((نهايه الحرام )) بقلمي ((ايمان عامر ))

((الفصل الاول )) ((نهايه الحرام))

((الفصل الاول))
((نهايه الحرام))
بقلمي((Eman Amer))

_في بنايه متهالكه في احد الشقق التي توجد بها
يجلس علي احد الكراسي الموجوده بالغرفه وامامه العديد من المحرمات التي حرمها الله علي عباده
دخلت اليه شقيقته ووجدته غائب عن الدنيا بدأت تجعله يستيقظ وقالت
$.. عمر عمر قوم
عمر .. بنوم . عايزه ايه يا شهد علي الصبح
شهد .. قوم يا عمر
_استيقظ عمر واعتدل في جلسته وبداء يحرك رأسه بخفه ويدلكها وقال
عمر .. خير يا شهد في ايه؟؟!
شهد .. بعصبيه . ايه دا يا عمر ؟؟
_نظر عمر عمر علي ما تشير له وبداء يستعيد وعيه بالكامل وقال
عمر .. انتي شايفه ايه ؟؟
شهد .. بعصبيه . يا بجحتك يا اخي دا بدل ما تراعي ربنا وتتكسف من عمايلك كمان جايب الحاجه هنا في البيت
عمر .. ببرود . موال كل يوم يلا ابدائي انا سامعك
شهد .. بدموع . يا عمر حرام عليك اللي بتعمله دا انت ليه مش مقدر ولا حاسس
عمر .. بحزن . عايزاني اعمل ايه يا شهد ؟؟
شهد .. بطل الشغل دا  يا عمر علشان خاطري انا خايفه عليك مش عايزه ابقي وحيد كفايه ماما وبابا ارجوك ، انت لو جرالك حاجه انا هموت وراك
عمر .. بحزن . بعيد الشر عنك انا بعمل كدا علشانك انتي علشان متسبنيش زيهم يا شهد
شهد .. بس اللي انته بتعمله دا حرام والشغل دا حرام ارجوك يا عمر بلاش
عمر . بعصبيه . ما انا جربت الحلال ومنفعش ولا انتي ناسيه حصل ايه
شهد .. قليل حلال احسن من مليون حرام
_قام عمر من مكانه بعصبيه وتحدث بصوت عالي وحزين جعلها تترك لدموعها ان تنزل وقال
عمر .. بعصبيه . قليل لا ، مفيش تاني قليل ولا انتي نسيتي بسبب القليل دا امي وابويا ماتو ، ماتو بسبب الفقر اللي احنه فيه فضلت اقول ربنا كريم ربنا حنين وهيقومو وبعد كل دا مااااااتوووو سااامعه ماتو يا شهد يسبب الفقر والقليل الحلال اللي بتقولي عليه
شهد .. ببكاء . استغفر ربنا يا عمر دا نصيب واجل واجلهم وقف لحد هنا مينفعش يقدموه ولا يأخروه
عمر .. استغفر الله العظيم ، انتي عايزه ايه دلوقتي يا شهد ؟
شهد .. ابعد يا عمر عن السكه دي ابعد عن اي حاجه فيها حرام مش هقدر علي عقاب ربنا في حاجه حرام
عمر .. بتنهيده . حاضر يا شهد
شهد .. بترجي . عمر ارجوك ربنا غفور رحيم وقادر يغفرلك ذنبك ويمحي كل اللي فات بس انت ارجع عنه ارجوك ، عقاب ربنا في الحرام بيكون شديد اوي بس بيكون بعد فوات الاوان
_قربها عمر اليه وضمها بحب وقبل جبينها وقال
عمر .. حاضر يا شهد ربنا يسهل ، بس انتي بطلي عياط دموعك غاليه عليا يابت
_ابتسمت شهد علي كلامه وجففت دموعها وقالت
شهد .. ربنا يخليك ليا يارب ، حيث كدا اروح ارمي القرف دا
_قبل ان تبتعد امسكها عمر وقال
عمر .. ترمي ايه ياختي دي فلوس ناس
شهد .. برفعت حاجب . وحيات امك امال ايه بقي (وقلدت صوته الرجولي ) حاضر يا شهد ربنا يسهل
عمر .. ههههههههه انا بعمل كدا
شهد .. متهربش يا عمر وتتوه في الكلام
عمر .. بتنهيده . مش بهرب بس دي بضاعه يا شهد وهرجعها انا مش معايا اتحمل تمنها
شهد .. بهدوء . هترجعها يا عمر مش تبعها ماشي ، في فرق بين انك ترجعها وانك تبعها
عمر .. بكدب . حاضر هرجعها خلاص مرتاحه
شهد .. بشك . لما تبعد عن الشغل الحرام هكون مرتاحه
_نظر لها عمر بخيبه امل وتحدث بابتسامه مصطنعه مغيرا مجري الحديث وقال
عمر .. هو انتي هتفضلي واقفه كدا كتير مفيش فطار ولا ايه
شهد .. بابتسامه . لا فيه طبعا ثواني والاكل يكون جاهز
_توجهه شهد الي المطبخ ، بينما جلس عمر في تعب علي المقعد ليس تعب جسدي ولكن تعب نفسي من كل شي حوله ، وفاه والديه ويجب عليه حمايه اخته الصغيره وتوفير لها حياه كريمه . تنهد عمر في حزن وقال
عمر .. يارب استرها معاها يارب
____________________بقلمي .. ايمان عامر
في مكان اخر في ڤيلا المغربي