قطار العمر

البارت الثالث عشر

قطار العمر
البارت الثالث عشر
للكاتب غزوان علي

مرتضى .. جان المفروض هسه هذا ابني
ميناس.. بعدني ممكمله كلامي جان تنجر ايدي بقوه حسيت جتفي انخلع فزيت
واشوف عمار من وره جرني
عمار.. خوش والله عايفه بيتج ودايحه بلسواكه هذا منو خاتون
مرتضى .. رجاءاً اخي شنو هذا الحجي الاخت اعرفها من زمان واعرف اهلها تكدر تكول صديق الهم
عمار.. واذا انت صديق يصير تلزمها بنص السوك وتكلها المفروض هذا ابني لك انت رجال مستحيت ماعندك عرض
ميناس.. فدوه كافي منا العالم راح ننفضح
عمار.. هم الج عين وتحجين اليوم موتج على ايدي
مرتضى .. اذا لزمت شعره منها وروح ابويه اخليك الشمس متشوفها بحياتك
ميناس.. والله مصار شى عمار مجرد صديق فارس وسلم عليه
عمار.. اريد اشوف فارس واكوله ترضى اختك توكف بنص السوك ويتغزلون بيها وتضحك خلي يشوفون اختهم الشريفه الي خابصني بيها شكعد تسوي
مرتضى .. كلمه ثانيه وبعد متشتم الهوا كتاب مني صغير حتى اهلك امحيهم
وجان يطلع هويته هو شافها عمار كام يبلعم وحسيت بخوفه مباشره بينت من عيونه
عمار.. امشي نرجع للبيت
ميناس.. يله

مرتضى .. ميناس اذا لزم شعره منج تندلين مكاني واني اعرف شون اتصرف
ميناس.. شكراً ميحتاج من رخصتك
ميناس.. مشينا وعمار نار تطلع من عيونه واعرف مراح يسوي شى من شاف مرتضى وين يداوم وبذاك الوقت واحد مثل رتبت مرتضى مو بس يضيع عمار حتى عشيرته دخلت للبيت وهو حتى مدخل خله وله مااعرف وين كعدت ونزعت ملابسي وبداخلي اكول شدعيلج ياماما لو موافقه على زواجي من مرتضى مجان هذا حالي شفته شون شهم وقوي وشخصيته حلوه وعيونه تنطق من شافني رجعت نفضت الافكار من راسي واستغفرت الله نسيت روحي متزوجه صخام

مر اليوم وهو حتى مرجع للبيت شوف بيا مكان قذر مقضيها وثاني يوم بليل اجه سكران صاير طينه حتى يهذري بلحجي فتحت الباب ودخلته واحاول اخلي ينصي صوته مره يعيط مره يغني اتجي عليه اريد اوصله للحمام بلكت اذا اغسله يصحه واني لازمته ويغني جان يلزم شعري حيل حسيت فروه راسي راح تنشلع بيده
ميناس.. ااااخ شبيك عوفني
عمار.. لج ساقطه مصادقه عليه تخونيني
ميناس.. استغفر الله ولك منيلك هذا الحجي عوفني مو كطعت شعري

عمار.. اليوم احرك ابوج وعشيرتج گلها بنت الگلب اني تاج راسج هيج تسوين بيه اني عمار الي مدوخ نسوان المنطقه تجي وحده مثلج متسوه نعالي تنزل راسي وتصادق عليه عبالج افوتها الج
ميناس.. والله ممسويه شى والولد صديق فارس
عمار.. عبالج اني زوج جان ياكلج بعيونه
ميناس.. فدوه عمار عوفني وتعال غسل حتى تصحى صوتك وعياطك مسمع الجيران خزيتنا وابنك نايم راح يكعد
عمار.. ومنو يكول هذا ابني
ميناس.. لطمت على وجهي من صخام بوجهك مبين الشرب خبلك انت متستحي وبديت تخربط
عمار.. لا مااستحي واليوم حليب امج اطلعه من خشمج

ميناس.. شمرني بلكاع بقوه انركع راسي بلحايط ضربه حسيت راسي انفتح من قوتها وهو سكران وتخبل عليه نزع حذائه ودك على راسي اريد اعيط بس منو ينقذني منه الساعه ٣ الصبح والناس كلها نايمه ومااكدر اصلاً اكوم من جواه نايم على خوانيگي حطيت ايدي على حلكي  واصرخ ومااريد يهبط سيف كافي صايره بيه خوفه من يشوف ابوه
بقى يضربني وجان يشكك الدشداشه
ميناس.. لك كافي ارحم بحالي مو راح اموت بيدك
عمار.. انتي الجلبه مالتي واليوم تسوين كولشي اطلبه