قطار العمر

البارت الثاني والعشرون

قطار العمر
البارت الثاني والعشرون
للكاتب غزوان علي

كمت مااكعد بلبيت اكعد بعتبه باب المطبخ واباوع على الباب الخارجي اتخيل يدفعون الباب ويجون يركضون لحضني
ويوم بعد يوم وأيست يندفع الباب
ومثل اي يوم مر بحياتي بعد ٥٠ يوم  اعتبرها ٥٠ سنه من عمري بدونهم
وصافنه واتخيل ضحكتهم واندفعت الباب واسمع صوتهم
وصوت ماما يهز البيت وكفت وارجف وممصدكه عيوني واشوف سالم مبتسم واكف وبيده سيف وملاك
كمت على حيلي ممصدكه الي اشوفه ركضو عليه ويه ركضتهم اني هم اركض واعيط ممصدكه جهالي رجعولي وكعت بلكاع وحضنتهم حيل وابجي بهستريا
اووف يمه جهالي بحضني مداصدكً
سيف .. اشتاقيتلج ماما
ميناس.. اروح فدوه لكلمه ماما وابوس بيهم براسهم وايدهم واحضنهم حيل واخاف يكون حلم مو حقيقه
ملاك لتبجين ماما
ميناس.. تروحلج فدوه ماما وعشيرتها ااااااه يانور عيوني ممصدكه انتم بحضني
سالم .. الي ردتي صار هم كولي مو كدها اني
ميناس.. كمت من الكاع وحضنت سالم اني احس سالم اخويه ورغم حرام احضنه بس نظرتي اله ونظرته الي اخوه ونظيفه والحاله الي جنت بيها تخليني مو بس احضنه لان رجع اطفالي  ابوس رجله هم
الله يحفظك مااعرف شون اشكرك
سالم .. يمعوده كولي ياالله غير ذوله ولدي هم كافي بجي مو راح تموتين

ميناس.. وخرت من حضنه ومسحت دموعي وممصدكه الي اشوفه رجعت حضنت جهالي
ملاك .. ماما نونيه
ميناس.. اني اصيرلج نونيه اوف ربي الحمدلله مدااصدك
سالم .. سبحيهم بالاول مكعد تشتمين ريحتهم
ميناس.. ابوس بيهم ومااشتم احس ريحه عنير ومسك بيه من كثر مطاگ گلبي عليهم
شبيهم يخبلون
سالم .. ولج يايخبلون تكول عبالك عايشين بمجاري كاتلهم الوصخ
ميناس.. تعالو حبايبي اسبحكم واوكلكم اباوع عليهم ضعاف حيل منتهين تكول صار سنه مماكلين حتى وجوهم صفره
سالم .. لا بالله واني ابن البطه السوده مااتزقنب مو حتى بلجذب مگلتي جوعان تريد تاكل
ميناس.. سويلم لو العمر كله اسويلك اكل وكيك مااجازيك على سوايتك من رجعت الجهال لحضني
سالم .. بعد من اجي مو تكولين تعبانه عندي شغل شوكت مااجيج تسويلي اكل والي احبه والكيك بلطعم الي اختاره
ميناس.. عيووني الك مو بس الكيك
سالم .. هلا هلا فديت كرشي راح يشبع اكل
لو ادري هيج جان من زمان گلت لعمار ياخذ الجهال واني ارجعهم حتى استفاد هيج استفاده
ميناس.. ههههههههه خرب ببليسك عمي الي تأمره بس جهالي يبقون بحضني

اخذت سيف بالاول اسبحه وعفت ملاك يم عمها
حبيبي خلي انزعك
ما اني اسبح
ميناس.. شبيك ياامي من شوكت انت تسبح مو اني اسبحك
ما عفيه ماما
ميناس.. لتعبني سيوفي شوف حالك لازم اني اسبح لزمت شعره ولك حتى مكمل خرب لشتهم اي والله القذرين يله حبيب امك خلي اسبحك بسته عاف التيشيرت جان لازمه ميقبل انزعه اني نزعته واشوف ظهره خريطه لطمت على صدري صخام بوجهج ميناس هاي شنو منو مسوي هيج بيك
كام يبجي ومدنج
حبيبي احجي لتخاف جان يحضني حيل ويشهك ويكولي لتعوفينا ماما بعد
حضنته حيل وابجي وياه الله يعلم شصار بحالي بلياكم والله لو عليه بروحي اضمكم لتخاف امي اني يمك ومااخلي احد يطخك
بس كولي منو ضربك
محجه كولشي تنزل دموعه وساكت باوعت على عيونه بيهم حزن شاب مو طفل عمره ٧ سنوات الله يشيلك ياعمار ياگلب راح يضيع الولد من وراك سبحته بهدوء حتى لا الجم جروحه وبقى جوه المي ركضت على ملاك كلت خاف مسويلها شى ياالله