حضرية بالصعيد بقلم فيرى

بارت 4

الحلقه 4
عابد :هندلي علي مصر ميته يابوي اني طهجت من اهنه
عبد الواحد:يعمي مافيش فايده فيك واصل ما هترجعش ع اللي ف مخك ده
عابد:لع اني مصمم
ابوه:خلاص اني كلمت وجدي بيه وجالي تعالي وهاته نشوفه هينفع ف ايه
عابد:وساكت لحالا هم يابوي

وفعلا اخد والده الي وجدي بيه
وذهبو اليه
عبد الواحد:اني جلت اجيب الاجاره بتاعه الارض بالمره وفلوس الجناين
بدل مااعاود تاني
وجدي :ماشي ياعبد الواحد  انت عارف انت معتمد عليك ف الارض دي
هي اصلا باسم بنتي  وسايبهالها للزمن ماحدش عارف الظروف
وعارف انك امين وبتراعيها بضمير
عبد الواحد:ربنا العالم اني بهتم بيها اكتر من ارضي لانها امانه وشيلتهاني
وجدي :عارف وانك.بتعملها خدمه ليا دون مقابل حتي الارض اللي واخدهاايجار بتدفع تمنها وعشان كده حملتك الامانه لانك اد ثقتي فيك
عبد الواحد:بس الخدمه بقي اللي طالبها منك تشغل ولدي اي شغلانه ه  شاطر ويسلك ف الحديد
وجدي :دا ابنك ماشاء الله غير اخواته دا طول بعرض
انت كنت بتيجي باخواته ساعات صغيرين حجما
عبد الواحد :اه ده طالع لجده الكبير
كان اكده بردك
وجدي :بتعرف تسوق
عابد :امال ايه كنت بسوق الجرار حدانا
وجدي:جرار ايه يابني
عندنا فور باي فور وكيا وليموزين وتقولي جرار
اهو ابقي اركب كده ووريني
لان عم محمد سواق بنتي قاعد يقولي تعبان وعياله كبرو  واللي وكيل نيابه والي دكتور ف الجامعه وعاوزينه يرتاح او مستعرين من شغلته ومش عاوزين يقولوهة
بس انا ماجله عشان مافيش بديل
لكن عابد ده اللي محتاجه مع بنتي
سواق وبودي جارد ف نفس الوقت من غير ماتحس لانها رافضه البودي جارد
عابد :يعني ايه ده
وجدي :يعني لما تلاقيها ف مشكله تخلصها
عابد:ايوه ايوه يعني لو ف خناجه ولا شيء اروح اجرها واجيبها
وجدي :تجرها !
يانهار اسود انت عاوز تترفد من قبل ماتشتغل
انت تحلها من غيرماتحس هي
عابد:ايوه ايوه من وراها
يعني تمشي واني ارن اللي عملها كده علجه موت
وجدي :ربنا يصبرني انا هتعب معاك اوي بس مسيرك تفهم
اهو حاجه زي كده بس مش عاوز لبش وموت وكده انا ليا سمعتي واسمي ف السوق
ونزلت كاري بشورت وبدي حمالات

فداري عابد وجهه لامؤاخذه يظهر جينا ف وقت مش مناسب والهانم ماتعرفش اننا هنا فطلعت من الحمام علينا جبل ماتلبس
فتنظر له ايه التخلف ده حمام ايه
هاي داد انا ماشيه  عاوز حاجه
وجدي :لا حبيبتي
فاتجه عابد له
واااه انت فايتها تطلع بره اكده والخلق يشوفو لحمك اكده اما راجل ناقص صحيح
عبد الواحد :ولد اتحشم كيف تجول لعمك اكده
عابد :ماشايفش فايتها كيف  ده راجل ده
دا لو اختي كنت دفنتها بالحيا
كاري :مين المتخلف ده ياداد
وجدي:دا السواق بتاعك الجديد
كاري:This is on my dead body

عابد:يعني ايه الكلام الماسخ ده
كاري :يعني انت عمرك ماتبقي السواق بتاعي
عابد :ليه مش جد المقام اياك
كاري :اووو سيترو
ايه الكائن ده يادادي جبته منين شايف بيتكلم ازاي
دا نحطه ف متحف
عابد :ليه شيفاني شبه حتشبسوت
كاري :لا متحف الديناصورات
دا مش ممكن يبقي سواق ليا انت عاوز تكسفني قدام صحباتي دادي
بليز تراجع شغله اي حاجه ف الجنينه ف اي مكان انما معايا مش هفضل اتعامل مع الكائن العجيب ده
وجدي :شوفي بقي ده المتاح عشان عمك محمد عاوز يمشي اول الشهر ودا هيمسك بداله
كاري:خلاص اسوق انا
وجدي :قلت لا 
سواقه بنفسك لا لازم سواق معاكي او بودي جارد
كاري :ودا بقي اتنين ف واحد صح انت عاجبك عشان زي التور
يخبط عابد كف علي كف
لا حول ولا قوه الا بالله
انت جابني يجرووو عليا ولا يتمسخرو عليا يابوي
عبد الواحد :اصبر ياولدي عاد
كاري :انا ماشيه دلوقت
عابد:انتي يابت اطلعي البسي خلجاتك
هتفوتها اكده تمشي ناسيه هدومها
فتشير له باهمال وتمشي وتتركه كانه مجنون يتحدث مع نفسه
ويتجه لابوها انت كيف مهملها اكده هي مش بتك لحمك ودمك ماخايفش عليها عاد
طب ماغيرانش علي لحمك
وجدي :سكت ابنك ياعبد الواحد انا خلقي ضاق منه هو احنا ف القاهره كده لازم تتعود علي كده
عابد:كلياتكو قالعين اكده
وجدي :اه
خلاص انتو حرين وهي بتي ولا بتك
وجدي :المهم خد الفلوس دي شوفلك شقه مفروشه الشهر ده علي مااعملك اوضه ف الجنينه عشان تبقي هنا معانا وماتتاخرش عليها لما تعوزك 
عابد :ماشي
عبد الواحد :عاوز مني ايتها حاجه يابيه
وجدي :شكرا اتكل انت

عبد الواحد :وانت يا ولدي محتاج شيء
اعاود انا قبل الظلام وانت شوف اي مطرح بالقرشينات اللي وياك علي ماتشتغل
عابد :حاضريابوي
ولف عابد وجد اسعار الشقق المفروشه اكتر بكتير مما معه فاتجه الي حي شعبي اقرب شيء
لمنطقه عمله وجلس علي القهوه
وسال القهوجي عن اي حجره يستاجرها شهر
وكان احدهم يجلس يستمع
فجاء له
انا عندي شقه  ومسافر شهر قلت اجرها وعشانك انت بس هاخد الف دي بعفشها ومش هاخد تامين
عابد:دا اني ماعييش غير الف بص انت تاخد 700 واني ادبر حالي الشهر ده بال 300 يعني اكل منين يرضيك اشحت علي بس مااشتغل واقبض
ياسر :انت صعبت عليا خلاص هات ال700 بس بسرعه عشان افرجهالك
وامشي
وفعلا فرجه علي الشقه حجرتين وصاله تفي بالغرض
واخذ النقود وكتب له العقد

واستاذن
واخذ عابد المفتاح وادخل شنطته في احد الغرف ودخل الحمام لينفض عنه عناء السفر وخرج وهو واضع فوطته علي راسه ومرتدي جلبابه
ليجد من يفتح الباب
فيزيل الفوطه ليري من يفتح
انتي مين
سمر :يالهوتاااااي حرااااامي
ليجري يضع يده علي فمها
سكري خاشمك ياحرمه.