حضرية بالصعيد بقلم فيرى

بارت 40

حضريه بالصعيد
الحلقه 40
كانت سمرتستمع لبكاء كاري وترجيها لعابد وقد احست بها وبصدقها فهي انثي مثلها
فعزمت امرها ان تدلف لهما ولم يمنعها اعتراض فايز علي ذلك
وفعلا دقت علي الباب ليأذن لها عابد
وتدخل مندفعه
معلش ياخوي اني اسفه اني سمعت حديتكو بس كان صوتكو عالي وموصل لبره واني حاسه بصدق البنيه وعشقها لك دي كانت منهاره ومخضوضه عليك يانضري
كاري :صح اسمك ايه انتي
سمر :اني سمر مرات فايز
كاري :صح ياسمر
واستطردت سمر
انت حقاني ياخوي وعمرك ماظلمت حد
اسمع منها وشوف  قصتها واحكم
عابد:انتي بت حلال وغلبانه مالكيش ف اللوع بتاع العالم دي يا سمر اني اللي خابرهم زين دول افاعي وحيات بيتلونو بكل لون
كاري :لا ياعابد انت عارف اني دايما مظلومه وانت دايما تقولي اني اتاخدت ف الرجلين بسبب دادي
سمر :اسمع منها ياخوي
اني هعملكو كيبايتين لمون تروجو دمكو واسمع منيها لو ليا معزه ف جلبك واختك كيف مابتجول
عابد لم يجد بد من الاستماع لكاري بعد الحاح سمر  التي خرجت واغلقت الباب
وعندما رأها فايز
خلاص ياختي عملتي اللي ف نفوخك ماشيه بدماغك انتي مش عارف امشي كلمه عليكي
سمر بدلال ابااي داانت سيدي وتاج راسي واني اقدر اخالف اوامرك بس البنيه صعبت عليه وحساها مظلومه وده ملعوب   واتلعب عليهم هم التنتين من ناس عاوزين يفرجو بناتهم
فايز:عرفتي دا كله لما نهنهتلك ف التليفون ياشارلوك هولمز انتي
ولا المفتش كرومبو  ياكرمبه هانم
سمر ؛ بجي اكده بتتمجلت عليا 
طب اني نازله حدا امي تحت
فايز:خشي جوه يابت شوفي هتعملي ايه لو هتطفحينا ف ليلتك دي
سمر :يوه صحيح الوكل ع النار  واعملهم اللمون
فايز :يلا يامسطوله
............
عابد :جلس علي كرسي بجانب الفراش واسند ذراعيه علي ركبته وضع وجهه بين كفيه
جولي عاوزه تجولي ايه بعد اللي شوفته في جواله تانيه
كاري :والله كان غلط اللي شوفته ومش حقيقي زي مافهمت
انا لقيت ماجد داخل عليا وباسلوب مستفز وعاوز نرجع لبعض لما رفضت لقيته عمل كده وانت دخلت ف الحظه دي وبعدها بعدته وضربته قلم وعنفته جامد ونزلت ع الارض اخد العلبه لقيتك  جايبلي دي طلعت وراك زي المجنونه ادور ف مكتبك مالقتكش
عابد يصقف قصه حلوه وجميله تضحكي بيها علي عيل برياله وقام منتور ليفزعها فترتد للحائط
ويضرب الحائط بجانبها فتغمض عينيها فزعا كيف عوزاني اصدق الهري ده واني عارف ماضيكي
كاري :ماضيا انت دفنته بايدك وعلمتني علي ايدك حاجات كتير عمري ماعرفتها
يعني ايه اصون شرفي
وماخليش راجل غريب يلمسني غير جوزي حبيبي
ثم انا لسه ماكملتش
واستطردت لما طردت ماجد وخدت الخاتم طلعت ادور عليك لقيت رمزي مع ماجد بيقوله اظن انا عملت اللي عليا ودخلته ليكو ف الوقت المناسب واهو  واخذت تفكر قال كلمه كده مش فكراها خدع خرع الي الابد
عابد:خلع
كاري :ييس هي دي
والله انا عمري ماحبيت غيرك
واتعلمت الحب علي ايدك ماحستش بالحنان والامان الا ف حضنك
يمكن فرق بينا كبير  ف التعليم والمستوي الاجتماعي لكن معاك مابحسش الا بالحب والخوف عليا
فقبلها قبله يغزوها الشوق وبعدها
كاري :بس شيك اوي الخاتم ده لبسهولي
فالبسها اياه
كاري :انا موافقه
عابد:علي ايه
كاري :مش كنت كاتبلي تقبلي تتجوزيني وانا قبلت
عابد:ده كان زمان
كاري :زمان ايه دا من كام ساعه يعني رجعت ف كلامك وخلعت الخاتم رمته بوجهه ماشي ياعابد انا اللي غلطانه وجرت للباب
وهو يضحك بت ياكاري استني يابت اني كنت بهزر وبحث عن الخاتم وجري علي السلم وراءها يابت بهزر معاكي
دااني استويت وفاض بي
كاري :وانا بقي اللي مش موافقه وغلطانه اني جيت وراك
فجذبها من خصرها اليه
تقدري ماتاجيش ورايا امال هتاجي ورا مين عاد ياام احمد عاوزين نخاوي الولد بجي ويغمزلها والبسها الخاتم مره اخري ثم قبلها و حملها
كاري :عابد نزلتني الناس تقول علينا ايه
عابد:واحد ومرته حد شريكي يلا ع المأذون
وفعلا اخذها الي المأذون وكتب الكتاب
ورجعو الفيلا يحملها
فراتهم الداده
كاري اعملي لولولي اللي بتعمليها ياداده انا اتجوزت عابد تاني
فزرغطت الداده وسماح واخذها لحجرتهما فوضعها علي الفراش
ونام بجانبها علي ظهره يفكر بصوت عال
ياااه ياكاري تصدقي من يوم ماشوفتك واني بتمني اليوم ده بفارغ الصبر
فاعتدلت له علي جانبها ووضعت ذراعها تسند راسها
ازاي بقي داانت ماكنتش طايقني لما اتجوزنا وكنت حاسه انك هتقتلني
عابد:اي والله كان نفسي اجتلك صح بس ماجادرش انتي نقطه ضعفي الوحيده  ماكنتش جادر استحمل ان راجل غيري لمسك جبلي
كان هاين عليا اجتلك واجتله
كاري :ومن الحب ماقتل
عابد:المهم اننا اتجوزنا وحدانا ولد عاوزين نربيه ونخاويه اما رمزي ده اني هطرده شر طرده المعفن ده واني مابجيتش محتاجله وعرفت الشغل زين
يلا بقي نخاوي الولد هنقضيها حكاوي عاد واني ماحبش ولدي يطلع وحيد عاوز عزوه كيف بوي ماجابنا
كاري :لا مقدرش علي كده
عابد:انت جدها وجدود ياوحش مايغرقيش منظرك وانك قله اكده
دا الجصيرين دول بيطلع منهم بلاوي
كاري :ههههه لا بجد مش هقدر صحتي مش تستحمل كل ده
عابد:ماامي اهي ولو بوي رايد تاني خلف هتجيب ولا يهمها
كاري :ههههه ربنا يديها الصحه بس انا صحتي علي ادي مش اقدر علي كل ده
عابد :سلميها لله اني عاوز كل خلفي منيكي انتي بااااس
وبدا الزوجين حياتهما طبيعيه وسنتعرف علي حياتهما بعد الزواج