أنتِ لي (مكتمله)

روتين ،

تمشي بالساحه بشرود وهي خايفه .. ما تدري ليش هذا الخوف ميقبل يعوفها !
صحت على ضربة خفيفه من صديقتها ، باوعت على ايديها لكت جبس وككو ولفه وعصير وكيكه !! وهواي اشياء !
ورد بتفاجئ : حور شجااج ،!
حور وهي تجر صديقتها وكعدن على الدجه ( شي ينكعد عليه يعني هههه) : انجبي حياتي ، جوعانه ، طلعت من البيت ، واخويه يصيح على أمي ، فَ ما اشتهيت اكل شي ..
ورد بحنان وهي تشبكها : يا روحي ، تمام يا عُمري ، عافيات أكلي ..
حور وهي تباوعلها بنظره .. افتهمت عليها ورد ، بس ضلت تهز براسها ،
ورد : لا لا حور ماكدر ،،
قاطعتها وهي تركض ..
ورد بتعب : عاا بس لو اعرف شوكت تكبرين ،
ركضت وراها وهي تصرخ ...
______________

وصلت رهف للكليه ، اتنفست بقوة قبل متدخل ، ضلت تمشي الى أن وصلت لقسمها وللشعبه مالتها ، لكت صديقتها رسل كاعده ، ركضت عليها رسل وهي تشبكها بقوة وتمسح على ظهرها بكل حنان ..
رسل بخوف : خو ما صار شي حبيبتي ، أحد عرف ؟
رهف وهي تبتعد عنها بخفه وأبتسمت بأستهزاء : لتخافين مراح أودع هسه !
رسل وهي تضربها بخفه على جتفها : ووجع أسكتي ، فالج ما قبلنااه ، زين كليلي علاجج شربتيه ؟
رهف ببرود : أي رسل .. اني مو طفله ..كافي
رسل وهي ضاجت شوي بس مستحيل تتخلى عنها : يلا خلينا نروح نتريك ، متأكده أنو أنتي ما أتريكتي ؟!
رهف وهي تمشي وياها بهدوء واتهز راسها بالموافقه ..
__________________

طيبه وصلت لمدرستها ولكت صديقتها سدن منتظرتها ، ركضت الها وهي تشبكها وتبجي بقوة ، أستغربت سدن من صديقتها ، رادت تبتعد عنها علمود تعرف شبيها صديقتها !
طيبه بضعف : تعبت سدن شسوي ؟
سدن بخوف : شصاير حياتي فهميني ! . لتخوفيني عليج !
طيبه وهي تتنفس بضعف وتبتعد عن صديقتها ، وتمسح دموعها بخفه : هيج هههه مادري جان كلبي يوجعني ، وبجيت ، لتخافين حبيبتي ، رح اروح للمغاسل اخذي جنطتي ولحكيني ع الشعبه ، تمام ؟
ما لحكت تحجي صديقتها ، لأن طيبه ركضت ،
سدن :انشالله ميصير شيء سيئ . شالت الجنطه وراحت للشعبه ..
طيبه وهي بالمغاسل وتبجي بقوه وتشهك !!
طيبه بصوت يكسر القلب :شوكت راح أتحس بيه ، شوكت ؟
الله ياخذني وأخلص ، غسلت بعنف ، وهي تمسح بوجهها بقوه ،
طيبه : كافي ضعف ، أكتفيت ..
طلعت من المغاسل وهي تمشي بقوة ، وراسها مرفوع وتبتسم ، بس أبتسامه كاذبه !!!
______________

خلص دوام ورد وودعت حور وهي تشبكها بقوه ، شكد تحب هالمخلوقه !!
ورد بتعب وخدود حمر : فدوه خلينا نحاول أن نتخلى عن هالعاده ،
حور وهي تضحك بقوة : أفكر بالموضوع ...
ودعتها وهي تبوسها بالهوى ، دارت وجهها اتريد اتشوف وين السايق واكف ، بس ..
ورد برعب : لاااا يا الله !!!!!
------------------

أنتهى البارت !!!

توقعاتكم ؟؟

رهف ؟!!!!

طيبه ؟!!!!

وأخيراً ورد منو شافت ؟!!!

دمتم في حفظ الله ❤🤭 ..

..........

♥️ .