قطار العمر

الجزء الاول من البارت الاخير

قطار العمر
الجزء الاول من البارت الاخير
للكاتب غزوان علي

بسبب طول البارت الاخير وكثره الاحداث قسمتهم جزء اول وجزء ثاني
حالياً الاول وساعه الواحده بعد منتصف الليل الثاني انتظروني

خير يمعوده علي صوتج مااسمع زين
رنيم .. ولج انور لزم عبير تحجي ويه واحد وبينهم شغلات موزينه والمصيبه صديقه
ميناس.. انت صدوك تحجين
رنيم .. بربج هذا موضوع مال شقه
ميناس.. وتالي
رنيم .. ياتالي لازمها مشبعها كتل مكطع الحزام عليها حتى ايدها كاسرها
ميناس.. بس والله توقعت يكتلها خلاص
رنيم .. مو هي نكرت ومن لازم التلفون شايف شى بسيط مو لزم يد يعني وياها بلبيت هي الوتيه ذابه التلفون بلمي ركض ذابته بلمجره مال الحمام بس هو متأكد من الشافه
ميناس.. مفهمت كولشي شنو لازمها وشنو ملازمها احجي عدل يول
رنيم .. شوفي هو مو خفر بلدوام جاي من وكت داخل للبيت سامعها تسولف وتتمضحك وسامع شى من كلامها حبيبي ومشتاقتلك واريد انام بحضنك
ميناس.. صخام اي
رنيم .. هو جار التلفون وسامع صوت صاحبه هي تعرفيها ثور وحيات عينها جري التلفون من ايده بسرعه واركضي شمري بلحمام بلمجاري بس مملحك عليه هو هم لزمها عدمها العافيه حتى ايدها كاسرها وهسه هي بلمستشفى ورايح على بيت صاحبه لازمه مكطعه تكطع
ميناس.. حيل تستاهل هو شون رجال عدها دره مال الله الكحبه ممالي عينها مستحت ابنها وبتها بطولها كملي وراها شصار
رنيم .. ذاك الولد مهدد انور لان اهله كلهم بلدوله والامن الوطني وهاي الشغلات وكايله اكدر اسويها عشاير وهم اخيسك بلسجن لان ماعندك شى ملموس ضدنا

ميناس.. فوك سوايتهم السوده يهدد
رنيم .. كام انور انقل من دوامه وطلك عبير
ميناس.. وهسه هي وين
رنيم .. بعدها بلمستشفى
ميناس.. واخوتج عرفو
رنيم .. لا ماما حاولت تحتوي الموقف وبس اني عرفت وكالت تعاركو واطلكت مكالت السبب ويمكن ذاك مهدد انور
ميناس.. هسه على اساس اخوتج من راح يعرفون راح يسون الفلحه اكبر جبناء ومابيهم اي خير كل واحد حاير بمرته وجهاله
رنيم .. خليهم يمعوده بس كون محد يعرف اقلها منتخزه كدام رجولتنا
ميناس.. بس لو كاتلها جان برد گلبي
رنيم .. اول مره اشوفج هيج تحجين قبل ميناس من تسمع واحد من عدنا بيه شى تتخبل حتى لو عبير
ميناس.. كلتيها قبل وذيج ميناس الثوله ماتت شحصلت منها بس طيحان الحظ والمرار
رنيم .. يعني انتي فرحانه بلي صار بعبير
ميناس.. ليش اجذب اي فرحانه وابو زايد ويطبها طوب وحده خاينه رجلها شتريدين اهلهل واصفك الها

رنيم .. تدرين سألت عليج
ميناس.. اششش رحمه لأبوج اسكتي لتخليني حتى انتي اكطع منج وما اجاوبج
رنيم .. سكتت اني شعليه بس ردت اوصلج كلامها
ميناس.. ما اريد كولشي اسمع عنها كافي السوته بيه والصار بيها نتيجه گلبها الاسود وربج حبله طويل يمهل ولا يهمل وبعد وبعد كولشي بوقته حلو
رنيم .. ما اعرف شكول حقج لو سامحيها لان اختج