قطار العمر

البارت الثامن والعشرون

قطار العمر
البارت الثامن والعشرون
للكاتب غزوان علي

سالم .. شتعلم لخاطر الحمزه حقك مو انت اخذت الي تحبها تحس بيه شون سمعت طكه ورايه انداريت شفت رشا صافنه عليه
اباوع عليها عرفت سمعت كولشي
يله فارس اخابرك غير وقت
فارس.. الله وياك ولك بيض وجوهنه مو تصخمها
سالم .. الله كريم
فارس.. من الله كريم مالتك عرفت المره راح تنام يم اخوها والله اكلت بوري معدل هاي البنيه

سالم .. هههههه ولك روح مو وقتها يله مع السلامه
فارس.. الله وياك
سديته وتوجهت عليها وهي بعدها واكفه بمكانها بيج شى رشا
رشا .. منو هاي الي ذبحتك شهكتها ومن وراها تريد تشمر روحك من الجسر
سالم .. اني ما احب المره الي تتسنط احتقرها
رشا .. اني مو طبعي اتسنط بس انت صير بمكاني عروس وبليله عرسها يدخلها زوجهه للغرفه ويعوفها ويروح وتبقى لوحدها وقت طويل شسوي اقل شى تطلع ادور عليه واني اجيت اشوفك وين وغصب عني سمعتك
سالم .. ادخلي جوه ليش لهسه ممبدله
رشا .. سحبت بدلتي ودخلت وهو ورايه وعيونه كلها ارتباك دخلنا للغرفه كعدت على الجربايه وهو واكف بعيد عني
مجاوبتني
سالم .. على شنو
رشا .. منو هي
سالم .. عطت ردت اتهزم من الاجابه حرجتني وخاصه اشوفها هادئه لا انهزت ولا عاطت ولا سوت اي رده فعل طبيعي حالها حال البنات اذا عرفو الزوج او الحبيب يحب وحده ثانيه جانت هادئه هدوء عجيب ماادري هذا الي يسموه الهدوء قبل العاصفه
لتلحين ولاء
رشا .. اسمي رشا مو ولاء يعني هي اسمها ولاء حلو اسمها
سالم .. اعتذر غلطت بالاسم
رشا .. لا عادي اكيد هي اسمها متعلم عليه اكثر مني
سالم .. انت ليش هيج تحجين برود
رشا .. وشتريد اسوي
سالم .. كعدت گبالها واني مستغرب كولش من هدوئها يعني على اقل تقدير تزعلين تبجين
رشا .. وليش ازعل وليش ابجي سالم احنا مو صغار واكيد اكو شغلات بحياتنا صايره واحدنا ميعرف الثاني بيها وخاصه بمده قصير تزوجنا يعني مثلاً يجوز بيوم اغلط بأسمك واصيحك بإسم شخص جنت اعرفه عادي تصير جان يجرني حيل من ايدي وصار نار
سالم .. شحدج تسويها اكص لسانج وروح ابويه وتعالي هذا منو الي تصيحين اسمه

رشا .. جريت ايدي منه كوه وكتله بهدوء شفت شون تعصبت مجرد تخيلت اصيحك بأسم غير اسمك واني ممسويتها شون وهسه صحتني بإسمها
سالم .. بس اني اعتذرت مو قصدي
رشا .. واني قبلت اعتذارك والدليل كاعده واسولف وياك طبيعي لكن مااضمن الك مستقبلاً راح تكون هاي رده فعلي اذا غلطت بأسمي وناديتني ولاء
مثل متريد مااغلط بأسمك اتمنى هم تحترمني ومتغلط بإسمي
سالم .. ضليت صافن عليها
رشا .. شو صافن
سالم .. هيج زوجتي واصفن عليها وبكيفي
رشا .. اعرف تتمنى هسه هي بمكاني وحقك ما الومك بس ممكن اعرف ليش متزوجتها
سالم .. اكو عروس تسأل زوجها بليله عرسهم ليش متزوجه حبيبتك
رشا .. لعد اكو عريس بليله زواجه يكول لصاحبه اشمر روحي من الجسر ومو هي الي تمنيتها اقلها ارضي فضولي اريد اعرف شنو السبب الي خلاني هسه اني بمكانها
سالم .. انتي غريبه وبنفس الوقت قويه
رشا .. ليش نغالط ارواحنا احنا ماكو حب بينا خلال مده قصيره كولش اتزوجنا على الاقل يكون احترام وموده وتكدر تكول صداقه
سالم .. ههههه خوش عريس يصادق مرته ليله عرسه
رشا .. عادي احنا نغير المعروف ونسوي شى محد مسوي احجيلي شنو قصتك
سالم .. اووو رب الفضول انتي طلعتي
رشا .. شايف انت يله اسمع