر منها شون تمد ايدك عليها
منذر .. عوفي خالي خلي يطيح حظها الحقيره
زوجة ناصر نبأ .. على كيفك منذر شنو يطيح حظها قابل تايهه هي
حمزة .. وخري مني امي اليوم اجرم بنتج
ام ناصر .. لك فهمني شسوت
حمزة .. الخاتون واكفه بنص الشارع وتتمعشك وتتغزل وعايشه اللحظه وناسيتنا وناسيه تربيتنا بنتج ساقطه ادبسزز وانتم السبب هذا دلالكم الزايد الها
ام ناصر .. عزه الي عزاني ولج نويره الي يكوله اخوج صدوك
نور .. سكتت بس دنجت وابجي لان مااكدر انكر
ام ناصر .. تصخمنا وتعزينا ليش ولج بشنو قصرنا وياج هاي تاليتها
نور .. بس ابجي ماعندي حجي ولا تبرير ولا توضيح ورجع حمزه يضرب بكل قوته وهلمره ماما مدخلت وبس خطيه نبأ حاولت تفكني من ايده بس هو قوي وكطعه لشعري تكطع اااخ كافي فدوه ارحمني والله الولد يحبني ويريد يخطبني