حضرية بالصعيد بقلم فيرى

بارت 37

حضريه بالصعيد
الحلقه 37
اخذ عابد كاري وولده الي البلد
ورحب بهم الجميع واخذت امه تقبل ولده وتقبله اتوحشتكو جوي جوي ياولدي ماتغيبش عنينا اكده ولا الحضريه خدتك منينا وتنظر لكاري
عابد:علي عيني ياماي والله بس الشغل كتير وكاري مابتاجيش كتير عشان الولد واني فوق دماغي الشغل كلياته
امه:ربنا يوفقك ياولدي
ابوه :يلا همو وخلصو الوكل الناس علي وصول ولازمن نعشيهم جبل مايمشو
امه :خلاص ياحاج مرت طاهر والبنته جامو باللازم ماتخافش كل شيء تمام  وعال العال
وتعالت الزراغيط وذهب الجميع لبيت العروس واستقبلهم اهلها بالترحاب وكتبو الكتاب  واخذو العروس واوصلها اهلها  لبيت عريسها وبعد الترحاب والزفه  اخذ العريس عروسه لغرفتهم
ليمارس طقوس الزواج وبعد ان ينتهي تتعالي الزراغيط وضرب النار كالعاده
احتفالا بشرف البنت
ويتعشي اهل العروس ثم يرحلون
محمد:وااه يافدوي اني بحبك جوي يابت من اليوم المشؤم اللي شفتك فيه واتغزيت من ولاد الهرمه دول
فدوي :بجي اني كان يوم ماتجابلنا مشؤوم اكده يامحمد
طب والله ماني بيتالك فيها وهعاود لامي
محمد:ماتتمسي يابت تروحي فين انتي السعادي هو دخول الحمام زي خروجه عاد انتي ماعتخرجيش من اهنه الا علي جبرك
فدوي :جبر يلمك
محمد:اباي عليكي  هو كل كلمه تترد بعشره عاوزه جطع لسانك
فدوي :عدويني واللي يكرهوني
محمد :طب اتمسي بجي وخلي ليلتك تفوت بدل ماهتاويكي الليله
يلا يابت اتخمدي فانكمشت في فراشها ونامت وتغطت
محمد:حريم ماياجوش الا بضرب الجزمه صحيح
وهكذا ذبح محمد القطه لفدوي من اولها ماهي مالهاش حل الصراحه
..................
ام طاهر:خشي يابنيه فوج ف اوضتك كيف ماهي بس حطينا عفش  سماح فيها عشان جديد وبعنا الجديم اللي كان فيها خشي نامي انتي وولدك ماتعاودوش اكده بليل
وانت ياولدي خش مع اخوك الصغير وولاد اخوك موطرح امحمد
عابد:لا اني ماهعرفش انام وسطيهم
اني هجعبز اهنه ع الكنبه ده كله سواد الليل
امه :اهنه ف الصاله اكده برد عليك
عابد:ياامه الجو حر ماتخافيش عليا اكده
امه:ابراحتك ياولدي تصبح علي خير
ودخل الجميع غرفهم
عابد:اوصلك لفوج بالولد
كاري:لا انا عارفه الاوضه كويس تصبح علي خير
عابد :وانتي من اهله
ادخلت كاري ولدها النائم علي الفراش
ولم تستطع النوم فخرجت للسطح
ولمحها عابد فهو يرقد علي الاريكه المقابله للسلم المؤدي لغرفتها ويجافيه النوم ايضا
فاخذ يطوي السلم عدوا
وطلع لها وجدها سارحه وعندما شاهدته جرت عليه والقت نفسها باحضانه تبكي
فاخذ براسها من حضنه في ايه ياكاري بتبكي ليه امي زعلتك ولا جالت لك حاجه ضايقنتك
كاري :لا
بس مش قادره استحمل البيت من غير  ورده  عمري ماتخليت ادخل البيت مالقيهاش
فاخذ براسهافي حضنه
ولا اني كل ركن اهنه بيفكرني بيها
ماكانش ليا ف البيت كلياته الا هي
هي اللي كانت تسمعلي وتنصحني مع انها صغيره احيانا كنت احسها امي كومان مش اختي
ربنا يرحمها ويرحمك.يامحمود اهم اتجابلو ف دار مافيهاش خداع ولا فراج تاني
ثم نظر في عينيها  وهو ممسك براسها بين كفيه ليقبلها
ماعاوزكيش تبكي تاني واصل
فاحرجت وحاولت تبديل الموقف
احمد كان هايص ف الفرح وقعد يصقف ويرقص عشان كده تعب من العب ونام ومامتك كانت تصقفله وفرحانه بيه اوي
عابد:وهو ينظر لها وايه كومان
فاحرجت اكثر
واحس باحراجها فاستطرد طبعا مش ولد عابد لازمن تفرح بيه مع اننا كتير لكن اني بالذات ليا مكانه عند امي غير
هي كانت تعرف اني احب الحمام
كانت لما الحمامه تطلع تحجزلي فرده وتدسها تحت السرير حداها وتاجيبني وتجولي كولها اهنه ياولدي بدل ما ياخدوها منيك هههههه
ربنا يخليها ويحفظها

كاري :يارب
انت مش هتجيب ولاد ورده معانا بقي
عابد :لسه شويه اما نبقي نرسي ف الموضوع اللي جلتلك عليه لان ممكن اهمل الشغل واعاود بولدي
كاري بفزع ايه ده ليه وايه الموضوع ده
عابد :اني ماكنتش رايد اخبرك الا اما نعاود بس طالما فتحتيه
ابوكي بيتاجر ف اغذيه فاسده
كاري :ايه الكلام ده
عابد:رمزي هو اللي جالي
ووراني الصفقه وعاوزني امضي عليها
ويجول بنجيبها منتهيه الصلاحيه ونغيرو الورق بورق جديد و
صلاحيه جديده
ولادالكلب دا اني واكل ياجي طن تونه من التونه المضروبه دي كل يوم كت افتحلي ف العشا اتنين تلاته واتعشي بيهم والاخر تطلع مسمومه
كاري :طب ماانت كويسة اهو وماموتش
عابد:اباي هتأررري عليا ولا ايه
طب اني معدتي تهضم الظلط
لكن في اطفال تاكلها وتموت ولا ياجيهم سرطان
واني مش هأكل ولدي حرام
لو وافجتي اني هاخده وعاود
كاري :وانا معاك ومش هأكله حرام
أحنا عاوزين نبدا سوا بدايه نظيفه
عابد:يعني هترفضي الصفقات المشبوهه دي
كاري :اكيد انت عندك شك ف كده
فاخذها يحتضنها ويقبلها
ولما نعاود عندي ليكي مفاجاه ومااعتقدش هتمانعي
كاري :طب هي ايه
عابد :اباي ولما نجولوها تبجي مفاجاه كيف يعني