حضريه بالصعيد
الحلقه22
بعد كام يوم بعد ان كانت كاري دائما مع ورده اصبحت تتجنبها
ولاحظ عابد ذلك
فدخل لكاري
انتي ايه حكايتك بالظبط مع ورده بتتعاملي معاها اكده ليه مش دي صحبتك
كاري :تعقد ذراعيها
خلاص مش بقت صحبتي
عابد يجذبها اليه بقولك ايه الا ورده
انتي وسماح اتولعو ف بعض ماهيهمنيش لكن ورده كوم وانتو كوم تاني
كاري :ياسلام وانا حره بقي وتركته وخرجت من الغرفه
ويضرب كف علي كف يابنت المجانين
ويخرج وراءها يجدها امام الفرن
فينظر لها ويخرج في قمه غضيه
وتاتي ورده لها
مالك ياكاري
كاري :الله مش مالي ولا حاجه في ايه كل واحد مالك مالك
ورده:طب تعالي معاي
كاري :لا انا بخبز لانطي العيش عشان اونكل
كده هيتحرق وانطي هتزرق عيشتي
ورده :هههه اسمها هتسود عيشتك
كاري :exactly
ورده :طب جومي اي حد هيقعد موطرحك
تعالي ياسماح
سماح:واني مالي الله مش دي شغلتها
كاري :شوفتي دي اصلا شخص لا يعتمد عليه ابدا
خلاص تعالي يا ابله رقيه زوجه طاهر الكبير فهي 35 سنه اكبر منهم بكثير ويجب احترامها
وفعلا جلست مكانها واخذت ورده كاري لغرفتها
ورده :مالك بقي فيكي ايه متغيره مني اكده ليه
كاري :وهتغير ليه يعني
ورده ؛ عشان اتزوجت عابد مش اكده
كاري :وانا مالي تجوزيه ولا لاء انتو حرين ان شاء الله يتجوز عشره حتي ولا يهمني
ورده:لاااه ده واضح وضوح الشمس انه مش هامك
كاري :انا اللي منرفزني ازاي نسيتي محمود حب عمرك بسهوله كده
ورده :ومين قالك اني نسيته ده محفور بجلبي دا هو اول واخر راجل يلمسني
كاري :ازاي بقي امال عابد ده جرافيك
ورده :دا انا قلت انتي الوحيده
اللي هتفهميني وتحسي بيا
وانتي اللي عارفه حبي لمحمود كيف
وهتعرفي اني وافقت علي عابد بالذات ليه
كاري :ليه بقي
ورده :اني وعابد كيف الاخوات من صغرنا وهو سندي واخوي اما محمود حبيبي
فاني جلت لو ماوافقتش علي عابد هيجبروني اتجوز غيره ماحدناش بنته صغار وتقعد اكده من غير زواج وهي ارمله بعيال لازمن راجل معاها
واني بقي لو اتزوجت ايتها حد هيبقي رايدني زوجه ورايد حقوقه مني
كاري :اكيد طبعا
ورده:لكن عابد عنديه بدل الزوجه اتنين واني خابره اني كيف اخته وكان رافض الزواج وماهيرضاش يقربلي
عشان اكده وافقت وهو كيف خوي من يومها وزواجنا ع الورق
حتي بيجعبز يانضري ع الكنبه اهنه وجلتله يروحلك ماراضيش عشان ماحدش ياخد باله
كاري :عابد عمل معاكي كده
ورده :انتي ماتعرفيش عابد زين
كاري :انا ظلمتك ورده اسفه لكي جدا
ورده :انتي خيتي وربنا يعلم حبك ف قلبي اد ايه
فاحتضنتها كاري وانتي كمان ياورده
بس تقاليدكو هنا صعبه اوي ليه مش يسيبوكي ف حالك تربي ولادك طالما مش عاوزه تتجوزي مسكينه ورده يجبروكي كده
ورده :عوايدنا عاد
بس اوعاكي تجولي لسماح ولا لعمتي
خلي سماح مشعلله اكده
كاري :ييس خليها مجلجله
ورده :ايه دي مش مكانها خالص
كاري :لما النار بتطلع كده انطي بتقول مجلجله
ورده:اسمها موهوجه يعني ملهلبه اكده
كاري :ييس برافو ورده هي دي
ورده :طب يلا نحضرو الوكل الرجاله جايه بدل ماننضرب وخرجو وجدو عابد امامهم
فنظر لكاري لتخفض راسها
انا ماشيه ورده
ورده اني جايه معاكي
فيجذب عابد كاري من يدها
ايه مافيش حمد الله ع السلامه لجوزك
فتزيل يده يلا ياورده
ويتبعها عابد بنظراته ليجد سماح
عينك ياولد عمي
عابد:الهي تتفجع عينك يابعيده واستريح منيكي
سماح :اكده ياولد عمي
عابد :اخفي يابت من جصادي وهمي حضري الوكل معاهم
سماح :هو لازمن انفضلك زي ناس عشان اعجب اياك
عابد :اتصدجي لو ماخفيتي من جصادي ويخلع بلغته
فتجري سماح من امامه
*والله صعبت عليا جايبه التهزيق لنفسها هههههه*
وجلسو يتغدو سويا
وبعد الانتهاء والسيدات تنقل الاواني لمكان الغسيل
عابد :يلا ياكاري عاوز اريح هبابه عشان عندينا عزا بليل
سماح:وليه كاري ماتريح عندي ولا مرتبتي بتجرصك عاد
عابد ينظر لها شذرا اخفي يابت وماتكتريش ف الحديت
كاري :لا روح معاها مش هينفع تيجي عندي
عابد:ليه بقي هو بمزاجك اياك
كاري :طب اقوله ايه ده
اه بمزاجي وهمت بالمشي وهو وراءها
وسماح هتفرقع وتميل علي ورده شايفه المرار الطافح الي احنا فيه
ورده :في ايه يابت
سماح :اباااي هو مش زوجك ولا مستغنيه عنيه
ورده:اني ماليش ف رط الحريم بتاعك ده ينام ع الجنب اللي يريحه
وبعدها نظرت كاري لعابد
الله مش قلتلك ماينفعش
وندهت لورده فهميه انتي ياورده انا تعبت
ثم داخت كاري وكادت تقع ليحملها
عابد لحجرتها وينادي علي محسن ان يهم بالذهاب لاحضار دكتور يوسف
فهو بالكفر اليوم من اجل العزاء وقد.شاهده عابد فجري محسن لاصطحايه
وسماح:يابوي علي كهن الحريم
ورده :ياشيخه لسانك امال داانتي حقنه
سماح :ماشي ياحنينه
هي مش قالت مش عوزاه وعنديها ظروف لزمته ايه الكهن ده بقي
عشان تاخده جارهاحتي ف الايام دي
ورده:اعوذ بالله لو ربنا يقص لسانك هنرتاح كلياتنا
سماح:بعد الشر عدويني واللي يكرهوني.
أنت تقرأ
حضرية بالصعيد بقلم فيرى
Romanceرواية تحدى بين صعيدى وحضرية بنت دلوعه تفتكروا هيحصل بينهم اية 😉😉😉 طب ما بدل ما نرغى كده ما نيجى نشوفها
