متابعيني الغالين اعرف الاغلب راح يتصور هذا بارت جديد من القصة 😠
بس حبيت اتطرق لعدة امور👇 لازم تعرفوها
اولاً احبكم طووووخ ههههه صحتها بصوت هااا مثل رمان😊✌
ثانياً. النشر يكون كل يومين نشر يكون يوم استراحة لان يصير بنجررر بالامانة والسايق عنفص علينا هههههه اغنية رمان غير تروح من البال
ثالثاً. بعض المتابعين يكولون ميوصلنا اشعار بالنشر احب اكولهم اضغط متابعة لحسابي حتى يوصلكم اشعار بالنشر
رابعا.. البعض يكول القصة تطلع مكرره او عالنص احب اكولهم حاولوا تحدثون تطبيق واتباد
خامساً. اني انشر هنا بالواتباد وعالفيسبوك بكروب قصص غزوان علي وبيج قصص غزوان علي وفي قناة تليكرام اكتبوا بالبحث مال تليكرام قصص غزوان علي وتطلع القناة
واحيانا انشر بالانستاكرام وحسابي هو ghazwan_29
سادسا. قصة قطار العمر واقعية جدااً ومابيها اي ضرب من الخيال ونشرتها كما وصلتني من الاخت ميناس صاحبة القصة واسردها بطريقتي الخاصة صح اكو اضافات بسيطة حفاظا على حياة اصحاب القصة لكن هالاضافات ليست جوهرية .علماً ان صاحبة القصة هي معنا هنا بالواتباد وبالفيسبوك وتتابع كل تعليق منكم .
سابعااً . اني اقره كل تعليقاتكم ومداخلاتكم والنصائح والنقد صح قليل الرد عالتعليقات من شدة انشغالي لان اني مهندس معماري اختصاص تصاميم مطارات واشتغل بشركة تناسب تخصصي لكن مع هذا هاواي كتابة القصص لانها تكون انشغالي الوحيد بعد يوم عمل طويل
ثامنن بالنووون .. احب انبه البعض لان تعليقاتهم تكول عاشت ايدج واستمري حبيبتي وشوكت تنشرين حياتي وفدوة گليباتي بلكت بارت مفاجأ ولو حلوات مال حبيبتي وحياتي وكليباتي😊✌ بس احب اكولهم اني شاب واسمي غزوان علي وليس بنت مع احترامي لكل البنات الحلوات المجكنمات المكفوفات كف ومعدلات . هاي الفقرة الاخيرة برعاية امدحوهم حتى تسلموا على روحكم👌 😆✌
واخيرا تحية حب واحترام وتقدير الكم ومااگول تحدثوا عن قصصي بطلب مني لكن اذا عجبتكم قصصي اتمنى منكم تتحدثون عنها امام الاصدقاء لتاخذ صداها بين القصص
اخوكم غزوان علي
أنت تقرأ
قطار العمر
Romanceقصه عراقيه حقيقيه لامرأه تعاني من ظلم اقرب الناس الها وعدم انصافها واخذ حقوقها ياترى الزمن راح ينصفها رغم كل الظلم الي تعرضتله وهل للحب تأثير بتغير محطات العمر المؤلمه ؟
