حضريه بالصعيد
الحلقه 10
اخذها عابد الي الديسكو بعد ذلك كعادتها لتقابل اصدقاءها
ماجد:ماتيلا بينا علي شقتنا
كاري:واللي بره ده لو شافنا هيقول ل دادي
ماجد:طب اطلعي من ورا وانا هجيب العربيه ونمشي من ورا
كاري :اوك
وكالعاده يستمتعون معا
واحس عابد ان النهار بدأ يشرق
عابد :اتأخرت المدعوجه دي جوه اكده ليه
وذهب ليجد اتنين من البودي جارد واقفين
ويمنعانه من الدخول
عابد:اني عاوز كاري هانم من جوه
البودي جارد :ماحدش جوه مشيت
عابد :كيف يعني مشيت
البودي جارد :تلاقيها مشيت من الباب الخلفي ياقرطاس
عابد:هو في باب خلفي
يابنت ال ....
ولف للباب الخلفي وجدها قادمه في سياره ماجد وعندما وجدته
كاري :انت بتعمل ايه هنا
عابد :بعمل ايه هنا يافاجره وناولها كف
كاري :انت ازاي تعمل كده ياحيوان وجاء ماجد ليناوله عابد بقبضته فيطرحه ارضا وممسك يد كاري ويجرها
فقام ماجد مره اخري يسحبه من ياقته الخلفيه
ليناوله عابد لكمه اخري توقعه علي السياره ويذهب بكاري يدخلها السياره بعنف ويذهب لابيها يوقظه من النوم ويحدفها عليه
خد بتك ماشيه مشي بطال
جايبها ع الصبح من عربيه واد لون اكده
كاري :شوفت يادادي المتخلف ده ضربني ازاي
كنت انا وصديقي بنتمشي بالعربيه شويه
وجدي معلش حبيبتي روحي انتي اوضتك
وجدي:انت ازاي تمد ايدك علي بنتي
عابد:دا اني مارضيتش اتاويها جلت اجبهالك تغسل عارك بيدك
ايه ده اني بدات اشك انها مش بتك عاد
وجدي:يابني انا ليا سمعتي ومش عاوز اي شوشره ف السوق امال انا جايبك ليه لو في اي شيء تاخد بالك وتنبهني من وراها
عابد:يعني ابجي كيف القرطاس
وجدي :شوف اللي بقولك عليه تنفذه ومش عاوز تهور
حاول ماتعملش فيك كده تاني وتقرطسك
وتصحصح انا بعتك ماتنامش تفضل مراقب مداخل المكان ولو تقدر تعرف مين الواد ده لو اتكرر الموضوع تقولي
عابد:اني مالي اذا كان رب البيت بالدف ضارب فشيمه اهل بيته الرقص
وجدي :انت بتبرطم تقول ايه
عابد :مابجولش الله
راجل ديوس مافيش ف عروجه نقطه دم
وجدي :ولا امشي من هنا خليني انام
عابد :ده الي ربنا قدرك عليه
وجدي :امشي ياد يابن ال... من هنا
عابد:اباااي ماشي اهو
جاك داء المايه لما تدقر تحت منك
وجدي :والله اقوملك
فمشي عابد وهو متضايق من عمايل كاري
وعدم حزم ابوها معها
وفي غرفه كاري
ماجد:حصلك حاجه حبيبتي
كاري :لا حبيبي اتطمن انا وراه لحد اما دادي يطرده الغبي ده ازاي يتجرأ يعمل معانا كده اما وريته
ماجد:ماتزعليش نفسك ده كلب ولا يسوي
بس كده بقي انتي بدل مانلف اللفه دي نتقابل ف شقتنا علي طول وقوليله راحه لصحبتي
كاري :اوك حبيبي باي
وف اليوم التالي
عابد :علي فين العزم ان شاء الله
كاري :راحه لصحبتي عندك مانع
عابد :وفين المدعوجه دي كومان
فاعتطه عنوان الشقه
وذهبت وبعدها نزلت وماجد يوصلها
عابد:بردك الواد ده بقي ده صحبتك
كاري :دا اخو صحبتي وبيوصلني لتحت عشان الوقت اتاخر
وعندما عاد اخبر والدها بذلك
وجدي :انا مش عاوز غيرك يعرف بالموضوع ده عشان كده لو اتكرر تاني وراحت هناك ادي للبواب قرشين
وهات منه المعلومات دي
الشقه بتاعه مين واتحجج اي حجه واطلع هاتهاوتجبها من غير شوشره
لو اتاكدت انها شقه ماجد ده مش صحبتها مش قالتلك اسمه كده بردو واعرفلي اسمه ماجد ايه
عابد:ياقلبك لسه هتستني لما تروح تاني و...
وجدي: وبعدين معاك نفذ وانت ساكت
عابد :خلاص خلاص واني مال امي هي بتي ولا بتك
وتاني مره نفذ عابد ماقاله وجدي بالحرف
ذهب خلفها للبواب
مش الهانم بردو طالعه عند ماجد بيه
البواب :اه دي شقه ماجد بيه ماجرها وبتجيله الهانم دايما
عابد :ايوه ماني عارف ماهو اني سواج الهانم ونسيت موبايلها
وعاوز اعرف رقم الشقه عشان بيرن وفالجني
البواب :الدور الرابع شقه 6
عابد :شكرا يابلدينا واعطاه النقود
وطلع وجدها بقميص النوم
عابد :فاجره وضرب ماجد بوكسين
وحملها للسياره
............
وجدي :ازيك يابلبله عاش من شافك مره وتقطعي كده والله قطعتي بيا
عاوزك
عبله:خلاص ياباشا خالتي وخالتك واتفرقت الخالات انسي ياوجدي
وجدي :طب شوفي الفيديو الي بعتهولك ده
فشاهدته مصورها معه ولكن يخفي نفسه وهي الظاهره ف الفيديو
عبله:قذر
لا شوف انت الانأح بقي وارسلت فيديو لابنته في احضان ماجد
وجدي :اه ياواطيه اما شيلتك انتي واخوكي من علي وش الارض مابقاش انا
عبله:ليه بس دا عاوز يجوزها وغرضه شريف
وجدي :وحياه.....
عاوزين تكوشو ع الشركه دا بعيد عن شنبكوعلي جثتي دا انا اجوزها لزبال ف الشارع ولا اجوزهاش لاخوكي
الاصول كلها تجيلي بتاعه الفيديوهات والا انتي ف ايدي ولكي سمعتك طبعا فهماني سلم واستلم
ووجد عابد يدخل يحملها بقميص النوم
كاري :دادي
فناولها كف كادت تقع
انا الي غلطان اني سيبتلك الحبل تعملي فيا كده
عابد :اشهد ان لا اله الا الله
اخيرا اتحركت وحسيت انها بتك
دااني جلت جايبها من ملجأ ياراجل.
أنت تقرأ
حضرية بالصعيد بقلم فيرى
Romanceرواية تحدى بين صعيدى وحضرية بنت دلوعه تفتكروا هيحصل بينهم اية 😉😉😉 طب ما بدل ما نرغى كده ما نيجى نشوفها
