حضريه بالصعيد
الحلقه 36
محمد:وحياه.....
هي مين دي الي مش موافجه يابت
فدوي :خلاص خلاص شوف هتاجي لامي ميته واني اجولها
محمد:ايوه اكده اتعدلي لاعدلك
هجول لبوي واخبرك
.............
عابد وهو يقود سيارته وجد د.يوسف
فوقف اتفضل د.يوسف كيفك وكيف البلد
تعال اوصلك
يوسف:الحمد لله انت كيفك وايه النظافه اللي حطت عليك دي ياولد عبد الواحد
عابد:ماني اشتغلت اهنه ماسك شركه مرتي اقصد ....
المهم انت اخبارك ايه
يوسف :اني بخير وكيفه محمد دلوقيت بوي جالي كان شويه عيال صيع غزوه وجاله الوحده وبوي عالجه
عابد :كيف ده يوحصل وبوي ماخبرنيش
يوسف:اني فكرتك عارف
عابد:لا والله
يوسف:يمكن ماعاوزينش يضايقوك
هو بقي زين دلوقيت
عابد :خلاص هتصل اتطمن عليهم
واوصله الي المشفي ورجع
............
محمد:اني رايد اتجوز فدوي يابوي
ابوه:انت معاك حاجه ولا تكاليف زواج
وهتتزوج فين بجي ان شاء الله
وجاء تليفون من عابد لابيه
عابد:كيف يابوي يحصل كل ده لمحمد ولا تخبرنيش
ابوه:انت عرفت كيف
عابد:جابلت يوسف وجالي
ابوه:ياولدي مش عاوزين نجلجك وهو بجي زين وعاوز يتجوز كومان
عابد:مبروك ومين دي سعيده الحظ
ابوه:انت هتخيب انت كومان اجوزه فين ده
عابد :ماعندك اوضه سماح فاضيه وعفشها جديد ولو عاوز تغيرها انجلو عندي العفش ف اضتي وهاتوله جديد ويختار الاوضه اللي علي كيف كيفه واني هحاسب علي الفاتوره يبعتها علي عنواني بس ومالوش صالح بشيء بس اوضتي تسيبوهالي ماخابرش هعاود ولا هستني اهنه
ابوه :ليه ياولدي خير حد ضايقك
عابد :لا اني زين وبخير
بس جولي علي معاد الفرح عشان اجي
ابوه :اكيد ياولدي
وفعلا نفذو ماقاله عابد ونقلو عفش سماح في حجره عابد التي كانت بها كاري واشترو جديد لفدوي وباعو عفش اوضه كاري لانه قديم
..........
ف الشركه
عابد :كيف يعني تجيبو للناس اغذيه فاسده ومنتهيه صلاحيتها وتسمموهم
وتغشوهم
رمزي :الباشا وجدي كان بيعمل كده ونجبها نلزق ورق تاني بصلاحيه جديده
عابد :دا اسمه غش واني مش هقبل المهزله دي ولا همضي ع الصفقات المشبوهه دي
رمزي :خلاص نشوف كاري هانم
عابد :هي ليها جول بعد جولي
ومشي عابد من الشركه متضايق مما عرفه
.......
رمزي :شوفت سي عابد جاي يقفل علينا الحنفيه وطالعلنا ف دور الشرف
وهيضيع علينا الكومشن اللي كنا بناخده ف الصفقات دي
المحامي :لا الا كده لازم نشوف حل فورا ونبعده عن طرقنا
رمزي :اكيد هنمخمخله
..................
عبله :ايه اخبار بنت وجدي
ماجد:اهي جت مسكت الشركه بتاعه ابوها وجابت الواد السواق مركباه الشركه بس ليا عيوني هناك وسمعت ان في لبش بينه وبين رمزي
انا كنت مستني اجي الزياره واعرفك اخر الاخبار
عبله:طب شوف كده سكه مع الواد ده ولا خلي اي بت تلوف عليه ونخلص منه وانت حاول مع كاري
ماجد ماشي هنفكرلهم ف طريقه
...............
رجع عابد
كنت عاوزك ف موضوع امهم ولكنه وجد تليفون من ابيه
ابوه ؛ فرح اخوك اتحدد ولازمن تاجي تبقي معاه
عابد :خلاص اني جاي
كاري :في حاجه
عابد:فرح محمد اخوي
كاري :والله كويس هنروح امتي
عابد:وانتي هتاجي معايا
كاري : مش عاوز احمد يرقص لعمه ف الفرح دا بقي يصقف كمان
فهو الان 10 شهور
عابد :طب همي نوضبو خلجاتنا عشان بوي رايدني وياهم
كاري :وايه الموضوع المهم
عابد:مش وجته لما نعاود هقولك
وفعلا جهزو الشنط ليذهبو الفرح
.................
ماجد وهو علي الفراش مع منال
يعني الواد ده مش لقياله مدخل خالص
منال :ابدا دا حته بجم صنم ولا شايفني اصلا اكني هوا اصل عينه من الهانم مابيشوفش غيرها
دا قفل مصدي
ماجد:يعني مافيش شويه دلع كده وتيجي تقفشكو سوا
منال :بلا نيله دا انا دخلتله البوسته ماانا السكرتيره الخاصه له
وانا ماشيه عملت رجلي اتلوحت
ولا بص حتي وقالي حطيها وروحي اجعدي علي مكتبك علي مامضيها
واحد غيره كان قام جري وسندني
دا حتي كاري بتضايق مني ومن لبسي بس هي عشان شيفاه مابيبوصليش حتي فساكته لكن لو حست باي حاجه بيني وبينه كانت رفدتني
وهو كمان بينبهني ع اللبس بتاعي
ولولا شايفه شغلي كان رفدني
ماجد:وبعدين بقي يعني قفلت زي الدومينو
منال:بس انا سمعت رمزي وهو بيكلم المحامي وعاوزين يطيروه عشان واقفلهم زي اللقمه ف الزور ف شغلهم
ماجد:طب حلو اوي كده المصلحه واحده
انا عاوز اقابل رمزي
هاتي تليفونه وانا هكلمه
وفعلا اتصل به ليقابله
أنت تقرأ
حضرية بالصعيد بقلم فيرى
Romanceرواية تحدى بين صعيدى وحضرية بنت دلوعه تفتكروا هيحصل بينهم اية 😉😉😉 طب ما بدل ما نرغى كده ما نيجى نشوفها
