قطار العمر

البارت التاسع والثلاثون

قطار العمر
البارت التاسع والثلاثون
للكاتب غزوان علي

ميناس.. حامل وجان اطكها بهلهوله هزت البيت هز وحظي ويه الهلهوله جان اطب حوراء وامها وابوها
ام ريسان .. ها ولج شجاج
مريم .. يوم يوم ميناس حامل
ام ريسان .. اللهم صلِ على محمد وال محمد كلللللوش
ام حوراء .. خيرج ام ريسان شعندج عرس وتهلهلين
ام ريسان .. احسن من العرس مرت ريسان حامل
حوراء .. شنو حامل
ميناس.. مباشره دخلت للصاله يم ريسان بدون مااباوع عليهم وشفته يفر براسه يريد يفتهم لشنو هاي الهلاهل الصبح
ريسان .. شكو يمعودات الهلاهل تركع
ميناس.. كعد تطلع من حلكي الحجايه جان اطب حوراء هداده وتعيط
هاااا حبلتي فاخت دودتج كحبه ام الزلم
ريسان .. انجبي لج شنو هذا الحجي متستحين لتشوفيني مربط اكوم انعل سلفه سلفاج
حوراء .. اي عيني يلوك لأم الحلوك طبعاً ترجف عليها لو اني جان رجفت هيج
ريسان .. انتي اصلاً شجابج هنا يله ولي لبيتكم
حوراء .. جيت اشوف ابن عمي وابو جهالي اثاريه عايش بلعسل وشامر جهاله وتالي تطلع مرته حبله
ميناس.. كل هذا واني واكفه اتفرج عليها وعلى اسلوبها واسمع امها تعيط ويه عمتي وعمو ماكو وين راح حظنا مجان كدرو يتجاوزون هيج
ريسان .. منو هاي الحبله
ميناس.. اني حبيبي الفرحه من عيونه بعرسنا نفسها شفتها بحيث يريد يكوم من مكانه يحضني لو ما مربط وميكدر يتحرك
ريسان .. صدوك حامل الف الحمدلله والشكر
ميناس.. اي حبيبي حامل
حوراء .. حبتج حبايه يعني انتي متستحين فوكاها كدامي
ميناس.. والله هاي حلوه بابا انتي الي جايه بيتنا مو احنا ومنو كلج تجين
حوراء .. مو هو بيت الخلفوج واطرديني منه
ريسان .. اذا هي مطردج اني اطردج يله روحي ومااريد اشوف وجهج
حوراء .. وانت هم مالك جهال يمي اله اخليك تحلم تشوفهم بعيوني وخلي يفيدك ابنها عود هاي اذا بقت حامل
ميناس.. ياستار امشي ولي بس الهم والاذيه
طلعت بس گلبي لاعب منها وبلحضتها صاحني
ريسان .. اتقربي
ميناس.. تقربت منه جان يسحبني بهدوء ويحضني من خصرني وباس بطني
ابتسمت على حركته
ريسان .. اوف جانت امنيتي وره ماازوجج يصير عندي ولد منج
ميناس.. وراح يجي بس منو يكول ولد يجوز بنيه
ريسان .. اي شى ولد بنيه اهم شى الخلقه التامه منوس
ميناس.. ياعيون منوس وعمرها
ريسان .. تعالي
ميناس.. جان ادنج عليه بقى يبوس بيه بوسات ناعمات بكل هدوء ويه كل بوسه يجي نفس ويكول الله ياريحتج شكد طيبه
ميناس.. كافي حبيبي ليدخل احد علينا
ريسان .. شكو بايك غير مرتي وكعد ابارك الها
ميناس.. ههههه وصلت المباركه كافي
ريسان .. بس اليمنه بستها بعد اليسره
ميناس.. انطيته خدي الايسر ورجع غمض ويبوس بهدوء ويشم عطري
يله كاافي والنبي راح تفضحنا
ريسان .. تكول عبالك صاحبتي وافضحها انتي مرتي تعرفين شنو مرتي
ميناس.. واحنا مو بيتنا تعرف شنو مو بيتنا
ريسان .. نروح واني الج اله اطلع هذا الشلعان الگلب فتن منج وكل شويه ابوس واعض
ميناس.. البوس افتهمنا العض ليش
ريسان .. حتى اتذكر هسه شون اتوسل بيج وانتقم
ميناس.. اويلي شون گلب اسود وينطيك گلبك تأذيني
ريسان .. اشتعل عمي مجيد ولج لتتموعين هيج مو اني محروك عمي صار يومين وانتي فوكاها تزيديها
ميناس.. جان اتقرب من شفايفه وابوسهم بهدوء جان حيل يسحبهم وبقى يتفنن بمصهم حسيت روحي ماعت واني بين ايده لحد مسمعت صوت عمي قريب دفعته وعاط نسيت جرحه
ريسان .. اشتعلو ليش هيج
ميناس.. العفو العفو حبيبي والله نسيت
ريسان .. شبيج عبالك شفتي جني وطفرتي هسه گلت بدت تحن
ميناس.. ابوك اجه
ريسان .. هله بيه تعالي بعدني مشبعان
ميناس.. ولك ياشبع نسيت انت مريض بله واحدمضروب طلقتين ومصار ١٠ ايام من طلع من الموت يكعد يبوس ويكمش ويتغزل انت بيا حال
ريسان .. الي عنده مره مثلج وميتغزل بيها من امداه احد گلج اني حجاره طابوكه واشك ريحتج واشوفج تتگلبين كدامي وكل شويه مسويتلي اغراء ومااتخبل عليج
ريسان .. هههههه خرب صدوك تحجي يااغراء شوف حالي جني من ذني امهات الروبه دشداشه طويله وعريضه والربطه على راسي وبس انظف وين الاغراء
ريسان .. اني اذا لمستي اصبعي اذوب وارجف عليج مو عاد كل شويه حاضنتني وتتحارشين توديني للحمام
ميناس.. هاااا خوش ماطول گلت هيج راح اخلي حيدر يوديك بعيني
ريسان .. شحدج غير اذبحج اني منتظر بس الطبيب يقبل اسبح حتى اخليج تسبحيني وعود افلتي بذاك الوكت اله اخليج تكمزين
ميناس.. هههههه تسويها اعرف بسوالفك واحنا نحجي وجان يطب عمي اختفت ضحكتي حيل اخاف منه شخصيته قويه وحتى ميضحك وجان ميباوع بوجهي جان يكولي
بلخير بنتي
ميناس.. اني جفلت الظاهر كالوله حامل بس فرحت فرحه لان باركلي حسيت هسه فرحتي اكتملت بس اني ميناس واكيد الفرح ميدوملي شكراً عمو وطلعت اركض