قطار العمر

البارت الواحد والثلاثون

قطار العمر
البارت الواحد والثلاثون
للكاتب غزوان علي

انا بيه حزن يترس فطور الكاع
ونواعير العيون تصير من تدمع
وبيه بالكلب شوف شكثر ونات
يذوب الصخر كونه بونتي يسمع
وانه فوك المتون محمل هموم
الجبل لو شالها من الكاع اظن يقلع
لاتغرك ضحكتي من اضحك وياك
الجمر محروك وكبالك يظل يلمع
خلص عمري بغرب يم اليكرهون
ومااظن العمر لو راح هم يرجع

ميناس.. كاعده بلحديقه وصافنه على حالي شسوي وشون اخلص عمري هيج صار هسه على اختفاء الغالي ٩ اشهر هسه احنا شهر ١١ سنه ٢٠٠٧ حرنا وين رحنا مبقينا مكان مدورنا عليه يمكن انام واتمنى اكعد وافتح عيني والكاه گبالي وكل الي الفات مجرد كابوس وراح بس مو كل الامنيات تتحقق نزلت دمعتي واني اتذكر ضحكته الي ترن بأذني لو صوته الي يرجف وهو يوصيني
ااااه يانار گلبي الي متطفه ولا راح تنطفي
سمعت صوت عياط مسحت عيوني ونفضت ملابسي وكمت اوف منك سالم بله هو هذا مال اب

ولدت رشا قبل ٤ اشهر ماانسى شكله من كعد تطلك وهو لازم ظهرها ويتنفس حيل وياها ويرجف ويعيط تكول هو الي كعد يجيب مدري اضحك على شكله لو انقهر على رشا الي صار عدها عسر ولاده
وكوه وبطلعان الروح ولدت واجه للدنيا نسخه سالم المصغره حسن
اجه عليه وشايله وفرحان بيه جان يكول اجه فارس للدنيا نزلت دموعي واشرله لا متسمي فارس
سالم .. ليش ولج اني انتظر يوم يوم حتى ينولد ويجي ولد حتى بس اسمي فارس
ميناس.. مااريد اخلص العمر واني كل ما اشوفك ابنك ابجي لان مجرد متصيح اسمه راح اختنك واتذكره لو اخاف بيوم تغلط عليه او تسبه او امه تضربه مراح اتحمل اسمه راح يخليني يوميه اموت
سالم .. اذا مسميناه فارس قابل راح تنسين اخوج
ميناس.. اخويه بدمي ومن الله ياخذ امانته يله بذاك الوكت كول راح فارس بس انت تفهم موقفي اخويه واسمه اعز من روحي مجرد اشوفك تغلط عليه او يصير شى راح كولش اتأذه وانت هم بعدين تتندم لان تحس هذا الاسم مقدس لان يذكرك بصديقك اترجاك لتسمي فارس  ڤدوه سالم
بقى صافن عليه وگبر بأذنه وسماه حسن واسم حسن هم يحبه فارس كال اقلها اعتبره هو الي مسمي
بست الطفل وخليته بحضني وتحمدت لرشا بلسلامه شفت بعيون سالم كل الراحه والرضا عن حياته تمنيت دوم يبقى هيج ويعيش مرتاح لان زوجته ورده وتموت عليه ومداريته وممقصره وياه وهم ممقصر تمنيت يحبها مثل متحبه
رجعت نفضت الافكار والصفنه مالتي وصوت سويلم يرج البيت
ولج تعالي لأبنج ريحته جيفتنا تكول ماكل قنابل ذريه
رحت دكيت الباب
سالم .. تعالي الله جابج هاي ملتهيه تشر هدوم وعايفه ابنها يطلع عطور فرنسيه راح اشيله واشمره بلحاويه موتني شياكل هذا

ميناس.. هههههههه بلعكس ريحته مابيها شى بعده صغير شون لعد من يكبر والريحه تصير اقوى
سالم .. انهزم اسلم نفسي للامريكان كله ولا هيج وهاي الخبله تشيله تبوس بيه وتكول شبيهه ريحته تخبل
ميناس.. احنا كل الامهات هيج عدنا الطفل شميسوي ريحته على گلبنا عسل
سالم .. خوش عسل ذري اسكتي لا احط وجهج بحفاظته وكولي عسل بذاك الوكت
رشا .. شبيك خبصت الدنيا غير اشر الحضاين كتلك دقيقه واجي شونج منوس
ميناس.. هلو رشاوي شتعرفين سويلم عباس المستعجل
رشا .. يمعوده موتني حصره شوي اتإخر على حسوني يگلب الدنيا
شبيه افيييش تخبل ريحه ابني
سالم .. شمي مو هي مخدرات صخونه اي والله
ميناس.. ههههههه هسه انت ليش محروك گلبك
سالم .. شفتيها شون تستفزني تكول طيبه ريحته واني حتى معدتي گلبت من وراها
ميناس.. شنو هاي النزاكه يمه منين متعلمها
سالم .. من اختج عبير ولج خليني ساكت لا انفتح وشيسدني
ميناس.. لا لا سكتت وكافي تعيط الجيران يسمعوك اكثر مما يسمعون حسوني
رشا .. والله يدلل عليه دشوفي فدوه خدوده مال كرط
سالم .. بعد اريده يسمن اريد خدود تفاح
ميناس.. حتى تسمي تفاحتي مدري شون طلعت من حلكي اضحك وحجيتها غابت ضحكته لسالم مباشره بس رشا منتبهت لان كعد تبدل للطفل