حضرية بالصعيد بقلم فيرى

بارت 25

حضريه بالصعيد
الحلقه 25
اخذ يحرك يده علي خدها ويتحسس شفاهها ويتحسس جسدها الذي يعشق تفاصيله مع انها قصيره بالنسبه اليه وعندما يكون بجانبها يحس كانها طفلته ولكنه يعشق تفاصيلها وهذا الجسد الوحيد الذي يحرك مشاعره ويفقده السيطره علي ذاته
واخلد الي النوم بعد عناء
لتستيقظ تجده محتضنها بقوه كانه يخشي افلاتها منه لدرجه انها تاوهت فاستيقظ علي تاوهاتها فزعا
عابد:خير في ايه
في شيء بيوجعك
فتهز راسها بالايجاب وتضع اصبعها  علي صدره وتقول اه انت
شايف حاضني جامد ازاي
فافلتها بعض الشيء وقل من احكام قبضته عليها
معلهش كنت نايم ماخدتش بالي
وهم بالقيام
فاستوقفته رايح فين
عابد:اباي ورانا شغل كتير ف الارض
ولا هتقعديني جارك
فاخفضت راسها طيب
عابد يرفع راسها اليه
وبعدين وياكي نسيبو اشغالنا عاد ونجعدو
ماني جاييكي بالليل
كاري :يعني هتيجي ولا هتروح لسماح
عابد :وليه السيره دي عاد ربنا يجعل كلامنا خفيف عليهم
كاري :ههههههه
فجري يكتم فمها
وبعدهالك عاد وينظر لعينيها
ويزيل يده من علي شفتيها ليلتهمها
حتي تنسيه العالم باسره ليستفيق
والله ماهتجبيها البر يابت وجدي
اني ماشي
ولو عاوزه حاجه ورده موجوده
كاري :اوك
ويخرج يجد سماح بوجهه
سماح ؛ مش سيباك عند ورده
ايه جابك اهنه
عابد:اباي وانت ايه دخلك اروح ف اي داهيه عاد اش حشرك انتي وليه امري غوري اكده جبر يلمك
سماح:طب مش هتفطر
عابد :ماليش نفس واخذ جلبابه بيده بعصبيه ومشي
سماح:اباااي سحراله الحضريه دي
هو مش طايجلي كلمه ليه هو اني عيملتله حاجه
ورده:في ايه يابت يكملك بعقلك انتي خلاص اجنيتي وبتكلمي نفسك يا واكله ناسك
سماح:همليني لحالي ياورده اني مانجصاش اني فيا اللي مكفيني
ورده :طب حضري الافطار ويايا عشان اطلع للبنيه اللي فوق تتقوت دي شايله
سماح:بالسم الهاري
ورده:بعد الشر عليها
واخذت الفطار لها
كاري :انا زهقت ورده نايمه علي طول تعبت من نوم ده
ورده:معلش بكره لما ياجي ولي العهد وتاخدي ضناكي ف حضنك هتنسي كل شيء
كاري :حاجه حلوه صح نفسي اجربها
ورده :ان شاء الله
كاري :طب احكي معايا ورده انا زهقت قوليلي حبيتي محمود امتي وكنتو اعملو ايه
ورده :محمود كان بيحبني من اول ماتولدت كان هناك يوم ولادتي واول ما الدايه ولدت امي طلعت توديني لبوي وكان معاه محمود 10 سنين فشالني منيها اول واحد ولقاني ببصله فبحلق وقال لبوي دي عينها زرقا
اني خلاص هتجوز ورده لاني كت مفتحه كيف الورده ووشي ابيض بحمار اكده وهو طلعت منيه ورده وسموني كيف ماجال
ومن وجتها وهو ياجي يلعب وياي واني صغيره ويعلمني واني ف المدرسه لما ماكنتش افهم شيء
وعلي  15 بقي هيوج وماطايقش نفسيه وكل يوم حدانا يجي لبوي يتمحك ماعاوزش حاجه ياخال
يقوله عاوزك طيب ياولد اختي
وابوي لما زهق جاله اتجوزها وحل عن نفوخي عاد  واتجوزناوخلفنا وكان احن راجل ف الدنيا كت كيف بته مش مرته ويغار عليا موووت حتي من عابد
كاري :الله love story جميله اوي
كان نفسي اعيش قصه زيك كده ورده وانسان يحبني ويخاف عليا اوي كده
ورده:ليه ده عابد بيموت فيكي وبيخاف عليكي من الهوا الطاير
بس هم اهنه اكده يعني محمود ماكانش يبين اكده لكن اني بحس بيه من بصته ليا ولمسته ليا 😢😢
يوه ياكاري جلبتي عليا المواجع واني مانجصاش
كاري :اسفه ورده مش تعيطي بليز
طب عمره ماحاول يبوسك  يحضنك قبل الجواز كده وهو بيحل معاكي الهوووم ورك
ورده:داني كنت جطعتهاله يده دي الي يمدها عليا جبل الجواز هي سايبه ولا سايبه اني بنته حره وعفيفه وصاينه شرفها  امال هو كان بيموت فيا ويحبني ليه عاد
اسيبك.اني بقي عشان نحضرو الغدا لسماح هتكولني وتجرجش عظمي
كاري :هههههه اوك
وتركتها ورده
وف المساء دخل عابد لكاري
وجدها منهاره من البكاء
عابد:في ايه ابوكي مات
تهز راسها بالنفي
عابد:سقطتي
:تهز راسها نفيا

عابد :امال في ايه انطجي
كاري اناعرفت انت مش بتحبني
عشان انا مش بنت عفريته صاينه شرابتها
عابد:ايه الجمله العجيبه دي
اش دخل شرباتك ف الموضوع
وايه عفريته دي جنيه من اللي بتجول عو وتخوف
تهز راسها لاء عفريته يعني مش تخلي ولد يلمسها
عابد :عفيفه وايه موضوع شرباتك ده
كاري:هي كده  ورده بتقولي عفريته تصون شرباتها
عابد بعد تفكير
عفيفه تصون شرفها
هم يقولو الكلام ويدبسوني ف المغرز ده واقعد اني اترجم
ريحي نفوخك ونفوخي يابنت الحلال واستهدي بالله انتي حامل بدل الزعل مايخليكي تسقطي ماناجصينش ماصدقنا ربنا كمل علي خير لحد دلوقيت علي ماالدكتور يعاود ويشوف الوضع ايه
فاخذت تبكي
عابد:خلاص ياكاري عاد بجي
اني هروح بنفسي ارتبلك شرباتك ف الدولاب ولا تزعلي
فتضربه في صدره انت بتتريق عليا عشان مش بفهم كلامكو
انا مامي اجنبيه ماكنتش بتكلم عربي ومدارس لغات لحد الكليه بدات اتكلم عربي مع اصدقاءي
فكلام كتير تقولوه مش افهمه انا
فيحتضنها طب معلهش بكره تفهمي وتتكلمي صعيدي كومان
كاري ؛ كومان ايه الكلمه دي
زي البوكيمون
عابد :انتي هتتمجلتي عليا ولا ايه يابتاعه الشرابات انتي جاك خابط