قطار العمر
البارت السابع والعشرون
للكاتب غزوان علي
تـعشگ تـنجـرح يصعب عليك_ألـنوم
تـدمع - تـختنگ - حتى الهوى_تعوفه
كلها تـهـون بس ألمصيبه_شلون
بشر تشـتاگله وما تكدر_تشـوفه 💔
كاعده اقلم باميا وصافنه وافكر ومشتاقه لصوته لهاي الدرجه كدر بدوني تره بعدني انتظرك تحن وتشتاق وينك سالم ليش گلبك حجر حبيبي نسيت لولو نسيت تفاحتك
وكطعت حبل افكاري دخول رغد عليه
وجهه مخطوف هااا خير شصار
رغد .. ما اعرف شكول
ولاء .. يمعوده احجي قابل شصار وشراح يصير اكثر من الي عيشه ابوج اليه بسرعه احجي ورايه اكمل غدا
رغد .. اليوم زواج سالم
ولاء .. هههههههههههه والله خوش تنصبين عليه هههههههه بطلي هاي سوالفج
رغد .. والله مو نصبه هسه سمعت ماما تحجي ويه ميناس تكولها الله يسعده المهم راح نخلص وترجع ولاء لحياتها وخاصه ابوها اذا سمع اليوم زواج سالم راح تنحل هواي امور
ولاء .. اريد اوكف رجلي متعيني لا سامعه غلط سالم ميعوفني سالم ميتزوج غيري لا غلطانه
رغد.. ولج شغلط الي من وراه راح تموتين نفسج ومتأذيه اليوم العرس مالته الي تحملتي بسببه الحرك والگتل والجوع يوم ينام بحضن وحده غيرج
ولاء .. صفر راسي احس دم مكام يصعد وصوت دگات گلبي اسمعها بدون ما احط ايدي على صدري ركضت مثل المخبله على ماما فقدت عقلي على لحظه انجلط واموت
السجينه لازمتها من حلات روحي ركضت واعيط وابجي واشهك
ام ولاء .. الرحمن شبيج يمه
ولاء .. صدوك اليوم زواج سالم
ام ولاء .. منو كلج
ولاء .. احجي اليوم زواجه
ام ولاء .. بنتي كلشي قسمه ونصيب والولد مو نصيبج ارضي بلي الله قسمه الج وعيشي حياتج مثل ماهو راح يعيش
ولاء .. انطي التلفون مالتج
ام ولاء .. شسوين بيه ابوج ميقبل
ولاء .. اذا متنطي اليه هسه اذبح روحي وحطيت السجينه على رگبتي جانت صغيره ام المنشار بس حاده كولش
رغد ..يوم فدوه زرفت رگبتها انطي الها مراح تسوي شى وبابا ماكو
ام ولاء .. يمه بنتي حبيبتي عوفي السجينه وشتريدين انطيج بس عوفيها
ولاء .. اذا مااخذ التلفون هسه ادخلها بلعومي
ام ولاء .. لا لا انطيني السجينه وروح ابويه انطيج التلفون
رغد ..سحبت التلفون من ايد ماما هاااج بس انطيني السجينه
شمرتها وسحبت التلفون من ايدي وركض لغرفتها واني وراها فاقده مثل المخبله
ولاء .. فتحته واگلب اكيد رقمه موجود دورت وعيوني من الدموع ما اشوف امسح وادمع اكثر لكيته دكيت وايدي ترجف لا اكيد كعد يلعبون عليه هذا فلم حتى اعوفه جاوب سالم ويه كل رنه روحي تروح لله وتنزل
صاح الوو اريد افتح حلكي احجي اعيط ما اكدر اخرسيت لو شنو
نرجع لقبل ٤ اشهر
سالم .. من شفت حالها وتعبها انتهيت قررت لازم اسوي حل الها اهج واسافر لو شسوي
اجيت على ميناس ردت بس بشر يساعدني ويفهمني وماكو غيرها بلدنيا يفهمني
ميناس.. ها سلوم خيرك شو دايخ
سالم .. الليل والنهار صارو سوه عندي لا اكدر انام ولا اكل وربج مرات حتى النفس كوه اجره كوليلي شسوي اريد حل افض بيها وضع ولاء
ميناس.. ليش متصبر بلكت الله يفرجها عليكم وتصير من نصيبك
سالم .. تدرين اول البارحه خابرت امها شمسوي ابوها ضاربها على راسها بحجه الجاي بارد وذابه عليها ولج ميناس ديحاربها حرب نفسي والمصيبه متخبل عليها وره ما واحد من ولد عمومج الزباله جاي عليه وكايله صدوك بتك رادت تنهزم ولكفتها وحركتها
ميناس.. صخام بوجهه منو هذا
سالم .. شمدريني واحد من الزبايل الي يدخلون بكولشي وصار شكد موضوع الحرك ورجع فتحه لازمها مطيح حظها يمشي ويكفخ بيها على كله من وراج جبتيلي الحجايه الموزينه وكل ميشوفها يكولها يوم من عمري متصيرين اله هسه ميخالف ابتعد بس هو باقي على عذابه الها وحتى لو اختفيت هو مقتنع ولاء تنتظرني ومراح يرحمها
ميناس.. صحيح كلامك حتى واذا ابتعدت مراح يتوب منها لان يدري واحد منتظر الثاني
سالم .. عقلي وگف وكولشي ماافكر شسوي ميناس
ميناس.. ااخ منك عمو خليل شلعبت لعب شتكول لله بعدين واحنا نحجي سمعنا صوت طلق قوي ركض سالم لزمته
دخيلك وين رايح
سالم .. خلي اشوف شكو
ميناس.. من كل عقلك تطلع وقابل جديده علينا الرمي
سالم .. بس مو بهيج وقت بعدها الظهر معناها اكو شى جبير والطلق كولش قريب
أنت تقرأ
قطار العمر
Roman d'amourقصه عراقيه حقيقيه لامرأه تعاني من ظلم اقرب الناس الها وعدم انصافها واخذ حقوقها ياترى الزمن راح ينصفها رغم كل الظلم الي تعرضتله وهل للحب تأثير بتغير محطات العمر المؤلمه ؟
