حضريه بالصعيد
الحلقه 35
اجتمع عابد بالموظفين تعرف علي سير العمل ووظيفه كل فرد وتمني ان يكون الجميع همه مصلحه الشركه فقط واخذه رمزي ليفهمه كل كبيره وصغيره ف الشركه والصفقات التي تتم وفعلا بدا عابد الاندماج ف العمل وفهمه ويوميا يرجع علي الفيلا ليري ولده ويداعيه ويذهب لحجرته لينام بعد ارهاق العمل
وبعد فتره
اتصل بوالده
عابد:كيفك يابوي واحوالكو ايه
ابوه:الحمد لله ياولدي
عابد :وامي كيفها اتوحشتكو جوي يابوي
بس والله زي التور ف الساقيه من صباحه ربنا لحد المسا ارجع جتيل ابجي رايد احضن السرير
ابوه:ربنا يوفقك ياولدي
وولدك زين
عابد :اه بخير الحمد لله
وخواتي كيفهم
ابوه :محمد اخوك شبط ف توكتوك جيباه بالقسط وشغال عليه ولما بنحتاجه ف الارض بياجي لما بنضم
والباجي كلياتهم بخير وبيسلمو عليك ياولدي
عابد:سلم عليهم كتير لحد اما الاجي وجت واحاول اجي
.........
ف البلد
فدوي :اني راحه الشغل ياامه رايده حاجه
امها :لا يانضري بالسلامه وخدي بالك من نفسك
وذهبت فدوي لتركب التوكتوك كعادتها محمد:علي فين يا انسه
فدوي :ع الوحده الصحيه
محمد:الف سلامه
فدوي :اني مش عيانه اني بشتغل ممرضه هناك
محمد:معلهش فكرتك بعافيه
واثناء سيرهم استوقفهم شابين وركبو
وطلع واحد مطواه
انزلي يابت معانا هنا
فدوي :مش هنزل
محمد :في ايه ياكابتن اعتبرها اختك يااخي
الشاب :خليك ف حالك يلا
فنزل محمد هو مين ده اللي ولا ياد منك ليه واخذ يضرب فيهم ويضربو فيه حتي غزه احدهم بالمطواه وعندما رأوه غارق بدمه جري الشابان مسرعين
فدوي :يانهار اسود يانهار اسود قوم يااخينا
واخذت تصوت لينجدها احد فاتلم بعض الناس وحملوه للوحده
الدكتور :دا محمد بن الحاج عبد الواحد والوحده هنا امكانياتها ضعيفه انا هحاول بس اطمن ابوه واخواته
واتصل بالحاج واخبره عما حدث لولده
فاسرع ابوه و اخوه الي الوحده
فدوي :انا هجري اجيب خيط من الصيدليه وشاش وقطن لحسن مافيش هنا وفعلا اتت بالاشياء كان ابوه وطاهر وصلو
فدوي :اهو يادكتور وانا معاك دي نباتشيتي
ابوه :متشكر يابنتي وشوفي حسابهم وهدفعه
فدوي خير ابنك سابق ياحاج بس يقوم بالسلامه
والحاج لايفهم ماذا حدث
ولكنه تركهم لينقذو ابنه وبعدها يستفسر ماذا حدث
وبعدها خرج الطبيب
وطمانه انه بخير والاصابه سطحيه ولكنه اخذ بعض الغرز لايقاف الدم
ابوه :ايه اللي حصل فاخذته فدوي علي جانب وقصت له ماحدث
ابوه:راجل من يومك ياولدي ربنا يحميك
وانتي كتر خيرك يابتي انك ماخفتيش وجريتي وهملتيه لحاله كان دمه اتصفي
فدوي :بعد اللي عمله عشاني ياحاج واسيبه واجري
يعني اقابل معروفه بالاساءه
ابوه :ربنا يحفظك يابتي
واستيقظ محمد فوجدهم بجواره
محمد :في ايه
هو حوصل ايه
فدوي :انا معرفاش اشكرك كيف كنت جدع وراجل وياي جوي واسفه اني اتسببتلك ف اللي حوصل
محمد:ولا يهمك واسمك ايه بجي
فدوي :فدوي
محمد:فداكي يافدوي
يلا بينا يابوي اني مابحبش الرجده وجاعده المستشفيات
ابوه :بس ياولدي
الدكتور :ماتخافش عليه ماهو كيف القرد اهااا بس ماتجلش علي نفسك عشان الغرز ماتفكش وماتتشاقاش فاهمني
ابوه:ماعارفش اشكرك كيف ياضاكتور
الدكتور:ابااي واحنا ف ديك الساعه لما نخدمو الحاج عبد الواحد
ابوه:تشكر ياولدي يعني ناخدوه ويانا
وفعلا اخذوه معهم ونام ليلته بالمسكن وف اليوم التالي ارتدي ملابسه وخرج لهم
ابوه :علي فين ياولدي
محمد :ع التوكتوك
ابوه:اباي ارتاح هبابه دي غرز تفك
محمد :اني بخير
سيبها علي الله يابو طاهر
وخرج يسترزق
وتوقف مكانه ليجد فدوي قادمه
فدوي :اباي يامحمد كيف تجوم تشتغل ولسه الجرح
محمد:يعني رايده حد غيري يوصلك عاد
فدوي :بس صحتك اكده فيه خطوره عليك
محمد :خايفه عليا
فدوي :مش ضحيت بنفسك وكنت هتموت عشاني
محمد:طب يلا عشان اوصلك
وفعلا اوصلها ويوميا هكذا حتي جاء يوم وتوقف في مكان
فدوي :وااه ابتقف اهنه ليه يامحمد
محمد:انزلي يابت عاوزك
فدوي بريبه عاوز ايه مني عاد
محمد:اباي بلاش المخ الشمال ده ويخبط مخها
عاوزك ف كلمتين
فدوي :يعني ماحبكش الا اهنه
محمد:هي حبكت معايا بجي
فدوي :طب جول وخلصني
محمد:خلصت روحك الهي يسد نفسك يابعيده
فدوي :ابااي افرض حد شافنا يجول عليا ايه
محمد :مين هيشوفنا ف الحته المجطوعه دي
شوفي بجي اني مابقتش جادر استحمل اكتر من اكده اني رايد اتجوزك
فدوي :طب ماني عارفه لازمته ايه الحته المجطوعه وجو الرعب ده
محمد:الهي يبتليكي بمصيبه ياشيخه لما انتي عارفه امال مصدرالي الطارشه والوش الخشب ده ليه
فدوي :اباي واني اللي هاجي اتجدملك ماني مستنياك تنطج يابجم
وعامل زي اللي واكل سد الحنك ولا راضي تتجدم
محمد:اه يابهيمه واني اللي مفكرك مؤدبه
فدوي :انت هتغلط عاد والله ادفنك اهنه
محمد:هو مين الراجل فينا ياام مخ تخين دااني اتاويكي اهنه مايبانش لكي صاحب بت مخها خرفان صحيح
فدوي :طب هم وصلني هتيجي ميته لامي
محمد؛ ماجاييش صديتي نفسي جاتك الغم
فدوي :بجي اكده ماشي يامحمد اني ماشيه وماعاوزكش توصلني
فجري خلفها تعالي يابت
استني يامجنونه ياام مخ تعبان
جاي يابت اني بهزر امعاكي جاك.خابط
فدوي :واني مش موافقه
أنت تقرأ
حضرية بالصعيد بقلم فيرى
Romanceرواية تحدى بين صعيدى وحضرية بنت دلوعه تفتكروا هيحصل بينهم اية 😉😉😉 طب ما بدل ما نرغى كده ما نيجى نشوفها
