حضريه بالصعيد
الحلقه 7
عابد:اظن اني اتدربت وشوفت سواجتي عاد
وتمام وزي الفل وعرفت اعمل ايه لو وقفت مني واتصرف كيف
وانت تعبت انهارده معايا انت تروح بجي واني هروح اخد دش واغير واكل لقمه واعاود اسوق بدالك
عم محمد:لا يابني انا هروح انا لسه لاخر الشهر
عابد:لاااه يمين طلاج ع اللي لسه ماشوفت خلجتها لاني اللي هسوج وانت تريح اليومين دول
عم محمد :طب انا هستناك لحسن تتاخر والهانم لو نزلت ومالقتش حد تبقي مصيبه
عابد:خلاص ماشي
وفعلا ذهب لشقته تناول طعامه واخذ حمامه وارتدي ملابسه
وفتح الشقه وجد سمر تدلف من الباب
عابد:اهو سلم واستلم
سمر :تسلم ياخوي
ونزل كان فايز يطلع
فاخذ يشبه عليه كان فايز طلع يخبط علي سمر ففتحت ليدخلها عنوه بسرعه
عابد تذكره يابن ال... فعاد مره اخري وفتح ليجده يكتم نفسها عن الكلام
فاخذه من ياقته
انت مابتحرمش ياد يامعفن
وانتي بتفتحي من غير ماتعرفي مين ليه
سمر:اسفه ياخوي حرمت فكرت حد من الجيران فيه شيء الناس لبعضيها بردك لقيت المعفن ده وجه كتم نفسي
فايز:خلاص حرمت والله خلاص ماتفضحنيش ف الحته
عابد اخذه علي جنب
لما انت خايف من الفضيحه ابتعمل اكده ليه عاد
فايز:يعني مانت معاها اهو
عابد:ياغبي اني جاي اهنه اشتغل لا فايج اعط ولا اتجوز ولا معايا ابلي نفسي بمصيبه ف رقبتي
فايز:وانا اش عرفني بقي البت نغششت ف نفوخي والشيطان شاطر
عابد:لو راجل صح ورايدها ف الحلال اتقدم ومالكش صالح اني هجوزهالك
لكن لو شوفتك تاني هجتلك
فايز :خلاص ياعم بقي
ونزلو سويا واوصاها ان تغلق علي نفسها جيدا
وذهب لعمله
اما فايز فجلس علي القهوه ينظر لحجرتها المضاءه وجاءه عنتر
عنتر :عينك
فايز:هتجنن عليها
عنتر :طالما واقع لشوشتك كده ماتجوزها
فايز:الشك هيموتني وخايف يكون بينها وبين الواد الصعيدي حاجه
عنتر:ياجدع مانت شايف هي بتيجي وهو بيمشي مابيتقابلوش الا ف السكه ساعات
اقولك تعالي السطح بتاعنا كاشف اوضتها واحنا ف الضلمه وهي ف النور احنا نشوفها وهي لاء وراقبها وشوف بتعمل ايه
فايز:طب يلا بينا
وطلعو كانت توضات واتت ترتدي اسدالها وتفرش سجادتها لتصلي وتدعي ربها
ثم ازالتها وخلعت اسدالها وفكت شعرها واطفات النور واغلقت الشباك والستاره لتنام
فايز:ياخرابي شوفت يلا لما فكت شعرها
عنتر:شوفت ظلمت البت ازاي
وبت محترمه وبتصلي
لو كانت شمال كنت قلتلك اعمل معاها الصح لكن البت دي شكلها محترمه وجد واني عندي اخت لو عاوزها يبقي حلال ربنا ياصاحبي
فايز:عاوزها والله العظيم من ساعه ماشوفتها
عنتر :خلاص كلمها بالادب والاحترام واتقدم وسيبها تختار
احنا اه لينا ف اللوع بس رجاله ونراعي حرمه الجيره ياصاحبي وانت ابو المجدعه
فايز:عندك حق
اما عابد ذهب الفيلا
ونزلت كارمن وجدته
فين عم محمد
عابد:روح اني اللي هسوج
كارمن :نووو انت لايمكن تسوق بيا
عابد:خلاص روحي اجلعي خلجاتك اللي مش لبساها اصلا ومافيش مرواح ف حته
كارمن :انت مجنون يابني ولا عبيط
ازاي تتكلم معايا كده
انت بتشتغل عندي مش العكس
عابد:عارفين وفاهمين وده اخر كلام عندي ياتركبي ياتطلعي فوج تنامي
كارمن :اوووو اوك داد
يلا اما اشوف اخرتها
فركب :علي فين العزم ان شاء الله
كارمن :عيد ميلاد صحبيتي عند سيادتك مانع ياعابد بيه
عابد :اني مالي المهم فين داهيه دي
كارمن :داهيه تشيلك
فيلا مبرووك
عابد:الله يبارك فيكي
كارمن :لا انا هتشل وهتنقط كده
هو انا بباركلك يامتخلف الفيلا اسمها كده
عابد:اباي ماني فاهم هو اني غبي
كارمن :لا العفو انا اللي غبيه
عابد:اهااا اديكي انتي اللي جلتي جبتش اني حاجه من عندي
ويعني القماش قصر امعاكي مش لقياله توصيله اكده
كارمن :انت مالك يابارد دي fasion
ايه فهمك انت خليك الصدريريه بتاعتك
عابد:اباي ماجلنا صديري
المهم فين الفيلا دي
كارمن :ف شارع .....
عابد:وفين المدعوج ده
كارمن :لا بقي مااسوق انا احسن
لما انت مش عارف القاهره بتسوق ليه يامتخلف
عابد:والله لو مابطلتي شتيمه من حنكك اللي بينقط جله ده لهدفنك اهنه
كارمن :انا اعصابي تعبت مش ممكن هستحمل كده كتير اوي عليا انا لسه صغيره وهيجبلي جلطه ولا هارد اتاك
انا لو استمريت كده هيجيلي نيرفز بريك داون
عابد:ايه البرطمه الي بتجوليها دي
وطبعا طول الطريق يسال عن الشارع الي ان وصل
اهااا اتفضلي ياختي وصلتي
اني متلجح اهنه مستنيكي
وفعلا مدد جسده علي الكنبه بالخلف
لانه لم ينم اليوم وهي دخلت الفيلا
وبعد فتره طويله في حدود الثانيه صباحا خرجت تودع باقي اصحابها
واتجهت للسياره تخبط وترزع
انت يابني ادم اصحي
واخيرا استيقظ بعد عذاب
انتي مين
كارمن :انا مين يامتخلف
نمت وسايبني اخبط نص ساعه بره
عابد:لامؤاخذه اصلي مانمتش خالص وراحت عليا نومه
وقام اتجه للمقود
ووضع كلونيا المفضله لديه ليستفيق
كارمن :اووووف ايه ده هرجع
عابد:اباااي دي 5 خمسات
ماشوفتنيش يوم الجمعه واني مستحمي ولابس الجلبيه والصديري ويتك علي الكلمه وحالج دقني وحاطط الكالونيا والبنات تتهبل عليا
كارمن :ودا من ايه وعلي ايه
هو في حد لسه بيحط البيرفيوم ده
دا بيحطوه للبهايم واخرجت البرفيوم الخاص بها لتطهر المكان من راءحته
وافرغتها كلها والقتها
عابد:ايه الهباب اللي بختيه ده بيرسول
كارمن :بيروسول يامتخلف
دا برفيوم لو حوشت مرتبك لمده سنه مش هتقدر تجيبه انا ببعت اجيبه من فرانس
عابد:مين فرانس دي فرنسا يعني
طب ماتجولي اكده لازمن المنظره
كارمن :لا كده كتير وحرام كمان.
أنت تقرأ
حضرية بالصعيد بقلم فيرى
Romanceرواية تحدى بين صعيدى وحضرية بنت دلوعه تفتكروا هيحصل بينهم اية 😉😉😉 طب ما بدل ما نرغى كده ما نيجى نشوفها
