حضرية بالصعيد بقلم فيرى

بارت 34

حضريه بالصعيد
الحلقه 34
كاري بخضه وفزع من صوته العالي  وطريقته
خلاص انا ماشيه واخذت طفلها واعينها دامعه وتحدث نفسها دا اكيد مجنون
انا اللي غلطانه اني اتساهلت معاه هيشوف مني وش تاني بعد كده
واللي بينا شغل وبس والولد بوكيمون ولا كومان بتاعته دي
هو مفكرنفسه ايه يعني عشان يعمل فيا كده طب الاول كان جوزي وبسكتله لكن دلوقت  مش هسمحله يشخط فيا كده ويهني تاني
ووضعت طفلها في فراشه
وقررت ان تذهب له تعنفه عما بدر منه
وذهبت بكامل طاقه شحنها
ودخلت عليه بقوه فتحت الباب كان ارتدي بنطال الترنج ولم يرتدي التيشيرت بعد
كاري :انت ازاي تكلمني بالاسلوب ده انت نسيت نفسك ولا مفكر نفسك لسه جوزي وهتتحكم فيا
فجري عليها ليمسك يديها ويلصقها بالحاءط
انتي عاوزه مني ايه
مش جلت ماتاجيش اهنه تاني
ماعتفهميش الكلام عاد
جايه ليه اني جلت ماتهوبيش النواحي دي تاني
كاري بتلعثم انا انا كنت جايه عشان اقولك تصحي بدري عشان ورانا شغل  فتركها واعطاها ظهره خلاص خلصتي اللي عندك
كاري :اااه
عابد :يلا غوري ولما تعوزي تبلغيني حاجه ابعتي ام محمد او سهير
كاري ووضعت يدها في وسطها ياسلام  ابعتلك سهير
ماشي ياعابد وتركته وذهبت
وهو يضرب كف علي كف
بنت المجانين دي اللي هتجنني وياها
اني عارف ماهتجبهاش البر بنت وجدي دي اني خابرها زين
بس علي مين اما ربيتك من اول وجديد يابت وجدي مابجاش اني عابد
اما هي فذهبت حجرتها تجوبها ايابا وذهابا ومغتاظه ماشي ياعابد انا تعمل فيا كده قال ويقولي ابعتيلي سهير  طب انا هطردلك سهير دي
قال ابعتيلي سهير وبيقولها ف وشي
ماشي ياعابد  اما وريتك واخذت بعض الاشياء تلقيها ف الارض من غيظها
وف الصباح
استيقظت كاري وارضعت صغيرها واعتطه  للمربيه لتراعيه فتره غيابها
وارتدت ملابسها  وتعمدت ارتداء ملابس ضيقه لتستفزه  وهي تقول
اما اشوف انا ولا انت ياسي السيد
مفكرني امينه اللي ف الحراملك بتاعه
اما هو ارتدي ملابسه ومر عليها  ف الفيلا ليعرف خط السير
وعندما دخل الفيلا كانت تنزل من السلم  فطوي الخطوات مسرعا لها وقذفها للحاءط المجاور وهو ممسك بها والشرر يتطاير من عينيه
انتي ايه اللي نزلك اكده مش جيبنا لبس جديد وجلنا بلاش القصير الضيق ده عاوزه ايه بالظبط ياكاري اصور جتيل اياك
كاري  :وهي ترتجف وانت مالك بتتحكم فيا ليه  انا خلاص مش مراتك وانت طلقتني عاوزني اسمع كلامك ليه
عابد :اني مايلزمنيش حديتك الماسخ ده امشي اطلعي غيري هدومك بصوت ارعبها وكاد يهدم الفيلا عليهم
كاري بخوف :حاضر حاضر وهي ترتجف وطلعت جري ترتدي جيب طويل نوعا ما وبوت قصير تحته والجاكت والطرحه 
وهي تحدث نفسها
ايوه انا جبانه وبترعب منه ومش بقدر اكح معاه طب اعمل ايه بس
وهو بيتعمد يعمل فيا كده
فنادي عليها احنا مش هنخلص انهارده ولا ايه فجريت
خلاص خلاص انا جاهزه فنظر لها
ماله كده الحشمه حلوه برديك
كاري :بلا ديك بلا برديك
يلا عشان اتاخرنا
عابد :وهو اني اللي اخرتك  اني جاهز من بدري
كاري :وانا كنت جاهزه انت  اللي بتستهبل
فيجذبها من يدها :اني اللي بستهبل ولا انتي الي مش محترمه الراجل اللي ماشبه جاره وابو ابنك
احنا مش اتفقنا واشترينا الخلجات اميارح لزمته ايه اللي عملتيه
كاري :انت السبب
وع العموم خلاص يلا اركب عربيتك وانا عربيتي
عابد:وليه يعني
كاري ؛ اهو كده عشان لو انا رجعت بدري عشان الولد يبقي معايا عربيتي وانت هتتاخر  تلاقي عربيتك
عابد: ماشي اما نشوف اخرتها
وذهبو الي الشركه
واستدعت كاري رمزي
كاري :عابد بيه هيبقي رئيس مجلس اداره الشركه بالانايه  يعني نائب رئيس مجلس الاداره
عشان ممكن مابقاش متواجده كتير عشان ابني اهملته اوي الفتره اللي فاتت وعاوزه اتفرغله شويه وبردو بتابع هنا معاكو بس عشان ف حاله عدم وجودي الشغل مايتعطلش
ياريت تجمع الموظفين عشان نبلغهم بان عابد بيه بقي نائب رئيس مجلس الاداره الجديد وكلامه واجب التفيذ
رمزي :حاضر ياهانم اوامرك
كاري :عوزاك زي مافهمتني كل صغيره وكبيره ف الشركه  تفهمه
رمزي :حاضر
وجمع رمزي الموظفين وعرفهم بعابد وسلطته الجديده