حضريه بالصعيد
الحلقه 8
واثناء سيرهم بالطريق انفجر اطار السياره
فاتخضت كارمن
في ايه
عابد:شكل الكوتش ضرب الي الناحيه التانيه ماهو يوم اغبر من اوله
اصلها اقدام ياخال
كارمن :انت بتبرطم تقول ايه قوم فز صلحه
عابد :اباي مااني جايم اهو
وذهب لشنطه العربيه احضر الكوريك والاستبن والشنطه الخاصه بالمفكات
وذهب لحيث يوجد الاطار ليفكه
واثناء ذلك يلتفت وجد سيقان عاريه بجانبه
اللهم اخزيك ياشيطان
انتي ايه اللي نزلك ووقفك اهنه
كارمن بتفرج ايه
عابد:امشي خشي جوه خلينا نخلصو ف سنتك ونعاود
كارمن :مش داخله انا
انت مالك اصلا
عابد :خلاص روحي الناحيه التانيه ماتخيلنيش خليني اخلص
كارمن :متخلف ووقفت الجهه الاخري مستنده علي السياره
وجاءت سياره اخري قادمه بها ثلاث شباب فوقفو بجانبها ونزلو يجذبوها لسيارتهم
وهي تصوت الحقني ياعابد
كان عابد اوشك علي الانتهاء فعندما استمع لصرخاتها جذب الكوريك من تحت السياره واتجه اليهم فاتاه احدهم والاخران يجذبانها
فحاول الشاب ان يضربه ولكن عابد نزل الي اسفل وضرب ساقه بالكوريك فكسرها ووقع الشاب ارضا واتجه الي الاخر ضربه وطرحه ارضا فعندها شاهدالثالث هذا تركها وجري وترك السياره
عابد نظر لها
همي خشي جوه جيبتلنا وجع الراس
مش جلتلك تقعدي جوه
فدخلت ودخل واغلق الباب بقوه
وعندما شاهده الشاب الثالث يمشي اتجه لاصحابه لياخذهم للسياره ويذهب بهم للمشفي
وعندما عاد عابد وكارمن للفيلا
دخلت كارمن لابيها ف المكتب باكيه تحتضنه
وجدي :في ايه ياكاري
حد عملك حاجه
فقصت له ماحدث
وجدي :شوفتي نظرتي صح ازاي لو كان عم محمد بقي كانو نفخو فيه طيروه وخدوكي وانا مش ممكن استحمل ان حاجه تحصلك
كاري :تبكي
بعد الشر عليك داد 😢😢
انا خايفه اوي
وجدي:ماتخافيش حبيبتي طول ماانا جمبك يلا اطلعي اوضتك وخدي شاور ونامي
كاري:اوك داد
بون وي
اما عابد فنادي عليه وجدي
انا متشكر جدا ع اللي عملته مع بنتي يا عابد ودي مكافاه صغيره لك
ومن بكره هات حاجتك مع ابراهيم الجنايني علي ماتخلص الاوضه بتاعتك بدل مانت رايح جاي
عابد:تشكر ياعمي علي ايه اني ماعملتش غير الواجب
وجدي :انت عرضت حياتك للخطر
وكان ممكن تتاذي
عابد :فداكو ياعمي
وجدي :تسلم ياحبيبي دا عشمي فيك بردو عشان كده نقيتك للمهمه دي وعارف انك ادها وهتاخد بالك من كاري
عابد :طب تؤمرني بحاجه النهار طلع وهروح اريح شويه واجيب خلجاتي
وجدي :اتفضل
وفعلا ذهب عابد كانت الساعه السابعه صباحا
وكانت سمر تنزل من البيت ليستوقفها فايز
سمر :انت تاني مابتحرمش
فايز:انا اسف وغلطان ومحقوقلك
وكنت فاهمك غلط المسامح كريم بقي
انا غرضي شريف والله
سمر:واللي غرضه شريف يتهجم علي بنات الناس ف بيوتها
فايز:ماخلاص بقي مايبقاش قلبك اسود وعشان اثبتلك حسن نيتي
دا بيتنا في مخزن ف الدور الارضي شقه صغيره هفضيها وهاتي عفشك انتي ووالدتك
وامي فوقك وانا شقتي ف التالت اللي هتبقي شقتنا باذن الله
ودي ورشتي طب والله مانمت من امبارح وقاعد مستنيكي
خلاص بقي صافي يالبن
سمر :حليب ياقشطه
طب لو عملتها تاني
فايز :ماخلاص يابت بقي مايبقاش قلبك اسود كده
وجاء عابد
انت تاني وهيضربه
سمر حاشت عنه
لاااه ياخوي دا عاوز يجوزني
عابد:اااه اذاكان اكده يبقي مبرووك
واني جاي الم خلجاتي وماشي بس لو عملك اي شيء تلفوني معاكي رني بس اجي اعلقهولك من جفاااه
سمر:تسلم ياخوي ربنا يباركلك
عابد:عشان يعرف انك مش حرمه لحالك وراكي رجاله
فايز:ماشي ياعم الرجوله
بس انا بقي اللي هبقي راجلها واللي هقف ف وش اللي يتعرضلها
عابد :ماهو الفقي لما يسعد
سمر :بقي اكده ياخوي ماشي
عابد:اني طالع عشان اني بسقط بجالي يومين مانمتش وكانت ليله طويله سلااام
فايز وسمر :بالسلامه
فايز:هااا قلتي ايه افضي المخزن وتجيبي امك
سمر :ماشي سلام بجي هتعطلني عن الشغل
فايز:ماشي ياعسل تحب اوصلك
سمر:لا ياحبيبي اذا كنت وافجت ااه
بس مافيش توصيل ولا كلام من ده الا لما نكتب اني صعديه مش زييكم
فايز:ماشي يا خطر اموت انا ف الصعيدي
فتضحك سمر سلااام بجي.
أنت تقرأ
حضرية بالصعيد بقلم فيرى
Romanceرواية تحدى بين صعيدى وحضرية بنت دلوعه تفتكروا هيحصل بينهم اية 😉😉😉 طب ما بدل ما نرغى كده ما نيجى نشوفها
