((نهايه الحرام )) بقلمي ((ايمان عامر ))

((الفصل العشرون ))((نهايه الحرام ))

((الفصل ال 20 ))
((نهايه الحرام ))
بقلمي ((Eman Amer))

شهد .. انا مش عايزه ارجع الڤيلا من تاني
معز .. باستغراب . نعمم مش عايزه ترجعي
شهد .. اه ، مش هقدر ارجع بعد اللي حصل ، محتاجه ابعد شويه الم اللي باقي من كرامتي
معز .. بهدوء . وكرامتك محفوظه ، امي مش زي ما انتي فاهمه ، امي مفيش اطيب منها ، مجرد ما تفهم اللي حصل هتهدي وهترجع من تاني
شهد .. انا عارفه ومقدره موقفها ، بس ارجوك خليني ابعد شويه انا مبقتش مستحمله ، ومش هقدر استحمل اكتر من كدا ، انا بقالي اكتر من شهر مش بعرف انام من الخوف والوجع اللي جويا ، ارجوك خليني ابعد
معز .. بتنهيده حزن . حاضر يا ش.. ام ابني
_ابتسمت شهد بفرحه ، لاحظ معز ذلك وتنهد وقال
معز .. بس بشرط هتكون فتره مؤقته
شهد .. بابتسامه . وانا موافقه
_نظر لها معز بحنان ، ثم قام وتوجه الي النافذه الموجوده في الغرفه ، امسك هاتفه ، وهاتف سليم  وانتظر الرد
سليم .. بنوم . خير
معز .. انت لسه نايم
سليم .. دا الطبيعي للبشر الساعه لسه مجتش 7
معز .. طيب فوق كدا علشان عايزك
سليم .. بزهق . ارغي
معز .. شوف واحده تنضف الشقه اللي عندك
سليم .. شقه ايه دي
معز .. شقتنا القديمه يا سليم
سليم .  باستغراب . وليه الشقه ما تيجي تقعد معايا يعني هي اول مره ولا جديده عليك
معز .. ولا اول مره ولا جديده بس مراتي هتكون معايا
سليم .. بتفهم . اها ، طيب انت قدامك قد ايه كدا
معز .. معرفش هشوف الدكتوره ، بس غالبا مش هنتأخر
سليم .. طيب متقلقش انا هتصرف
معز .. طيب
_اغلق معز الهاتف ونظر لها وقال في حنان
معز .. هنروح شقتنا القديمه
شهد .. بتوتر . هو مينفعش حنين تيجي تقعد معانا
معز .. باستغراب . حنين ليه !!
شهد .. بتوتر . عادي يعني تقعد معايا بدل ما افضل لوحدي
_نظر لها معز ولاحظ توترها ، وفهم سبب التوتر وتحدث بغيظ و غضب خفيف وقال
معز .. مفيش اي سبب للقلق اللي انتي فيه دا وسبق وقولتلك لو عايز حاجه هخدها ، فااهدي شويه وحنين اكيد مش هتكون فاضيه ، عن اذنك
_خرج معز من الغرفه ، وكان علامات الغضب ظاهره عليه بسبب خوفها الدائم منه وعدم ثقتها به
_ذهب الي الطبيبه لكي يسألها عن صحتها ، بعد فتره كانت الطبيبه في غرفه شهد ومعز يقف بجوارها
_فحصتها الطبيبه تحت نظرات معز ، وكانت شهد في قمه خجلها من وجود معز معها بالغرفه
الطبيبه .. الحمد لله النهارده احسن من امبارح كتير بس لازم تهتمي بصحه البيبي اكتر من كدا
_نظر معز الي شهد بنظرات لم تفهمها وقال
معز .. متقلقيش ان شاء الله المره الجايه تكون احسن من كدا
الطبيبه .. ان شاء الله ، ودي الادويه المطلوبه
شهد .. هو انا هخرج امتي
الطبيبه .. تقدري تخرجي دلوقتي  ودا اذن الخروج  ، عن اذنكم
_اخذ منها معز اذن الخروج والورقه المدون بها الادويه _ذهبت الطبيبه خارج الغرفه ونظر معز الي شهد وقال
معز .. تحبي انادي ممرضه تساعدك
شهد .. بخفوت . توتو انا هعرف اقوم لوحدي
_ ابعدت الغطاء ووضعت قدمها علي الارض وجاءت ان تنهض لم تكن متوازنه ، اقترب منها معز ولكن اوقفته وقالت
شهد .. لا خليك زي ماانت انا
_قاطعها معز في غضب خفيف وقال
معز .. استغفر الله العظيم ، اللي يريحك
_قامت شهد مره اخري وارتدت حذاءها ، وكانت تمشي ببط وكان معز يمشي بجوارها ، خرجت من الغرفه ، ومازالت متعبه ، فاجها معز وحملها بخفه علي ذراعيه
_شهقت شهد بقوه وقالت في عصبيه
شهد .. نزلني يا معز ، انت اتجننت ، نزلني
معز .. بابتسامه . اه اتجننت ، ومش هنزلك ، انتي بالطريقه دي هنخرج من المستشفي علي بكرا
شهد .. بغضب . نزلني نزلني 
_اخذت تضربه علي صدره بخفه مقارنه بجسده
_ابتسم معز عليها وقال في حنان
معز .. اهدي بقي
شهد .. نزلني يا بارد ، والله انت ماعندك دم ، نزلني بقولك والله هصوت والم عليك الناس
معز .. هههههههههه هو انتي قادره تتكلمي علشان تصوتي ، وعلي العموم احنا وصلنا
_انزلها ووضعها في السياره بخفه ، واغلق الباب بهدوء ، ذهب واستقل مقعده ، نظر اليها ووجدها غاضبه وكان وجهها احمر بسبب الغضب ، كان شكلها مضحك للغايه
_ضحك معز بخفوت مما اثار غضبها اكثر ، تحدثت بخفه وكانت تسبه بغيظ
معز .. برفعت حاجب . لو جدعه علي صوتك وعرفيني بتقولي ايه
شهد .. بابتسامه مستفزه . مبقولش حاجه
معز .. بجد
شهد .. بحده . اهاا
__________________
بعد فتره من الوقت ، كان يقف معز وشهد امام شقه سليم ،
_استقبلهم سليم وقال
سليم .. انت قلت مش هتتاخر بس مش بالسرعه دي
معز .. اللي حصل بقي
سليم .. حمدلله علي السلامه
شهد .. بجمود . الله يسلمك
_دخل معز وخلفه شهد ، كانت شهد منبهر بجمال شقته كانت مساحتها واسعه جدا ، كان الديكور مناسب وراقي جدا
معز .. هي الشقه خلصت ولا لا
سليم .. اديها ساعه كدا ولا حاجه وهتكون خلصت ، وامسك المفتاح اهو
_اخذ ه معز منه وقال
معز .. طيب قوم البس بقي علشان انا عايز انزل 
سليم .. باستغراب . ما تنزل وانا مالي ، انا اصلا شويه وهمشي
معز .. بنظرات غاضبه . قوم يا بارد خلينا ننزل
سليم .. بغضب مكتوم . روح ياشيخ منك لله
_ذهب سليم الي غرفته لكي يرتدي ملابسه
_تنهد  معز وقال
معز .. هروح مشوار ساعه وهرجع ، في اكل في الثلاجه ياريت تفطري ماشي
شهد .. حاضر ، بس انا هفضل لوحدي هنا
معز .. مش هتأخر عليكي ، وبعدين متقلقيش الدنيا هنا امان ، وفونك معاكي لو احتاجتي حاجه رني عليا وهكون عندك علطول
شهد .. بارتباك . طيب
_خرج سليم من غرفته ، توجهه كل منهم الي الخارج ، وجلست شهد بعد ان اغلقت الباب بكل الوسائل الموجوده للحمايه  ، واستلقت علي الاريكه ولم تأخذ وقت وذهبت في النوم
_____________________
في الاسفل
سليم .. انت رايح فين كدا
معز .. هروح لزفت الطين سهي ، اعرف هي جابت الكلام دا منين
سليم .. وياتري هتلاقيها
معز .. مش عارف بس احنا لسه اول اليوم ومعتقدش انها ممكن تهرب قبل كدا
سليم .. طيب لو احتجت حاجه كلمني
معز .. تمام
_ استقل كل منهم سيارته وذهب كل منهم الي طريقه
_بعد فتره وصل معز الي ڤيلا والد سهي ، وقبل ان يدخل الي الڤيلا وجدها تتحرك بالسياره ، تحرك خلفها بسرعه ، وبعد مسافه من الطريق في مكان خالي ، قطع عليها الطريق ، نزل من السياره  وذهب اليها ، فتح الباب واخرجها من السياره بقوه وهو ممسك بذراعها وقال في غضب
معز .. فاكره نفسك ممكن تهربي مني
سهي .. بتألم . سيب ايدي وابعد عني بدل ما اصوت والم عليك الناس
_نظر معز حوله وقال في غضب
معز .. والله لو مين مش هيخلصك مني قبل ما اعرف عرفتي منين الكلام اللي قولتيه امبارح
سهي .. بتألم . سمعت زي ما سمعت المهم ان الكلام صح وانك واحد زباله ومتجوزه واحده زباله زيك ليق....
_قبل ان تكمل جملتها صفعها معز بقوه وقال في غضب
معز .. مراتي اشرف منك ومن عشره زيك ، انطقي عرفتي الكلام دا منين
سهي .. ببكاء . من صحبتها ملك قبلتها وقالت ليا علي كل اللي حصل
معز .. بصدمه . ملك !!
سهي .. بتألم . اه مش هي بردو عارفه كل حاجه
معز .. بتوعد . واللي خلق الخلق لو الكلام دا طلع لمخلوق تاني هسوي بيكي الارض انتي فاااهمه
سهي .. بخوف . انت بتهددني
معز .. لا مش بهدد انا بنفذ علطول ، انتي ساااامعه
سهي .. بخوف . حاض.ر ح.حاضر
_امسكها معز بقوه وسحبها خلفه تحت اعتراض منها والقاها بقوه في سيارته ، ثم اخرج هاتفه وهاتف احد رجاله وقال بجمود
معز .. هبعتلك عنوان تروح تجيب واحده اسمها ملك ، هي شغاله في مكتبه صغيره في اقل من ساعه تكون في شقه سليم سامع ، وحذاري حد يمد ايده عليها
الرجل .. تحت امرك يا باشا
_اغلق معز الهاتف وارسل له العنوان ، واستقل سيارته ، نظر الي سهي بغضب ونظرات متواعده ، تكلمت سهي من بين بكاءها وقالت
سهي .. انت واخدني علي فين
معز .. باستهزاء . علي المكان اللي تستاهلي تكوني فيه يااا سهي
سهي .. بخوف حقيقي . ا.انا اسفه والله يا معز ، ا.انا مكنش قصدي اقول كدا
معز .. باستهزاء . بجد !! ياحرام صعبتي عليا والله
سهي .. معز ا.ان.ت مش هتعمل ح.حاجه ص.صح دا انا سهي ح.حبي.بتك
_نظر لها معز بنظرات قاتله ولم يتحدث ، اخذت سهي تلح عليه وتتاسف فهي تخافه وتخشي عقابه ، وهو لا يرد عليها
______________________
عند ملك
تفاجئت ملك بوقوف سياره امام المكتبه الخاصه بها ونزول شخصين منها ، تقدموا منها وقال احدهم في غلظه
الرجل .. انتي ملک
ملك .. بخوف . ا.اها انتو مين
_وضع الشخص الثاني منديل مبلل به كميه من المخدر ، حملها الرجل ووضعها في السياره وكانت الحاره خاليه بعض الشي من البشر مما سهل عليهم خطتهم
_توقف الزمن عندما شاهد عمر ذلك وهو خارج من منزله ، حاوا ايقافهم او اخذها منهم ولكن ابعدوه وانطلقوا بالسياره
_ركض عمر خلف السياره بقوه ، وكانت حركتها بطيئه بسبب ضيق المكان ، وبعد ان خرج من الحاره ، استقل تأكسي وذهب خلفهم
_هاتف احدهم معز
معز .. نعم
الرجل .. البنت معانا يا باشا وفي واحد ماشي ورانا
معز .. طيب انا دقايق واكون عند سليم ، وانت حاول تهرب منه ، ولو مهربتش ميهمنيش المهم البنت تكون هنا
الرجل .. تحت امرك يا باشا
_____________________ بقلمي ايمان عامر
وصل معز امام احد المخازن القديمه  ، امسك سهي بقوه وانزلها من السياره
_مازالت تتوسل اليه ، ومازال هو لا يرد عليها
_امر الحرس بفتح المخزن والقاها به ، وقال في حده
معز .. تفضل هنا واياك تخرج ، غير لما تاخد الاذن مني غير كدا لو خرجت حسابكم معايا
الحرس .. تحت امرك يا باشا
_اغلق الحرس الباب بقوه عليها ، وهي مازالت تبكي وتترجاه ان يتركها
________________
_ذهب معز واستقل سيارته وانطلق بها
_لحظات وكان يطرق الباب ، بعد فتره فتحت له شهد بعد ان تأكده انه زوجها ، استغرب معز ملامحها وقال
معز .. في ايه مال وشك
شهد .. مفيش كنت نايمه ولسه صاحيه
_جلس معز علي المقعد بتعب وقال
معز .. وطبعا كلامي ليكي اضرب في الحيطه صح
_نظرت له شهد ولم تتحدث
معز .. بغضب مكتوم . براحتك بس متزعليش من ردود افعالي بعد كدا ماشي
شهد .. بخوف . قصدك ايه
_جاء معز ان يتحدث ، ولكن قطع حديثه صوت الباب ، ذهب وفتح وكان رجاله ، وكان احدهم يحمل ملك ، دخل ووضعها علي الاريكه وانصرف ، انصدمت شهد من وجود ملك بهذا الشكل ، وذهبت اليها بسرعه وحاولت ان تجعلها تستعيد وعيها
_قبل ان يغلق معز الباب وجد عمر امامه ، استغرب عمر وجود معز وملك ، جاء ان يلكمه ولكن صده معز وقال في جديه
معز .. اختك جوه ادخل
_دخل عمر ومعز ، نظرت شهد اليهم
_ووقف الكل في استغراب تام من تجمعهم بهذه الطريقه ، وكان الصمت هو المسيطر ، تحدثت شهد بقوه وقالت
شهد .. في ايه ، وليه ملك هنا وبالطريقه دي ؟؟
معز .. بجمود . فوقيها الاول وهي تعرفك
شهد .. باستغراب . تعرفني ايه ؟؟
_لم يرد عليها معز ، حاولت شهد معها وبعد فتره استعادت ملك  وعيها ، نظرت هي ايضا بدورها للكل في استغراب من تجمعهم في هذا المكان ، تكلم معز بحده وغضب وقال
معز .. انتي ازاي تقولي لسهي علي اللي حصل بينا ، وطريقه جوازنا ، وانها مغتصبه ؟؟؟؟؟
_صدمه للكل _
_____________________
الفصل خلص رائكم وتوقعاتكم للي جاااي
ليه ملك قالت لسهي ؟؟؟ وشهد هتعمل ايه ؟؟؟ وممكن تسامح ملك وعمر علي اللي حصل ؟؟؟؟ ومصير سهي ايه ؟؟؟؟
ممنوع النشر بدون اذني
💔نهايه الحرام 💔 بقلمي ((ايمان عامر  ))