قطار العمر

البارت الخامس والاربعون

قطار العمر
البارت الخامس والاربعون
للكاتب غزوان علي

وصلت للباب واسمع حوراء وريسان فتحت عيوني شعدها هنا شصعدها وفوكاها بغرفتهم القديمه وبحركه سريعه ودكات گلبي المسموعه جان افتح الباب
واشوفها تحضن بيه واني تخبلت لابيه اعيط منا الناس البيت مگلوب عماتهم وخالاتهم وكل اهلهم ولا بيه اسكت بقت دموعي تصب واكفه وهو اجه يركض عليه
ريسان .. والله هي اجتي ولزكت بيه ودفعتها وطردتها ومافاد ميناس حبيبي والله ماسويت شى 
حوراء .. اني شعليه مو انت دزيتلي رساله تعالي اصعدي فوك مشتاقلج
ميناس.. اباوع عليه وعليها واريد اتنفس ما اكدر واشهك بصدري
ريسان .. انجبي لتجذبين اني ادزلج رساله لو اموت مااسويها
حوراء .. وهاي شنو هذا مو رقمك يمه لو رقم ابويه
ميناس.. جان تقرب التلفون من وجهي ومكتوب حوري حبيبي تعالي فوك مشتاقلج واباوع رقم ريسان حسيت بسجين وضربت گلبي كلشي ولا الخيانه اتحمل كولشي ولا يخوني من كثر ما احبه احس اي شى منه يموتني مو بس يجرحني
ميناس.. تصرفت بهدوء عجيب اكو مرات شغلات تصير بداخل الواحد لو تخلي يفقد اعصابه ويحرك الاخضر واليابس ولو الله ينزل عليه هدوء عجيب ويعرف يتصرف وياخذ حقه كل المريت بيه بحياتي التعيسه بكفه وهذا الموقف بكفه ثاني اني اعتبر ريسان الامان مالتي وصعب تلكه الامان مهزوز
طلع صوتي كوه مسحت دموعي وباوعت على حوراء وكتلها
انزلي جوه ما اريد اشوفج هنا
حوراء .. اني شنو الدخلني رجلج هو تحارش وهو صاحني
ميناس.. كتلج انزلي لا وروح ابويه انزلج بزفه تسوه عمرج
حوراء .. شو ما انزل اريد اشوف شسوين
ميناس.. وجان يجرها حيل من ايدها ريسان وطلعها بره الغرفه ودفعها على الدرج اله شويه وتوكع وكال الها انزلي لا احرك اهلج
حوراء .. ماشي بعيني فوك ما متحارش بيه وتتوسل بيه تطردني
ريسان .. امشي وانجبي مبقت بس انتي اتوسل بيج

حوراء ..ليش يمه مجنت مرتك مجانت هاي الغرفه حاويتنا لعشر سنوات غير هاي ام الصالونات الدايحه الماعرف منين جبتها رقيتها وتزوجتها  وطلكتني من وراها
ريسان .. لج بابا اني طلكتج لان مااريدج اكرهج اشمأز منج تنزلين لو اجرج من شعرج هسه وكدام الناس كلها
ميناس.. حسيت الصوت بدا يعلى وخفت ليسمع احد يمكن لو وحده غير تعيط تفضحهم بس الدنيا علمتني من ضيمها وقهرها مااحكم بسرعه وخاصه اني من دخلت مجان ريسان بوضع متقبلها او مسوي حركه موزينه وياها صح انجرحت وگلبي نار بس هم ما احب اصير علج بحلك الكل وهم ما اريد اخرب فرحه مريم خطيه شنو ذنبها تعاملت برود لحد ما افتهم بس الرساله الي شكت گلبي معقوله هو هيج يسوي
انزلي الكعد تسوي ميفيد ريسان انت تريدها لحوراء
ريسان .. طبعاً لا لو يصبوها ذهب ما اريدها
ميناس.. سمعتي انزلي حبابه بهدوء بدون ما انزلج بزفه واخلي النسوان والزلم يتفرجون عليج وانتي تدرين عمي شكد يحبني كلمه مني حتى اخلي ابوج ينسحل كدام الناس
اذا بقت ولو ذره كرامه عندج انزلي وعوفي بعدني هادئه وعاقله وما ادري لوين الهدوء يبقى
حوراء .. ريسان كعد تسمع كلامها
ريسان .. اذا هي مسوت هيج اني راح اسوي انزلي ولو مره خلي يصير عندج كرامه
حوراء .. اسمعي ام الصالونات هذا الي تعتبري رجلج جان هسه يبوس بيه ويتوسل اخاف اجيتي ومشفتي وهاي الغرفه ياما وياما شهدت لحظات حب بينا ومن شبع ومل راح يدور بلشوارع انتظري فتره من يشبع منج يدور على وحده مثلج واتذكري كلامي