حضرية بالصعيد بقلم فيرى

بارت 28

حضريه بالصعيد
الحلقه28
جاء رمزي فورا وجاءت خلفه سياره الاسعاف وحملت الاثنين وكانت حاله وجدي حرجه للغايه
فذهبو بهما للمشفي
ودخل  وجدي الانعاش اشتباه ف جلطه او ذبحه وعملو له الاشعات والتحاليل اللازمه
ولكنهم لم يستطيعو انقاذه فهو لم يتحمل ان يري ابنته هكذا والذبحه كانت شديده
اما كاري في حجرتها حاولو افاقتها
لتصرخ ابني عاوزه ابني
الممرضه هي والده
الداده :اه يابنتي وجوزها خد ابنها منها وياكبدي ماستحملتش واغمي عليها وجبناها هنا
الممرضه هو مافيش قلب للدرجه دي يحرم ام من ضناها
رأفت الممرضه بحالها وهي تراها كطفله صغيره فهي ف ال22 من عمرها وشكلها يبدو اصغر
وكانت كاري تتألم
الممرضه :خير حاسه بايه يابنتي
كاري :صدري تاعبني اوي فنظرت الممرضه واتخضت من منظر ثديها فهو مليء بالحليب ولا تجد ابنها ليرضعه فتحجر بثديها
الممرضه :ازاي ساكته كده دا ممكن يعملك حمي ولا اي شيء وفي خطوره عليكي
هجيب الدكتور يكتبلك علي حبوب تنشفه طالما مافيش عيل يرضع
فامسكت كاري يدها بقوه لااااااا
مش عوزاه ينشف انا هرضع ابني
الممرضه :يابنتي دا خطر عليكي 
طب بصي في جهاز شفط للحليب هجبهولك ونشفط اللبن ده بدل مايتعبك وهاتيلك واحد عندك كل ماتتعبي اشفطيه لحد ماربنا يعترك ف ابنك او عصريه لو مالقتيش الجهاز
الداده:ربنا يجازيكي خير ياختي
الممرضه :دي زي بنتي ومن دورهم
وذهبت احضرت الجهاز وقامو بشفط اللبن فارتاحت وفك صدرها من هذا التجمد والتحجر الذي ألم به

كاري بعد ان استفاقت  وارتاحت ووعت لمن حولها جيدا
فين دادي يا داده انا زعلته وعارفه انه كان عاوز يساعدني عاوزه اتأسفله
فدمعت عيون الداده ولا تقوي علي اخبارها
كاري :في ايه يا داده
بقولك دادي فين
الداده :طوله العمر ليكي ياحبيبتي
كاري :يعني ايه ده مش فاهمه
هو زعلان مني ومش عاوز يجي يشوفني صح
الداده :لا يابنتي هو ف مكان احسن مني ومنك ادعيله بالرحمه والمغفره
فانهارت مره اخري في هيستيريه بكاء حتي اغمي عليها
وفي هذه الاثناء قام رمزي بالاجراءات وتصريح الدفن واقام.سرادق فخم للعزاء
وفي هذه الاثناء وصل الخبر البلد حيث كعاده البلاد الريفيه والصعيد تنشر الجوامع النعي ف الميكروفونات حتي يقوم اقارب اقاربه واهل البلد  بواجب العزاء

ابو طاهر:اهو مات اهو ياطاهر
هتاخد تارك من مين عاد من ولدك
عابد :كيف يعني يابوي اخده من ولدي
ابوطاهر:ماهو مات وماحداهوش غير مرتك وهو جد ولدك والتار بيتورث
عابد:انت واعي للي بتجوله يابوي
ابوه :اعملك ايه عاد حرمت الام من ولدها  وحرجت جلبها عليه وابوها اهااا اللي كان تارك حداه مات وشبع موت هتعمل ايه تاني ياولد عبد الواحد
اني ماخابرش اتجوزتها ليه وطلجتها ليه وابوها يجتلك ليه
عابد :عشان كان عاوز يطلجها مني واني مارضيش
كيف يموت جبل مااخد تاري منيه كيف
واقول لسماح ايه دلوقيت لما اجابلها
اجولها هملت تارك وبجيت كيف الحريم

ابو طاهر :انت هتكفر ياولدي استغفر ربك
ربنا يهديك ياولدي ويكفيك شر نفسك
.......
اما عند كاري استفاقت وكان رمزي قام باللازم
فقامت واستدعته
كاري :خلي المحامي يقوم بالاجراءات اللازمه فورا ويرفعلي قضيه عشان اضم ابني
رمزي :انا فعلا قلتله يعمل اعلام وراثه بس مالوش لزوم والدك كاتب كل شيء باسمك بيع وشرا  عشان عامل حساب اليوم ده وماحدش يشاركك من الاقارب
فادمعت عينيها ولكنها استعادت رباطه جأشاها تمام كده كويس اوي
وانت زي مانت وزي ما دادي كان بيثق فيك انا كمان هثق فيك وياريت تكون اد ثقتي
رمزي :انتي تؤمريني ياهانم وزي ماكنت مع الباشا انا معاكي وتحت امرك
كاري :انا مسافره البلد  ف القصر بتاعنا اللي هناك عشان ابقي جمب ابني
واي حاجه او امضاء عاوزه تعالالي البلد الفتره دي بس معلش هتعبك ولما اخد ابني  هنرجع تاني واخد بالي من الشغل معاك بس استحملني الفتره دي وهعملك توكيل للمحامي ف اي قضيه تخصني  عشان مايحتجنيش
يلا بينا اتصل بالمحامي نعمله التوكيل وافهمه علي كل شيء عشان عاوزه اوصل بليل البلد
وفعلا قامت بجميع الاجراءات وفهمتهم كل مايفعلوه ومايقومون به
وذهبت مع الداده للقصر ف الصعيد
وتركت رمزي يحدث المحامي
طلعت بنت ابوها صحيح
المحامي :امال بتقول بت مش ف دماغها وهتضيع شقي ابوها
دي اكتر من ابوها والله كنت قاعد ادامها كأن وجدي اللي بيكلمني
رمزي:كويس انا كنت خايف شقي الراجل اللي بناه من سنين يضيع
بس طالما كده لازم نقف جمبها حق العشره مع الراجل اللي لحم.كتافنا من خيره
المحامي :اكيد طبعا
رمزي :واستعجل ف موضوع ابنها
المحامي :انا هعمله بس انت عارف المحاكم يومها بسنه هحاول استعجل الامور وربنا يقدرنا.