حضريه بالصعيد
الحلقه 38
ماجد:ايوه يارمزي باشا ماجد مع حضرتك
رمزي :اهلا ماجد بيه خير
ماجد:كنت قلتلك عاوز اقابلك ف موضوع مهم
رمزي :تمام
ماجد:ياريت لو فاضي نتقابل مش هينفع ف التليفون
رمزي :خلاص اوك ف الكافيتريا اللي علي ناصيه الشركه خمس دقايق وجاي
وفعلا تقابل رمزي وماجد
رمزي :خير
ماجد:شوف من الاخر مصلحتنا واحده
سمعت انك عاوز تطير عابد من الشركه وانا كمان
ولما اتجوز كاري هسيبلك الحنفيه مش تنقط بس مفتوحه ع الاخر
ايه رايك ف الكلام
رمزي :ودا ازاي بقي وهو واكل دماغها وبتحبه ومش شايفه غيره
ماجد:دي سيبها عليا بس المهم تساعدني ف الوقت المناسب لما احتاجك مش تقف ف وشي
رمزي :تمام وانا معاك وف ظهرك
بس لو لعبت معايا هقلب الترابيزه عليك وع اللي جابوك
ماجد:وانا اقدر بردو داانت حبيبي ويقهقه
...............
عابد :عاوزك تعملي خاتم سوليتير محفور عليه اسم كارمن
الجواهرجي :حاضر عابد بيه بكره بالكتير تستلمه
عابد:بس عاوز حاجه فخمه وشيك علي ذوقك
الجواهرجي :اؤمرني عابد بيه
هعملك حاجه ماحصلتش
ورجع الفيلا
يقبل ولده الذي بدا ينادي بابابابا
فياخذه يرفعه لاعلي ويلقفه بيده
وكاري تشاهدهم بابتسامه
كاري :انا زعلانه شوفت بيقول بابا
ومش بيقولي مامي مع ان انت مش بتشوفه كتير زيي وبتيجي فتره بسيطه وانا اللي بقعد معاه كتير
عابد ينظر لها بابتسامه تغيظها اكثر
غيرانه اياك
طبعا مش ابوه
كاري :طب مانا الماماتو بتاعه
المهم عملت ايه مع رمزي
عابد :رفضت طبعا الصفقه
كاري بدلع مش هتقولي بقي ع المفاجاه
عابد :ابعينك بكره هتعرفي كل شيء
كاري:اخس عليك يابودي كده انا زعلانه
عابد:طب عشان خاطر بودي دي ماهجولكيش واصل
فتضربه في صدره
وتعطي له ظهرها وتعقد ذراعها
خلاص انا مش عاوزه اعرف
فيترك ابنه في مقعده
ويلفها له لو صبر الجاتل ع المجتول كان مات لوحده
كاري :يعني ايه ده بقي هتقتلني دي مفاجاتك ليا
فيقهقه ويضرب كف علي كف
انتي ماحداكيش مخ واصل
اجتلك كيف يعني وانتي ام ولدي ثم يقبلها وبعدها
لسه مافهمتيش
تحرك راسها بالنفي
عابد بابتسامه ساحره خلاص خليكي اكده علي نارك لبكره ماهحرجش المفاجأه عشان انتي غبيه
فتضربه بقي انا غبيه وتاخذ طفلها بزعل لتطلع
فيجذبها من يدها ويقول بكره
فتتركه وتطلع
وهو يتبعها بنظراته فهو لم يعد يحتمل بعدها عنه
ويحدث نفسه كلها بكره وتبجي مرتي بحق بس المره دي بمزاجي اني مش بمزاج حد واصل
وف اليوم التالي
ذهبو للعمل وكل ذهب لمكتبه
واتصل عابد بالجواهرجي ليرسل له الخاتم علي الشركه في مكتبه وفعلا فعل الجواهرجي ذلك
اما ماجد فذهب الي كاري بمكتبها
ماجد:كاري حبيتي وحشتيني ويريد احتضانها وتقبيلها فتبعده
اما منال فتذهب لعابد بعد ان قال لها رمزي ان تدخل لعابد وتقول
كاري هانم عوزاك بمكتبها
عابد :حاضر هروحلها حالا
اما عند كاري فتبعد ماجد عنها
لو سمحت ياماجد اللي بينا انتهي
ماجد :مش ممكن انتي بتحبيني انا نسيتي اللي بينا وابوكي اللي فرقنا عن بعض
كاري :دا ماكانش حب دا كان وهم
فيجذبها له لا ماتنكريش انه حب ويحاول تقبيلها ويدخل عابد ويجدهما في هذا الوضع
عابد :عمر الشمال مايبقي يمين
واني اللي فكرتك اتغيرتي ويرمي العلبه بمافيها في وجهها ويخرج مسرعا
لتنادي عليه عابد انت فاهم غلط فيجذبها ماجد
كويس انه غار من نفسه
انا اللي باقيلك
فتبعده وتضربه بالقلم
انت اقذر انسان شوفته ف حياتي
دمرت حياتي من اول ماشوفتك
انت عمرك ماتعرف الحب ولا تعرف يعني ايه راجل يصون شرف البنت اللي بيحبها مش يدوس عليه بجزمته
لا ويصورها معاه عشان يبتز والدها
انت احقر واحد شوفته ف حياتي ولا تنتمي للرجوله بصله
انا عرفت الحب علي ايد عابد اللي كنت مراته وماقربليش الا لما احتاجني لاسباب واللي طلقني ولا همه فلوسي
واللي بيحافظ علي فلوسي من غير اي غرض واللي خايف علي ابنه ياكل حرام حتي لو هياخده ف الفقر ويسيب ده كله
انت بقي تفهم حاجه عن ده كله طبعا لا لانك عمرك مااتربيت علي انك تكون راجل
ودلوقت اطلع بره وماشوفش وشك ف الشركه هنا تاني ولا اي حته اكون فيها والا هطلبلك البوليس
وخرج ماجد ونزلت هي علي الارض تفتح العلبه لتجد الخاتم وكارت فيه تقبلي تتجوزيني
فبكت وحاولت الاتصال به ولا يرد
اما عابد فخرح من عندها يجول بسيارته دون هدف لا يعرف الي اين يذهب فقد صدم صدمه عمره
وترجل من السياره ليسير ف الطرقات حتي وجد قهوه فجلس عليها
أنت تقرأ
حضرية بالصعيد بقلم فيرى
Romanceرواية تحدى بين صعيدى وحضرية بنت دلوعه تفتكروا هيحصل بينهم اية 😉😉😉 طب ما بدل ما نرغى كده ما نيجى نشوفها
