Fallen: The Half Blood [COMPLETED]

Chapter 51 - Faded

Chapter 51 : Faded

Clarence's POV

Nakatulog na ako sa aking pagkakahiga dito sa kwarto. At napabalikwas naman ako ng bangon ng bumukas ang pinto.

Nakita kong pumasok dito si Lucia at laking tuwa ko ng makita si Xyrra sa likod nito na may matamis na ngiti sa kanyang labi.

"Clarence!"

Pagyakap sa akin ni Xyrra na medyo ikinabigla ko pa.

~Mukhang namanipula na ni Lucia ang utak ni Xyrra.

"Pwede kayong lumabas ng kwarto, if you like. Aalis na muna ako."

Nakangiting pagkasabi ni Lucia at umalis na sa harapan namin.

~Bakit naman siya nakangiti? Masaya ba siya sa mga nangyayari ngayon?

"Anong iniisip mo Clarence?"

Tanong ni Xyrra mula sa pagkayakap sa akin.

"Wala naman. Namiss lang kita."

Nakangiting sabi ko sa kanya sabay halik sa noo nito.

"Tara na muna sa labas at mamasyal."

Pagyaya ni Xyrra at hinila ang kamay ko at sinundan ko siya sa paglabas ng kwarto.

Mapayapa ang mga pasilyong tinatahak namin kahit pa kita sa mga bintana ang mala-impyernong tanawin dulot ng mga demonyo at ng delubyo.

"Ang ganda diba."

Biglang saad ni Xyrra na nakangiting tinitingnan ang nag-aapoy na tanawin sa labas.

~Mukhang nabaliktad nga ang isip ni Xyrra.

"Oo nga pala Xy. Hindi mo ba namimiss ang mga kapatid mo?"

Binitawan niya ang pagkahawak sa kamay ko matapos kong tanungin ang bagay na iyon. Dagdag pa dito ang pagseryoso ng kanyang mukha.

"Hindi. Wala akong namimiss kahit sino man sa kanila, si papa, sina Zach at Allesa. Hindi mo ba tanda? Nagtraydor sila sa ating lahi. Sumanib sila sa mga alagad ni bathala."

Seryosong pagkasabi nito sa akin.

"Pero-"

Naputol ako sa aking pagsasalita ng biglang may kumausap sa aking isipan.

Balakin mo lamang na sabihin sa kanya ang totoo, wala na akong ibang pamimilian kundi ang patayin kayo.

Sabi ni Lucia at nag-alinalangan na akong sabihin sana ang katotohanan.

"Anong 'pero' Clarence?"

Nagtatakang tanong sa akin ni Xyrra.

"Pero- pero hindi ka ba naaawa sa papa mo? Tatay mo pa rin yun kahit baliktarin pa ang mundo?"

Pagpapalusot ko na kinagat din naman niya.