حضرية بالصعيد بقلم فيرى

بارت 17

حضريه بالصعيد
الحلقه 17
نزل عابد كان الجميع يلتف حوله للاطمئنان علي زوجته وماحدث لها
امه :اكده ياولدي تجتل ولدك كانت عيملت ايه البنيه عاد
عشان اتفكت بكلمتين مع بت عمك
ولا عشان نزلت اكده بلبسها بتاع البندر والدار كانت فيها الحريم باااس
عابد :انتي مافهماش حاجه ياماي وينظر لاولاد اخوه فينكسون رؤسهم
ولكن تمخضت في راسه الفكره عندما سمع والدته تذكر حديثها مع سماح ويعلم مدي رغبه سماح به
وهذا ماسيكسرها في رايه بعد ما علم بحملها وبجاحتها معه في اعلان انه طفل ماجد
فقال لوالده
اني رايد اتزوج سماح بت عمي يابوي
هي لحمي ومايخلصنيش يتقال عليها شيء وان عابد تركها لاسمح الله عشان معيوبه
ابوه:داانت لسه متزوج كيف يعني
عابد :اباي الشرع بيحللي اكده
ثم.اني رايد خلفي من بت عمي مارايدش من الحضريه عيال
اخوه :امال اتزوجتها ليه طالما مارايدش منها عيال
عابد:اهو اللي حوصل بقي
امه :وهتتزوجها فين عاد
عابد :اوضه الكراكيب اللي جاري نشلوها ونوضبها واجبلها اوضه نوم
وهي سماح جدعه وماهتجولش شيء واصل
ابوه :خلاص ياولدي طالما شايف اكده نروحو لعمك حتي نصلح العلاقه بناتنا لانه متضايق جوي من زواجك
وهي فوق تستمع للحوار
كاري :غبي مفكر ان ده هيكسرني ولا يهزني
ليكون مفكر اني بحبه ولا عقله المريض خيله ده
ده لو اخر راجل ف الدنيا عمري مااحبه
وطلع عابد لها
كاري :لما انت هتجوز وعاوز عيالك من بنت عمك
رابطني جمبك ليه ماتطلقني يااخي وترحمني من ارفك
عابد:ارفي اني ده باماره ايه هو اني اللي كنت حامل من سفاح اياك
لكي عين تنطقي كويس اني ماخلصتش عليكي بيدي بس اني ماوسخش يدي بدمك
كاري :اهو بقي دمك اتبرعتلي ليه ماسبتنيش اموت واستريح منك ليه
عابد:مزاجي اكده عشان تفضلي تتعذبي جدامي اكده
وانتي لما عاوزه تخلصي مني مابلغتيش لما جاتك الفرصه ليه
كاري:عشان اردلك جميل كيسين الدم اللي اتبرعتلي بيهم عشان ماتذلنيش بيهم حياتي مقابل حريتك
عابد:لا ياشيخه
اني ماليش ف صفقاتكو دي عنديكو كل شيء صفقه وفلوس ومافيش قيمه للبني ادم حداكو ومفكرين اي حد تشتروه
كاري :بس انا مااشترتكش بالفلوس انا قايضت حياتي مع حريتك
عابد:اني مافهمش كلامك الماسخ ده
اني ماحبتش يبقي ذنبك ف رجبتي ولا اقصر امعاكي فتبرعت بدمي لكي
مش عشان تحني علي وماتبلغيش
اني مايهمنيش السجن واصل
كاري :وانك تتحبس 3 سنين دول مش مهمين
عابد:ولا تفرق معي
وهم بالخروج
وتراجع ليتذكر ااااه ماتنسيش تباركي لضرتك
كاري :الهي تولع انت وهي ف يوم واحد
فينظر لها بغضب
ماتخلنيش امد يدي عليكي وانتي لسه جايمه من تعب تروحي فيها وتتحسبي عليا نفر
فتنظر له ثم تعطي ظهرها له
.............____________.........
خرج عابد فوجد اولاد اخيه امامه
حسن ومحسن :احنا اسفين ياعمي ع اللي حوصل ماعدتش تتكرر
عابد :اتبوصو علي مرت عمكو وتتحدتو عليها كومان ده التربيه اللي ربتهالكو عاد
ده لحمكو لو عريانه تغطوها مش تتفرجو وتلسنو عليها كومان
داني اللي مربيكو  كنتو كيف اخواتي
الفارج بينا مش كتير عاد وكنت مصاحبكو كيف خواتي ده اخرتها ياولاد خوي
محسن:والله ماهتتكر
حسن:المسامح كريم بجي ياعمي وانت ابو المجدعه
عابد:خلاص اخفو من جصادي
وكاري ف غرفتها تستمع
بقي هو كان جاي علي اخره عشان كده بس مايدهوش الحق يعمل كل ده فيا متخلف همجي
............
ذهب عابد مع ابيه وطاهر اخيه الاكبر
لبيت عمه ليخطب سماح
وتقدم عابد لسماح
ابو سماح:كيف يعني رايد بتي علي ضره
عابد:بتك هي الاساس ياعمي
دي بت عمي ولحمي واني مايخلصنيش الكلام اللي بيتقال عليها
واني رايد الولد منيها مش من حد تاني رايدها ام ولدي ومارايدش ولاد من حد غيرها
عمه:كيف يعني ومرتك
عابد:مالكش صالح بمرتي دي ليها ظروفها وماهتعمرش معايا ولا تعرف تربي الولد زين هااا جلت ايه
عمه :هجول ايه ياولد خوي
البت ريداك والناس عارفه انها مكتوبالك ربنا يتمم بخير ياولدي
فرقعت سماح زغروطه انها انتصرت علي ضرتها التي شككت في انوثتها
وفعلا تم الزواج بسرعه
واخذ عابد سماح لحجرته الاخري المجاوره لحجره كاري
ودخل بها
سماح :اني بحبك جوي ياولد عمي من صغري واني بتمناك تكون جوزي وحبيبي
عابد:في ايه يابت ماتتحشمي
شوفي اني عاوز ولدي منيكي انتي وباس
والشهر ده كلياته وياكي لحد مانجبوه
امي نفسها تفرح بخلفي كيف خواتي
سماح:ان شاء الله ياعابد واني كمان نفسي ف ولد منيك وشبهك اكده لما تروح الشغل واتوحشك املي نضري منيه كاني شوفتك
عابد:عشجاني للدرجه دي يابت
سماح:جوي جوي ياعابد
ده لو بوي ماوافقش كنت موت حالي
عابد:اباي عليكي مهروشه وهم بالخروج فامسكت بجلبابه رايح فين وفايتني لحالي
عابد:العو هياكلك اياك
سماح:لاااه يجولو ايه طفش منيها وهملها ليله دخلتها
عابد:اباااي هدخن اسجاره هي حابسه اياك
سماح:ايوه حابسه ولا رايد تروحلها
عابد:بت بعدي عن وشي السعادي وماتكتريش ف الحديت ليكون طلاقك الليله وخرج ورزع الباب وطلع السطح