كعدت الصبح كالعاده على صوت المنبه ، كمت بتعب من ورا البارحه الي ما نمت بيها ،
اتنهدت بتعب واحس نخزه بكلبي ، حطيت ايدي على كلبي وادعي ميصير شي اليوم ، ويمر على خير ، رسمت ابتسامه جذابه على وجههي ونزلت من الدرج واني اصيح !
ورد : هياااا يااا قووم أستيقظوا لقد أصبح الصباااح ، وضلت تقلد صوت الديج بطريقه اتضحكك ،
دكت الباب على ابوها وامها ، ما ردوا ، دخلت عليهم وتلفت روحها بنصهم !!
حطت ايدها الصغيره على وجه ابوها وهي تلعب بلحيته واتجر بشعر شواربه ،
أمير بخبث (أبوها) : اكو حشره جاي تلعب بوجهي ، حنيني ، ممكن اتبعديها عني ،
ورد بصيااح : بااباا
حنين (أمها) : ووجع زرفتي اذني ، كومي منا يلا ..
عصبت وكامت من يمهم وهي تنفخ وخدودها صارو حمر من العصبيه ، مشت خطوتين بس بعدين رجعت على ابوها ووكعت عليه وهي تضحك ،
أمير بحنيه : يمه بنيتي ، وضل يبوسها على راسها ويدغدغها ،
ورد بضحك : كافي بابا ، حباب هههه اسفه ،
حنين بغيرة : يلا كومو ، وانتي كومي بدلي وراج دوام ،
ورد بخبث : أحس شي جاي يحترك ، بابا انته هم تحس مثلي ؟!
أمير وهو يباوع لمرته بتعجب ، مو معقوله تغار من بنتها : اي والله بنيتي ، يلا يا بطله كومي بدلي علمود تتريكين ، يلا حبيبتي ،
كامت ورد وهي تضحك على أمها ، لهالدرجه تحب ابوها !! لدرجه تغار منها ..
رادت حنين تكوم وهي معصبه ، بس أمير رجعها وحبسها بين ايديه الضخام ، وهو مبتسم ويلعب بخصلات شعرها القصيره ويضم راسه بركبتها وهو يتنفس ريحه شعرها الي تخليه يروح لغير عالم !
أمير بهمس : حبيبتي ؟
حنين بعصبيه : خير ؟!
أمير وهو مبتسم : حياتي ؟!
عصبت حنين وما ردت ،
أمير : عُمري ؟!
حنين بعصبيه : كوم أمير ، طلعت ما عندك سالفه ..
ورايه كومه شغل ، كوم ، صاير ثكيل ، عااا راح اختنك واموت واني بعدني صغيره ، ممكن اعرف شوكت تكوم ، اذا ما كمت هسه راح اصي.....
سكتها وهو يبوسها بقوة ، وهي تتحرك جوا ، بس ماراح يهتم أكيد !!
فصل البوسه لما حس راح تختنك ، سند جبهته على جبهتها وهو يتنفس أنفاسها الراجفه ، مع انو كبرو وجابو اربع أطفال ، بس بعدهي ترجف وتخجل منه !!
أمير بعصبيه : شوكت أمل منج ؟!
حنين بعصبيه ونست خجلها وكل شي من سمعته هيج يحجي : وخر عني ، كالتها بصوت يرجف ودموعها يريدو ينزلون !! ، ليش هيج يحجي ، شنو يمل منها ، هي تموت بدونه !!
أمير بضحكه : ولج جاي اتشاقه ، أم دميعه ،
كام عنها ورادت تكوم بس سحبها وهو يشبكها ، عصر أجتافها ، وهو يبوس بشعرها ويحجي بحب : أحبج حنيني ..
حنين بخجل :أني هم ، يلا خليني أروح ، لازم أحضر الريوك وشغلاتك ، وراك دوام ،يلا يا عيني ، أنهض ..
كام وهو يمد أيده الها ، لزمت ايده وهي تبتسم ، بس فاجأها لمن شالها بين ايديه مثل العروسه ..
حنين بخوفه : أمير شجاي اتسوي ، راح يجن البنات ، نزلني ، عيب أمير ...
ما لحكت أتكمل لان بناتهم الثلاثه نزلن وهنه يضحكن على أبوهن وامهن الخجلانه الي ضامه راسهه بركبته ،
رهف بخبث : أحم ، أحم ، نحنُ هنا ، يا أبتي ،
أمير وهو يمشي بحنين وما مهتم : شسويلكم يعني ، يلا سوي ريوك الج ولخواتج
اني اسوي لأمكم اليوم ريوك ، وتسون فضل لو تروحن من وكت ، لان عندي شغيله صغيره ويه أمكم .. (كالها وهو يضحك على حنين الي ضربته على جتفه )
نزلن البنات وهنه يضحكن على ابوهن الي مستحيل يمل من أمهن ، شكد حبهم عظيم ، الله يديمهم لبعض ، ويخليهم النا ،،
نزلت رهف الجبيره ، عمرها ٢١ كليه قانون مرحله رابعه ، وهي لابسه تنوره سوده وقميص أبيض يناسب بشرتها الحنطيه ، وعيونها الوساع السود ، ورموشها الي كاسرتهن ، نزلت وراها الأخت الوسطانيه طيبه عمرها ١٧ تدرس ، صف سادس أدبي ، نزلت وهي تضحك ويه خواتها وغمازتها الحلوه طلعت ، وخدودها الحمر ،وعيونها الزرق ،
وأخيراً نزلت بطلتنا ، ورد وهي تنزل بخوف ما تدري ،تحس شي سيئ راح يصير ، غلف عيونها الخضر الخوف ، وخدودها الحمر الي شويه بيهن سمن . الي يشوفهم يتمنه يكرطهم ! تعض بحلكها الاحمر الصغير بخوف عمرها ١٦ تدرس صف خامس علمي أحيائي ،، تركض ، الحد ما وصلت ، للمطبخ ،
لبست حذائها بعجله وهي تريد تطلع ، صاحتها أختها ،
رهف : وين ورد ؟
ورد بتلعثم : ب.. ا..ن..
رهف : ورد حبيبتي ، أهدي ، ليش هيج خايفه ، من شنو ؟
*ورد تتلعثم من تتوتر ومن تخاف ..
طلعت ورد ورقه وقلم وهي تكتب لأختها ،
(لا تخافين حياتي ، بس خايفه عندي أمتحان)
رهف: تمام حبيبتي ، انشالله اتجاوبين ، يلا روحي يم حوراء ابقي يمها على ما يجي السايق ، يلا حياتي وباستها بخدها ..
دارت رهف على أختها طيبه ، ولكتها صافنه ،
رهف : وانتي الثانيه شبيج .؟!
طيبه : ها ، لا ماكو شي ، يلا راح اروح ، اشتري من أم الحانوت ،
باي ...
أتنهدت رهف بخفه .. وما اشتهت الاكل ما تحب تاكل وحدها ، جرت جنطتها ولبست حذائها (تكرمون 🤭) وطلعت من البيت ... متوجهه للكليه مالتها ..
أتمنى يكون عجبكم ؟! 🤭
حنين وغيرتها ؟!
أمير وحبه لزوجته ؟!
رهف ؟
طيبه؟
توقعاتكم ..
ورد .. ليش كانت خايفه ؟
منو أكثر شخصيه عجبتكم ؟
دمتم في حفظ الله ..💘
رأيكم يهمني 😭 والله !!
أنت تقرأ
أنتِ لي (مكتمله)
Romanceأتمنى أن لا تحكموا على قصتي من غلافها ! وأتمنى أن تعجبكم قصتي البسيطة ... أنهُ مسخٌ حقاً فكيفَ لهُ أن يعشق فتاة رباها على يديهِ ، يعشقها حد الهوس متعلق بها يعرف كل شيء عنها ، لكن .. لكن سيقتلهُ فقط شيئاً واحد ، خوفها منهُ !!! (حسن & ورد ) .. ___...
