حضريه بالصعيد
الحلقه 9
دلف عابد الي حجرته بعد يوم شاق يريد ان يحتضن الفراش ولا يفلته
ونام بمجرد ان وصل للفراش بملابسه
وبعد فتره طويله استيقظ ليدلف للحمام
وينزل عليه بعض الماء عله يزيل اثار التعب والارهاق
وخرج تناول بعض اللقيمات التي احضرها معه وجهز حقيبته ليذهب يبيت مع ابراهيم الجنايني حتي يكون قريب من عمله اينما احتاجته تجده
ثم نزل ليذهب للفيلا
فوجده فايز فاستوقفه
ايه علي فين يابلدينا زهقت منا ولا ايه
عابد:لااه بس البيه جالي ابيت مع الجنايني اليومين دول علي ماتخلص اوضتي اللي بيبنيها عشان ابقي جارهم لو احتاجوني اي وقت
فايز :داانت كنت بتكلم جد بقي
هتوحشنا والله انت واد جدع وانا استجدعتك بوقفتك مع سمر
عابد:اني اي ماشي من اهنه بس لو كلمتني وقالت انك اذيتها
هاجي اعلقك علي باب ورشتك كيف الدبيحه
فايز:ياعم وزه شيطان وراحت لحالها
وانا اتاكدت ان البت محترمه ومابتقمش من علي سجاده الصلاه
عابد:واتاكدت كيف بقي
فايز :ماخلاص بقي يابلدينا
عابد:اباااي واني هتحايل عليك
هقضي النهار بطوله واقف اتحايل ماتجول وتخلصني
فايز:في ايه ياجدع وانت علي زمتي
اهو شوفتها من السطح ولقيتها بت بتصلي وتعرف ربنا وزعلت من نفسي اني ظلمتها وشكيت فيها بس تتعوض
وهنعزمك ع الفرح بس اما تيجي امها اتقدملها
عابد:اني راشق معاكو امال هتخطبها من مين عاد اني جاي احضر الاتفاق ولا عشان وحدانيه مفكر ماورهاش رجاله
فايز:داانت تشرفنا وانا مش عاوز منها حاجه انا كسيب وشقتي فوق مش ناقصها حاجه غير شنطه هدومها
عابد احتضنه الف مبروك ياخوي انت واد معدنك اصيل واني مأمن عليها وياك بس برديك لو بعتتلي انك ضايقتها هعلقك اهنه
فايز:ماخلاص ياجدع بقي دي ف عنيا
عابد:سلام بقي اخرتنا اما اروح اشوف المصيبه اللي هناك هتعمل فيا ايه عاد انهارده
وذهب للفيلا
وجاء كاري تليفون
ماجد :مش هتيجي ولا ايه انهارده
كاري :مش قادره ياماجد اعصابي تعبانه اوي هستريح انهارده
ماجد:ليه حصل ايه
فقصت له ماحدث
ماجد:وازاي ماتقوليش وتتصلي بيا
كاري :خلاص مافيش حاجه السواق ضربهم ورجعت البيت بس من ساعتها وانا تعبانه اوي
وايدي بتوجعني من شدهم فيا
ماجد:طب تعالي الديسكو ونطلع علي شقتنا مش هقدر ماتطمنش عليكي
كاري :خليها بكره
ماجد :لا انهارده
كاري :هحاول بس مااوعدكش
واغلقت الخط
فالقي ماجد الفون بعصبيه
ودخلت عبله علي ماجد
في ايه متعصب ليه
فقص عليها ماحدث
عبله:اهدي مش عاوزين غباءك يطير البت منا براحه شويه علي نفسك
ماجد:ماشي ياعبله اما اشوف اخرتها
ووجدي مش سهل
عبله:بنته هي روحه وروحه بقت ف ادينا اتطمن كاري لك وشركه ابوها وفلوسه لك واللي معرفتش اخده انا تاخده انت هو بين كماشه مش هيعرف يفلفص
ماجد:ربنا يستر انا بسمع عن وجدي بلاوي مش من النوع الي يستسلم بسهوله
عبله:هيعمل ايه مافيش ف ايده حاجه
...................
ارتدت كاري روبها القصير وخرجت ليلا الي بلكون حجرتها تتحرك يمينا ويسارا
فشاهدها عابد
يخربيت حلوتك ماهتنزلش المحروقه دي انهارده ولا ايه
ونزلت كاري ف الحديقه تجلس علي مقعدها تحت شجرتها المفضله
فاتاها عابد
انتي مانزلاش انهارده ولا ايه
كاري :مش قادره ياعابد تعبانه اوي
شايف الحيوانات عملو ف ايدي ايه تعباني اوي
عابد:طب تعالي نكشفو عليكي ف الميستشفي دي ازرجت
كاري :ﻻ جسمي تعبان ومش قادره اتحرك انا هطلع انام
عابد:يعني ماعاوزاش حاجه ماهتطلعيش ف موطرح
فضحكت كاري 😃😃
لا مش هطلع ف موطرح هههههه
عابد:احملك لو ماجدراش تمشي
كاري:لا متشكره ياعابد
ومتشكره ع اللي عملته معايا
عابد:واني عيملت ايه ده واجبي واي حد موطرحي كان عمل اكده
كاري :ميرسي عابد بااااي
عابد بعد ان مشت
يااابوي هو في اكده حته امهلبيه متمرمغه ف القشطه
واتصل بها ماجد
ماجتيش ليه
كاري :قلتلك تعبانه ومش قادره
ماجد :يعني انتي هتيجي مشي ماانتي ف العربيه
كاري :يووووه قلتلك تعبانه
ماجد يجر ناعم
خلاص حبيبتي ماتزعليش
انا اسف خلاص ارتاحي انهارده وبكره نتقابل
كاري :اوك
وظل عابد ف الحديقه ع الكرسي
وعينه معلقه ببلكونتها حتي غفل وهو جالس لياتي الجنايني يوقظه
ابراهيم :يابني خش نام جوه هتاخد برد
فاستيقظ عابد
اني راحت عليا نومه واني جاعد اما اخش جوه لحسن بردت
وتاني يوم استيقظ عابد جسمه مكسر ويعطس من اثر نومه ف الحديقه
وجد كاري علي الظهر تنزل
عابد :علي فين العزم ان شاء الله اتشووو
كاري :انت خدت برد ولا ايه
اوعي تعديني خليك هنا احسن وانا اخد العربيه
عابد:لا انتي امانه ف رقبتي لازمن اوصلك اني بس راحت عليا نومه ف الجنينه فخدت شويه برد
هااا هتروحي فين
كاري :هتغدي ف النادي
اصلي نمت بليل بدري وصحيت بدري
كنت بصحي بعد العشا لكن المره دي صحيت بدري وحسيت اني جعانه قلت اطلع ع النادي او اي مطعم
تعالي معايا انا عزماك حتي اشكرك ع اللي عملته معايا
عابد :جلتلك اني ماعملتش الا الواجب اتشووو
كاري :طب يلا واجبلك انتي بايوتك من الصيدليه شكلك تعبان اوي
وفعلا اخذها واستوقفته امام صيدليه
ليقول لها مافيش داع هو لمونتين اجرجشهم وابجي تمام
كاري :لمونتين ايه في حاجه اسمها طب وعلاج ولا ماوصلش عندك
ونزلت احضرت بعض العلاج واعتطته زجاجه مياه لياخذ العلاج
ونزلت امام مطعم
كاري :يلا معايا عشان العلاج اللي خدته قوي
ومحتاج اكل
عابد:لااه اني هجيب ساندوتشين طعميه وفول وخلاص
كاري :يلا قدامي طعميه ايه وفول ايه
فنزل معها لتناول الغداء وطبعا طلبت له اشياء غريبه لم يسمع عنها
لانه لايفهم ف المينو الذي اعطاه له النادل
فمال عليها
انتو بتاكلو خنازير
كاري :خنازير ايه
دي بيكاتا بالشامبنيو
لحمه عادي
وسوتيه خضار عشان تعبان
عابد:ربنا يطمن قلبك
واتي النادل بالطلبات
وقال يلزم شيء تاني
كاري :ميرسي
عابد :مش كنت جبت ساندوتشين فول
احسن
فتنظر له باستغراب احسن !!
يلا ياعابد قفلتني مش هكمل الديزرت
عابد :وده ايه كمان
كاري :الحلو ياعابد
يلا يلا واستدعت النادل لتعطيه الحساب
عابد يمسك يدها انتي بتعملي ايه
كاري :هحاسب
عابد:ليه ماشيفانيش راجل اياك
حرمه تحاسب ليا
دااني البس طرحه وابجي مره
حسابك كام ياعم
واعطاه اخر نقود معه
كاري :بس كده دي اخر فلوس معاك
عابد:مالكيش صالح عاد
كاري :بس انا عزماك
عابد:ليه شيفاني لابس بروكه عاد
علي اخر الزمن حرمه تدفعلي
فاستغربت جدا لافعاله فهي لم تعتادها بل هي من تحاسب احيانا للشله كلها عندما تعزمهم بما فيهم من شباب وشابات ولم يفعل معها احد مثل هذا الموقف
فهي لم تعتد الرجوله المطلقه
بل تعاملت مع اشباه رجال ياكلون من عرق النساء.
أنت تقرأ
حضرية بالصعيد بقلم فيرى
Romanceرواية تحدى بين صعيدى وحضرية بنت دلوعه تفتكروا هيحصل بينهم اية 😉😉😉 طب ما بدل ما نرغى كده ما نيجى نشوفها
