قطار العمر

البارت السابع عشر

قطار العمر
البارت السابع عشر
للكاتب غزوان علي

فـــايـــت قطار العمر
مـــليـــنةحـــتى ألـــصبـــر
والـــهســـة ماشفنـــاه‎‎‏
‏
وأنـــدور أبـــيا كتـــر؛
ألمـــن بعـــد ننتضـــر
وأييـــسنـــة مانلكـــاه

ألــدمعـة تجــري لمـــن
أشحصلــنة مـن هالزمـن
مــايـــستحـــق أي ثمـن
وبـاالطــاري لــو جبـنـاه

.مجــروح دومــة ألكلــب
يــتمنـــى مـــرة يحـــب
وألعـشــك صايــر صعـب
مـــنهـــو ألـــذي خـــلاه

راكــب قطــار ألــوهـــم
مــحصــولة بس ألألـــم
وفـــوكــاها شايــل أسـم
نـــفســـة الـــذي سمـــاه

ممصدك ميناس جايتني
ميناس.. شونك مرتضى
مرتضى .. اكعدي ارتاحي احد وياج
ميناس..افرك بيدي من الخوف والخجل ومدنجه واحجي
لا ماكو احد وحدي اجيت اخاف عطلتك اجي غير وقت وكفت على حيلي جان يعوف مكانه واجه ركض
مرتضى .. وين رايحه
ميناس.. اخاف عندك شغل
مرتضى .. احرك الشغل واهله غير منورتني ميناس ممصدك عيني لهسه اكعدي ارتاحي وخليني افهم شبيج شتشربين لو ممتريكه نتريك سوه
ميناس.. لا شكراً بس مي عطشانه
مرتضى .. اصيرلج مي تدللين
بقيت شويه ساكته وهو يباوع بلهفه  وجان يسألني هنا احس انفتحت جروحي ولازم اسويلهن حل
مرتضى .. احجي يلغاليه شمسويلج رجلج وشصار بيج بحيث وصلتي مرحله تجيني
ميناس.. نزلت دمعتي لاارادياً شمدريك رجلي
مرتضى .. اني اعرفج اكثر من نفسج ولا عبالج يوم مشفتج بلسوك نسيت الموضوع اني من شفت تعامل زوجج وياج معجبني وضعه وسألت عنه وعرفته مو خوش رجال احجيلي هذا السافل شمسويلج وحق هاي الدمعه الي تاخذ روحي لا اخلي يندم على اليوم الي انولد بيه بس امسحيهم ذوله غوالي وعزاز ميستاهل تنزليهم على هيج واحد

ميناس.. مسحت دموعي وبديت اسولف اله من اول يوم زواج وهو ورث چكاره وطول مااسولف وهو يروح ويجي بلغرفه وتخلص وحده يشغل الثانيه حرك روحه حرك بلچكاير احجي بحرگه گلب بس بدون بچي بس من وصلت ليله البارحه واني احجيها تذكرت منظره وياها والوضعيه القذره الي جانو بيها وكمت ابجي
مرتضى .. گتلج دموع مااريد هو منو هذا حتى تبجين عليه
ميناس.. والله ماابجي عليهه ابجي على حظي مقصرت بشى وياه صح اتزوجته غصب واكبر مني ب١٨  سنه وعشت الذل والقهربكل انواعه وياه بس عمري مفكرت اخونه وراعيت الله بيه ويشهد ربي كم مره حاولت افتح صفحه جديده وياه واعيش على حب الله بس مفاد كولشي قبلت وكلت اتحمل لخاطر جهالي بس توصل بيه الجرأه يجيب وحده بفراشي اكيد تستغرب ليش انت بلذات اجيتك ومرحت لأهلي

مرتضى .. لا مااستغرب اكيد مراح ترحين لأمج لان راح ترجعج انتي الغلطانه
ميناس.. شمدريك
مرتضى .. من يوم مااجيت وخطبتج وعرفت طينه الوالده تعرفين اني بعد كم شهر هم اجيت وخطبتج وكالو تزوجت گلت انطي لأمج الي تريده بس تقبل اغركها ذهب وفلوس على قول لسانها بس انصدمت متزوجه وانضربت بگلبي بس الغريب صدفه جان عندي شغله قريب بيتكم ومريت مناك شفت عرسج ميناس حضرت عرسج واكف بعيد اباوع عليج شون لازمج رجال بكد ابوج