you took my soul and wiped it clean our love
ခရမ်းနုရောင် သေဆုံးခြင်း (ဝါ) ပျော်ရွှင်မှုနှင့် အဆုံးသတ်ခြင်း
မြတ်နိုးခြင်းတွေဟာ နောင်တတရားတစ်ခုအဖြစ်
နှလုံးသားကို ဓားနဲ့ မွှန်းတဲ့အခါ
နာကျင်မှု မရှိတော့အောင် အဆိပ်သောက်မိခဲ့
ကြည့်စမ်းပါဦး အနီရောင်ပန်းပွင့်တွေ
ကိုယ့်နှုတ်ခမ်းပါးဝက ဖူးပွင့်လာခဲ့ပြီ
နေလုံးနီနီ ဝမ်းနည်းခြင်းအထိမ်းအမှတ်အနေနဲ့
ရောင်ခြည်တွေ ပါးပြင်ပေါ် ကြဲချပေး
မနီးမဝေး သစ်သားထိုင်ခုံလေးပေါ်
အနီရောင်ကောင်းကင်ကို ငေးကြည့်နေတဲ့လူသား
ကိုယ့်အတွက် ရှင်သန်ခြင်း
သို့မဟုတ် သေဆုံးခြင်း ။
သူ့မျက်ဝန်း မိုးစက်တွေကျလာ
အဖြူရောင်အင်္ကျီပေါ် မင်းမူနေတဲ့ အနီရောင်ဆေးစက်တွေ
ချန်ထားရစ်ခဲ့လိုက်မယ် မြင့်မြတ်တဲ့ နှလုံးသားငယ်ရယ်
ကိုယ့်အတွက် စတေးပစ်ဖို့ မထိုက်တန်
ကောင်ငယ်လေး လက်ဖျားတွေ အေးစက်နေရော့မယ်
လမင်းရဲ့နွေးထွေးမှုကို ကိုယ်ပေးအပ်မယ်
ပျော်ရွှင်ပါတော့ကွယ် ။
အနက်ရောင်ကောင်းကင်က စကားတစ်ခွန်းပြောခဲ့
သေဆုံးခြင်းကို မက်မောရင် မြတ်နိုးစရာတွေ ချန်ထားခဲ့
အို သူက မေ့လျော့နေတယ်
ကိုယ့်တည်ရှိမှုထက် ကောင်ငယ်လေးပျော်ရွှင်မှု
လှပစွာသော အရေးကြီးခြင်း ။
ပျော်ရွှင်ပါတော့ ပျော်ရွှင်တော့
ကြယ်စင်တွေနဲ့လမင်းရယ်
ကောင်ငယ်လေး နွေးထွေးစွာအိပ်စက်ဖို့
