حضرية بالصعيد بقلم فيرى

بارت 32

حضريه بالصعيد
الحلقه 32
كاري :اه تعالي وصلني عشان اشيل الولد وانت سوق
عابد:طب هجولهم جوه واجي
وفعلا اخبرهم وخرج لها ليقود السياره
وهي  تمسك بطفلها تداعبه تاره وتقبله تاره اخري  وعندما يبكي ترضعه حتي وصلو للفيلا
عابد :خدي مفاتيحك اهي اني ماشي
فاستوقفته كاري
تمشي فين دلوقت الوقت اتاخر
ادخل نام ف الشقه بتاعتك انت ناسي انك سايب هدومك وهدوم الاولاد فيها
عابد:اه والله نسيت
طب اني هخش المهم  واعاود
كاري :لا مش هسمحلك تمشي دلوقت انت سايق طول الطريق نام شويه وابقي اصحي براحتك وسافر النهار قرب يطلع اصلا
فكان مرهق بالفعل من اجراءات الدفن والسفر والعزاء والسواقه فرحب بالفكره
عابد:خلاص هخش انام واما اصحي الم الخلجات واعاود

كاري :وهترجع امتي
عشان ابنك يعني تبقي جمبه
فنظر لها وهي يكسوها حمره الخجل
ماخابرش هظبط اموري واشوف بوي محتجني وياه ولا ايه وابقي اجي لو مش محتاجني
ودخل ينام  بعد ان قبل ولده
وهي اخذت طفلها ونامت بجواره فهي ايضا مرهقه
نام الجميع دون حراك حتي استيقظ عابد واخذ يلم اشياءه واستيقظت كاري  لترضع صغيرها وتنزل تجده لم اشياءه
وسوف يعود الي البلد
كاري وهي تحمل رضيعها
ماتتاخرش علينا اقصد عشان ابنك
لازم تبقي جمبه عشان تعرفه الصح من الغلط
عابد وهو ينظر لولده ويقبله
هحاول خدي بالك منيه ثم انصرف

وارتدت كاري ملابسها لتذهب للعمل
وتحاول فهم مايحدث ف الشركه من رمزي فهو يعلمها  كل كبيره وصغيره ف الشركه واحيانا تستوعب واحيانا تفصل منه  شحن فيحاول شرحه لها  بطريقه اخري حتي تستوعب
ولكن كل هذا علي حساب طفلها وتركها له اوقات طويله

اما عابد فرجع البلد وقد احس انه ترك قطعه منه بالقاهره وغلبه الشوق لولده
عابد:بجولك ايه يابوي اني جايني شغل ف القاهره بس ماعاوزش اهملك اهنه لحالك
ابوه:وليه لحالي اخواتك اهنه وولاد خوك ويايا  واهو اخوك خد الدبلوم وخلص جيشه وهيساعد معانا
عابد :يعني مامحتاجنيش وياك
ابوه :مااستغناش ياولدي روح جار ولدك اني عارف الضنا
وعارف انك.ماجادرش تفارجه
عابد:واااه يابوي كاني خالع جلبي وتاركه هناك وعاودت
ابوه:حاسس بيك ياولدي عشان تعرف
لما بتبعد عنينا بنبجي كيف اني وامك 
كأن حته مننا انتزعتها
عابد:معلهش يابوي سامحني مش بيدي ده ولدي
ابوه :خابر زين ياولدي ربنا يسلكلك طريقك ويجدرني اقنع امك
هتجعد تبكي وتفتكر محمود
وفعلا ذهب لامه وحاولو اقناعها جاهدين
عابد:والله ياماي هجيكي بس ده ولدي وماجادرش علي فراجه ياناس
امه :وانت هتنك اكده من غير حرمه ماهو التنتين ماتو  وواحده طلجتها
ماتشوفلك بنته بنت حلال من توبك وتتجوزها  وكمان ولاد محمود مين هيربيهم
عابد اني هظبط اموري واخد ولاد محمود معايا دول امانه ف رجبتي وورده مأمناني عليهم  بس اعرف الامورهتمشي معايا كيف السنه دي واخدهم ولو ماعرفتش اسلك هناك هعاود اهنه فماعاوزش اشحططهم  ويايا الا اما اتاكد اني هكمل اهناك
اما بت الحلال دي اني كرهت الحريم وصنف الحريم عاد كفياني واللي حصولي منيهم
امه :لا ماهينفعش اكده ومين هتخدمك هناك
عابد:تتدبر ياماي هي بس اول سنه علي ماتثبت ف الشغل ونبقي نشوف الموضوع ده
امه :ماشي ياولدي
وودعهم وقبل يد امه  وقال لها ان تدعو له وايضا والده وتركهم وذهب الي القاهره
ووصل الي الفيلا ف الصباح وجد كاري ترتدي جيب ميني جيب اسود وجاكت قصير اسود   وشراب اسود طويل وبوت طويل للركبه  وشعرها معقود من الخلف ديل حصان
عابد :ايه اللي مهبباه ف نفسك ده
كاري :في ايه ياعابد
عابد:في ايه ايه عاد ماتحترمي نفسك انتي بجيتي ام خلاص
كاري :يعني ايه مش فاهمه اعمل ايه يعني
عابد :يعني اللبس ده مايلزمنيش
كاري :ماله يعني في ايه كله اسود ف اسود اصلا
عابد:مارجلك كلياتها باينه اهه
شوفي يابنت الحلال اني ماناجصش حرجه دم ع الصبحيه عوزاني جارك عشان الولد تسمعي الكلام بدل ما هاخده واعاود وماهتعرفيش لينا طريق جره
كاري :لا خلاص طب انت عاوز ايه
عابد:اولا شعرك ده يتغطي
ثانيا لبس قصير لا
ماينفعش ويايا مايلزمنيش واني طرطور اياك
كاري : مع ان احنا مطلقين ومالكش سلطه عليا بس اوك انا موافقه خلاص وانت كمان ماينفعش اللبس بتاعك ده وزي ماهسمع كلامك تسمع كلامي 
عابد :ماشي
كاري :خلاص اليوم هيبقي free
عابد :يعني ايه ده
كاري :اجازه
عابد :واني لسه اشتغلت عشان ااجز

كاري :احنا بس هنعمل شوبينج ونشتري حاجات تليق برئيس مجلس اداره الشركه واجيب شويه طرح علي تربون عشان اغطي شعري
عابد:وبتجوليها بزهج كده ليه
وانتي بقي هتصرفي عليا
كاري :ياسيدي اعتبرها سلفه من المرتب  يلا بقي
فقبل طفله وتركه مع الداده وذهبو للتسوق