حضريه بالصعيد
الحلقه5
تبعد سمر يده عن فمها
انت مين عاد
انت حرامي اني ماحلتيش حاجه
عابد:ايه حرامي جاي يستحمي عشان يسرق علي نظافه بياكلوكي ايه جواليص جله
سمر:اباي امال انت مين عاد ودخلت اهنه كيف
وجاء الناس علي صرخاتها الاولي
والجميع في ايه
سمر :ماخبراش اني خدت الشقه دي شهر من ياسر ومضيت عقدها اهو ودفعت الفلوس وجيت افتح لقيت ده طالع من الحمام
الجميع وانت مين يااخينا
عابد:واني كومان مضيت عقدها اهو ودفعت لفلوس
الجميع :عملها ياسر الكلب تاني
عادته ولا هيشتريها
كل مايتزنق ياجر شقته لكام واحد ويطقشو ف بعض بس النوبه دي راجل وست
واحنا مانقبلش بالحال ده
حد منكو يستغني عنها ويستعوض فلوسه
عابد:اكيد مش اني
احدهم:يابلديتنا انت الراجل هتروح هي فين
عابد:اني مايخصنيش ده كلياته يعني اروح فين اني اخر فلوس معايا اديتها لسي زفت والله لو معايا مليم كنت هملتهالها
لكن اعمل ايه اني عاد وف بلد غريبه
سمر وتبكي :يعني اعمل ايه عاد اني
واني كمان ماحلتيش حاجه اني جلت اجي الشهر ده جمب المستشفي وادور علي شقه ايجارها زين واعاود اجيب امي وعفشنا
لكن اروح فين حالا اني مش منقوله من اهنه
عابد:بصي يابنت الحلال
انتي شغلك ميتي
سمر :من الصبح لبليل ف المستشفي
عابد :حلو جوي وانا شغلي من بليل للصبح
يعني سلم واستلم
هو انهارده اللي اجازه ومن بكره انتي بتعاودي واني بمشي لحد ماربنا يسهلها من عنديه وده اخري
وخشي اوضتك سكري علي نفسك واني كمان الليله دي ومن بكره نعملها
نباتشيات كل واحد يستلمها من التاني
فنظر الناس لبعض
بس ماينفعش الحال ده
عابد:خلاص لمو من بعضيكو الفلوس بتاعتي وهاتوها واني ااجر بره
الناس :منين حد حيلته حاجه
عابد :خلاص اللي عنديه كلمه يلمها واني مامنقولش من اهنه
همي يابت علي اوضتك وسكري عليكي والصباح رباح
واخرج الجميع من البيت واغلق الباب
فجرت علي حجرتها
وذهب لحجرته
عابد:يابوي ايه اليوم الطويل اللي ماباينلوش ملامح ده
اكده يامصر
ده استجبالك ليا
واحده جالعه من غير هدوم وكان ناجص تطردني من بيتهم
ونصاب ولا البلوه اللي جوه دي كمان
ايه الليله السوده دي
دا اني كنت ملك ف بلدنا ولا حد يتامر عليا زي البت الفاجره دي اللي اسمها كاري
لا وهبجي السواج بتاعها كمان ووشي ف وشها طول اليوم
ربنا يستر وماجتلهاش ف مره
ثم نام ونامت سمر خائفة واضعه كرسي خلف الباب وتغلق بالمفتاح
واستيقظت مبكرا لتذهب لعملها ونزلت
كان عابد استيقظ ولبس ملابسه ليذهب يتعلم من عم محمد السواقه ويختبره قبل تسليمه مهمته
فوجد فايز يستوقف سمر ويجذبها من يدها يعني احنا مانشبهش اللطخ الي فوق معاكي
قضيتو سهره لطيفه طبعا
فوجد يد عابد تمسك يده وتحرر يد سمر منه
عايد :اللطخ نام كيف الجتيل
وجايم نفسه مفتوحه يصور جتيل
البت دي الي ماعرفش اسمها حتي
ارجل من عشره كيفك
ودي كيف اختي اللي هيمس طرفها اني اللي هتصدرله عاد
ماشي ياحيلتها ولا اجول كمان واوقعلك صف سنانك اللولي دول
اللي سوسو من كتر الحشيش والجرف اللي بتشربه
ويجهز قبضته ليلكمه
فايز :لا خلاص خلاص
انا اسف ياانسه ماعدتش تتكرر
سمر :اني متشكره جوي جوي ياخوي
اني مافيش حدايا خوان لكن من انهارده انت خوي صوح
عابد:يلا ياخيتي روحي طريقك ربنا يسترها علي ولايانا
وانطلق هو الي الفيلا وهي الي عملها.
أنت تقرأ
حضرية بالصعيد بقلم فيرى
Roman d'amourرواية تحدى بين صعيدى وحضرية بنت دلوعه تفتكروا هيحصل بينهم اية 😉😉😉 طب ما بدل ما نرغى كده ما نيجى نشوفها
