قطار العمر
للكاتب غزوان علي
البارت الثامن
فارس .. اني شفت نور هيج وركض حتى ركضت حافي انزع الي برجلي ومثل المخبل هيج وقت دوم بعد الوحده المنطقه تصير حيل هادئه واني شفتها هيج تخبلت وهي تعيط وتقاوم وجان اجيت عليها مفكرت بكولشي غير انقذها حتى لو اموت
نور .. ومااحس غير فارس جيت عليهم وتلاوع ويه الي لازم سلاح واني اعيط وابجي من عياطي طلعوا العالم ومااحس غير الي بيده سجينه يضرب فارس اني عطت بعلو صوتي كلت مات ذوله انهزمو واني ركضت عليه وابجي ولازمته فدوه فارس لتموت فدوه
فارس .. واحد حقير غدرني وضربني بجتفي من جه الظهر بس الضربه موحيل عميقه صح تأذيت بس مولدرجه الموت من شفت نور منهاره وحطتني بحضنها بدون وعي منها كلت خلي اخوفها اسوي شويه اكشن وين لاكيها هم بحضنها وهم اشم عطرها لو احلم هم متصير
وبديت اسوي نفسي انتهيت وهي ترجف وتبجي وتعيط ساعدونا
ابوخالد ..جيران .. ياستار شبيه الولد
نور .. عمو فدوه صيح اخوتي خلي يجون بسرعه فدوه وراح الرجال يركض واني حاطه راس فارس بحضني والدم ترس هدومي واني من الخوف والرجفه والهبطه مداعرف شحجي وبس ابجي
فارس .. نور تره اني احبج
نور .. فدوه اسكت لتتعب هسه اخوتي جايين شون هيج اتجيت وتعرض روحك للاذيه
فارس .. لو بالنار اذبها لعيونج نور
نور .. هااعيني
فارس .. اذا متت لتنسيني
نور .. ابجي بقوه فدوه لتكول هيج اني هم احبك والله احبك ابقى عايش لخاطري مااكدر بلياك والله
فارس .. اني من فرحه يمكن اكوم اركص بنص الشارع ممصدك حجت وشون اعتراف بطريقه بالافلام متصير ههههههه رب ضاره نافعه يله على ضربه السجينه سهله بس صارت صدوك وبديت اتعب لان زاد النزيف وانتبهت عليها اصفرت كلت اخاف يصير بيها شى من ورايه
نواره حبيبتي على كيفج مابيه شى
نور .. يامابيك والدم الي ترس الكاع
فارس .. داحجي وشفت اخوتها تقربو منا يركضون بكل قوتهم
حمزه .. شصار وشجابج هنا
نور .. فدوه حمزه راح يموت ساعده
ناصر .. كومي بابا خلي نفتهم وشيلو الولد بسرعه
اخذه حمزه وجيرانه وركض للمستشفى بس بعيون حمزه الف سؤال وسؤال
امشي ويه ناصر للبيت وعيوني على فارس وابجي بدون توقف
ناصر .. احجيلي شجابج يم فارس
وبديت كولشي احجي بس ابجي كوه افتهموا عليه
ام ناصر .. سوده بوجهي جان راحت بنتي مني
ناصر .. ياساقطين يتجرأون على اختي اليوم احركهم حرك اذا شفتيهم تعرفيهم
نور .. اي اكيد لان شفتهم زين من جانو يتلاون ويه فارس
ام ناصر ..يمه بنتي جان تعزينا وتصخمنا لو ماخذيها دخيلك ربي نجيتها لبنتي الف الْحٍمَد لله والشكر
ناصر .. خلي اروح وره حمزه وانتم لطلعون لأي احد خلي اشوف هذا الولد الي تصفه بدمه اخاف صار بيه شى
نور .. كعدت بالكاع وابجي اباوع على ردن القميص كله دم وصدريتي من جهه صدري دم كومتني ماما وخطيه تبوس بيه ممصدكه رجعت سلامات
اخذت الصدريه والقميص تريد تشمرهم كتلها عوفيلي بس القميص اريد اخذ منه الدكم لان احبهم واني اذبه
ام ناصر .. ماما هي مال دكم عندي اشكال والوان انتي هسه بيا حال وجهج ليمونه ليروح يصير بيج شى من الهبطه
أنت تقرأ
قطار العمر
Romanceقصه عراقيه حقيقيه لامرأه تعاني من ظلم اقرب الناس الها وعدم انصافها واخذ حقوقها ياترى الزمن راح ينصفها رغم كل الظلم الي تعرضتله وهل للحب تأثير بتغير محطات العمر المؤلمه ؟
