حضريه بالصعيد
حلقه 15
ام عابد:اتحشمي يابت
كيف تجولي اكده عاد
حب وعشق وكلام فارغ
لو سمعك عابد والله يقطعك قطيع
كاري :ليه دا جوزك هو دا كمان بوي فريند وعيب
امه:اني مافهماش واصل حديتك
كاري :طب خليني اجرب البتاع ده
اللي بتعمليه
امه :تعالي موطرحي ودخليه ف الفرن اكده وتصبري عليه لما يتحمر مش تطلعيه مسلوج
كاري :اوك وريني كده
وفعلا قذفته ف الفرن كما علمتها وتركته فتره
شوفي كده حلو
امه:زين يابتي انتي شاطره وبتتعلمي علي طول
خلاص اني هخليكي عليكي تعملي العيش ف الفرن
كاري :دا سهل اوي
ولكنها وجدت نفسها متعرقه من الفرن مع هذا اللبس التي لم تعتاده
وكان عابد قدم مع والده فاخبرته امه بان زوجته من خبزت الخبز ف الفرن
ولكن كاري طلعت لحجرتها فور قدومهم
عابد:ماشي ياماي
وطلع كانت تخلع ملابسها لتذهب تاخذ شاور
عابد دخل عليها
انتي بتهببي ايه
كاري :رايحه اخد شاور
عابد :كيف يعني اكده بلبوص هتطلعي
كاري :مانا لابسه الاندر اهو زي البكيني
عابد:اندر ايه وزفت ايه البسي حاجه وخشي الحمام ماتطلعيش اكده
كاري :الدور ده مافهوش غير الاوضه دي واوضه كراكيب جمبها انا شوفتها
والحمام
يعني ماحدش هيشوفني
عابد:واني اش ضمني حد اتزنج وطلع يفك زنجته فوق يلاجيكي اكده همي يابت البسي
فارتدت جلبابها وذهبت
وانهت الشاور ووضعت فوطتها كماتفعل ودخلت عليه
عابد:يخربيت مطنك انتي ناويه تشليني يابت مافيش خشا ولا حيا ابدا
فاخذت تمشط شعرها وتلقي به هنا وهناك
ليه بقي عملت ايه مانا لابسه الفوطه اهو مش بالبكيني اعملك ايه تاني اوووف بقي
عابد:انتي كمان اللي مضايقه
عشنا وشوفنا شكلك ماهتعمريش حدايا وهجتلك قبل ماادبك
بت انتي اللي كتي فيه والتسيب والانحلال ده تنسيه واذا اهلك ماعرفوش يربوكي اني هربيكي
فشدت الفوطه
عابد :يخربيت شطانك
فارتدت قميصها
وفرشت الجلباب لتنام
عابد:لاااه ده مرار طافح واني ماحداييش صبر لكده
ثم استسلم للنوم علي فراشه هو الاخر
واستيقظ علي همهماتها وكلامها الغير مفهوم ماجد عابد دادي
فقام بت ياكاري فوجي
ويحركها وجدها درجه حرارتها عاليه
عابد:ياسنه سوخه البت جتتها مولعه نار انتي جايه تموتي اهنه
ونادي مرات اخوه
عابد:همي ياورده البت جتتها مولعه نار ابعتي اي عيل يجيب مجموعه البرد دي اللي بتجبيها ندوهالها
ودخلت عليها ورده بس دي جايده نار
عابد:خلاص اعمليلها حبه كمادات كيف مابتعملي لعيالك وهتوبجي زينه
ورده:بس دي غيرنا ياخوي
ماشايفش جتتها كيف البسكوته ماتتحملش زيينا
عابد:ليه امركبه جناحات واحنا حدانا حوافر وحراشيف
همي اعملي الي بجولك عليه وفعلا حاولت معها ورده جاهده اعطاءها الادويه مع الكمادات حتي طابت
وبعد كام يوم
كانت سماح ابنه عمه قادمه اليهم فهي تحب عابد
فتحدث زوجه عمها
بقي اكده يامرت عمي الناس تجول ايه عاد
عابد مكتوبلي من واحنا صغار
وفجاه يتزوج طب اوري وشي للناس كيف يجولو هملها ليه وهي بت عمه
ولا يجولو شاف عليا حاجه بطاله يرضيكي اكده
امه:يابتي كل شيء قسمه ونصيب
وان شاء الله يجيكي نصيبك
ورات سماح كاري
فتشير اليها
هي دي فيها ايه زياده عني عشان يتزوجها ويهملني
كاري :انتي مين ياانتي
وبتكلمي كده عليا ازاي انتي مش عارفه انا مين
سماح :خطافه رجاله خطفتي ولد عمي مني وهو جاري فتحتي من واحنا صغار
كاري:والله عنده حق يسببك
دا منظر يبصله اول مره اوافق عابد ف حاجه انا لو مكانه عمري ماابصلك
شوفي انتي عامله ازاي
فقد كانت كاري نازله باسترتش وبادي حمالات حتي لا تتعرق كما حدث ف المره السابقه وتاخذ برد
فالبيت خالي من الرجال ولكن لم يكن ف الحسبان اولاد اخو عابد
فقد راوها وكانو ف الغيط يتحدثون
وعابد خلفهم دون ان يدرون
محسن:شوفت ياحسن مرت عمك كيف لهطه الجشطه
حسن :اه ياخوي وجع واجف عمي ده
فشالهم من قفاهم اه ياوسخ منك ليه
وذهب هايج ليجد هذه الخناقه بين كاري وسماح
عابد:في ايه يامره منك ليها
اخفي ياسماح علي بيتكو السعادي
وانتي همي فوق فوجدت نظراته الناريه فجرت لاعلي
وجري وراها
انتي كيف تنزلي اكده وسط الدار
وناولها كف افقدها توازنها
كاري تعتدل
مافيش حد غيرنا كلنا ستات سوا
عابد:وولاد خوي الكبير اللي ف سنك
وبيتحددتو عليكي
ثم كادت تدوخ وجرت للحمام لتتقيء
ورجعت
عابد:فيكي ايه خدتي برد من اللبس ده
كاري :مش عارفه شكلي حامل
عابد:نعم ياختي منين
كاري :اكيد من ماجد
عابد:وكمان بتجوليها يافاجره واخذ يضرب فيها يمينا ويسارا حتي سقطت ارضا مغشيا عليها
والجميع يخبط عليه بعد سماع صراخها
امه:خلاص ياعابد البنيه هتموت ف يدك هي ماعملتش حاجه ياولدي لده كلياته
حرام عليك ياولدي.
✔✔✔✔✔✔✔✔✔✔✔✔يتبع
تعالوا اتجمعوا هنا.. اية رايكم في الرواية دي؟؟
أنت تقرأ
حضرية بالصعيد بقلم فيرى
Roman d'amourرواية تحدى بين صعيدى وحضرية بنت دلوعه تفتكروا هيحصل بينهم اية 😉😉😉 طب ما بدل ما نرغى كده ما نيجى نشوفها
