((نهايه الحرام )) بقلمي ((ايمان عامر ))

((الفصل الثالث والعشرون))(( نهايه الحرام))

((الفصل ال 23 ))
((نهايه الحرام ))
بقلمي ((Eman Amer))

في صباح يوم جديد في شقه معز
كانت تقف شهد بجوار الفراش وتيقظ معز ، وكانت ترتدي بجامه شتويه وكانت ضيقه بعض الشئ وترتدي الكاب الخاص بالبجامه حتي لا يظهر شعرها
شهد .. بهدوء . معز معز اصحي
معز .. بنوم . اااممممم
شهد .. معز قوم يا معز ابن عمك عايزك برا
معز .. بنوم . طيب طيب
شهد .. بزهق . يامعز قوم بقي
استيقظ معز واعتدل في جلسته ونظر لها وقال
معز .. خلاص صحيت اهو اتفضلي بقي
_ جاءت شهد ان  تخرج ولكن اوقفها معز وهو يتحدث بغضب ممزوج بغيره وقال
معز .. انتي خرجتي قدامه كدا بمنظرك دا ؟؟
شهد .. باستغراب . وماله بقي منظري ان شاء الله
معز .. انتي بجد مش واخده بالك ، ومش شايفه لبسك عامل ازاي
_كانت شهد تنظر الي نفسها ، وفهمت ما يقصده وقالت بهدوء
شهد .. انا مش شايفه انه في حاجه ، ومغطيه جسمي كله ومفيش اي حاجه باينه ، فعادي يعني
معز .. بغيره . اه مغطيه جسمك بس تفاصيل جسمك كلها باينه
شهد .. بحرج . معززز
معز .. بغيظ . معز ايه وزفت ايه بس ، روحي غيري الزفت دا والبسي اي حاجه غير كدا
شهد .. بغيظ . لا ، وبعدين انا متعوده البس كدا
_امسكها معز من معصمها وقربها اليه وقال في غيره
معز .. دا كان زمان دلوقتي انتي علي ذمتي ، وانا محبش انك تلبسي كدا سامعه
شهد .. بتألم . حاضر
_سحبها معز من معصمها و القاها علي الفراش بخفه واستلقت علي بطنها بسبب دفعته لها ، وقام هو عن الفراش وذهب  الي المرحاض
_اعتدلت شهد بسرعه ووضعت كفها علي بطنها بخفه وقالت
شهد .. معلش بقي يا بيبي بابي غبي حبتين
_نظر لها معز بابتسامه حب وقال
معز .. وامه عنديه حبتين
_صدمت شهد من وقوفه امامها وقالت في خجل خفي
شهد .. ايه دا انت مش كنت دخلت الحمام
معز .. بابتسامه . اها بس خرجت اجيب فوطه
قامت شهد بسرعه عن الفراش وذهبت الي خارج الغرفه وقالت
شهد .. متتأخرش بقي
_تحرك معز وذهب الي المرحاض مره اخري
_بعد ان خرج من المرحاض وصلي صلاه الضحي ، خرج الي سليم وكان يوجد في الشرفه يتناول القهوه
معز .. صباح الخير
سليم .. صباح النور ، ايه يابني بيصحو في ميت
معز .. بزهق . عايز ايه اخلص
سليم .. سهي
معز .. اشمعنه
سليم .. الرجاله اللي واقفه علي المخزن بيقولو بتفضل تصرخ كتير وبتقول كلام مش مفهوم
معز .. انا نستها اصلا ، خلاص بلغ الرجاله يطلعوها
سليم .. وهو انا كنت مستنيك تقولي كدا ، الرجاله رافضه تسمع من حد غيرك ياريت تبلغهم ، دي مهما كان بنت خالتك
معز .. بتنهيده . حاضر هبلغهم
سليم .. باستغراب . مالك وشك مقلوب ليه
معز .. بتنهيده اقوي . تعبت يا سليم ومبقتش عارف اعمل معاها ايه
سليم .. قصدك مراتك
معز .. وهو في غيرها
سليم .. ما انت اللي منشف دماغك
معز .. باستغراب . منشف دماغي في ايه !!
سليم .. ببرود . طلقها وريح نفسك كدا كدا ابنك او بنتك هيتكتب شرعي وقانوني وكل حاجه ، وانتو مش اول اتنين تنفصلو وبنكم اطفال
معز .. بغيظ . تصدق بالله انت فورت دمي اكتر ، غور يا سليم من وشي انا غلطان اني بتكلم معاك
سليم .. هههههههه هو انت بتحبها
_نظر له معز وتنهد بعمق ولم يرد عليه
سليم .. فهمت انا ايه دلوقتي
معز .. مش عارف ، بس تقريبا بداءت احبها لاني  بحس معاها باحساس غريب عمري ما حسيته قبل كدا ، حتي في قرب سهي مني مكنتش بحس بنفس الاحساس دا
سليم .. ههههه ايه كميه الاحاسيس دي كلها
معز .. بقرف . تصدق انا غلطان اني بتكلم معاك ، غور ياسليم من وشي
سليم .. ههههه ماشي وابقي خلي فونك مفتوح مش هنزلك تاني
معز .. طيب
_صعد سليم الي شقته ، وذهب معز الي الصالون
تقدمت شهد منه وقالت
شهد .. يلا الفطار جاهز
_نظر لها معز ووجدها لم تبدل ملابسها ، نظر لها نظره اخافتها وجعلتها ترتجف ولكن لم يعلق وقام وتوجه الي السفره ولم يتحدث
_تنهدت براحه وقالت في نفسها
شهد .. يخربيت كدا قلبي كان هيقف
_وبعد ذلك ذهبت وسحبت المقعد وجلست عليه
بداء الكل في تناول الطعام تحدث معز وقال
معز .. عامله ايه في الجامعه
حنين .. ماشي الحال
معز .. امتحاناتك امتي
حنين .. تقريبا شهر او اقل ليه
معز .. مفيش بسأل عادي شدي حيلك بقي في المذاكره
حنين .. ان شاء الله ادعيلي انت بس لاحسن المواد رخمه حبتين
معز .. ربنا معاكي
شهد .. هو انتي في كليه ايه
حنين .. حقوق ، وانتي
_نظر معز الي شهد ومنتظر الاجابه
شهد .. ربنا معاكي ، لا انا مش بروح الجامعه
حنين .. باستغراب . انتي مخلصه يعني
شهد .. بحزن خفي . توتو بس خلصت الاعداديه وقعدت في البيت ، مع اني كنت جايبه مجموع عالي جدا
حنين .. بحزن . طب وليه مكملتيش ، حرام تضيعي تعبك كدا
شهد .. بتنهيده حزن . نصيب بقي ، يلا الحمد لله
حنين .. بحزن عليها . الحمد لله 
_بعد فتره انتهي الكل من الاكل ، وقام معز ليبدل ملابسه ليذهب للصلاه ، وبعد الانتهاء ذهب الي الصالون واخذ هاتفه ومفاتيح السياره ، وقال
معز .. عايزين اي حاجه
حنين .. اها شهد عايزه منك خدمه
_نظرت لها شهد بغيظ وتوعد ، ونظر لها معز وقال
معز .. بحب . عايزه ايه
شهد .. كنت عايزه ملك تيجي تقضي اليوم معانا
معز .. بابتسامه . مفيش مشكله بلغيها وخليها تيجي
شهد .. ايوا بس هي متعرفش المكان
معز .. طيب هخلي حد من الرجاله يجبها لحد هنا
شهد .. لا مش هينفع وهي هترفض
معز .. طيب والحل ايه
شهد .. كلم عمر خليه يجيبها
معز .. باستغراب . انا اكلمه ، ومتكلمهوش انتي ليه
شهد .. انا مش بكلمه من اخر مره
معز .. امممم بس انتي عارفه ا...
شهد .. بمقاطعه . عارفه انه مكنش قصده وقولتلك اني محتاجه اخد وقتي ، وبعدين هو لو مجبش ملك مش هيجي لوحده
معز .. بابتسامه . ولما انتي عايزه تشوفيه لازمته ايه العند دا
شهد .. مش عند
معز .. برخامه . لا واضح بجد انه مش عند ، علي العموم حاضر هكلمه ، عايزه حاجه تاني
شهد .. توتو
معز .. طيب سلام عليكم
حنين و شهد .. وعليكم السلام
_توجه معز الي الخارج وكان سليم ينتظره في الاسفل وذهبوا الي طريقهم
_تنهدت شهد وجلست بجوار حنين التي قالت بغمزه
حنين .. بس ايه الشياكه دي اول مره اشوفك لابسه ضيق كدا ولا علشان منفرده انتي وجوزك
شهد .. بخجل . احترمي نفسك يابت ، وبعدين ما انتي بايته معايا من امبارح ، وغير دا ودا انتي عرفتي اللي حصل ، وازاي اتجوزنا
حنين .. بحزن . اهاا بس مش قادره اصدق هو دا حصل بجد
شهد .. اممم حصل فعلا ، ومكنتش هتجوزه لولا الحمل اللي حصل دا
حنين .. بس بجد يعني معز بني ادم كويس ، مش علشان اخويا والله بس بامانه ربنا فعلا راجل بمعني الكلمه ، كفايه انه حنين وطيب وچنتل مان كدا في نفسه
شهد .. هههههه علشان اخوكي مش اكتر
حنين .. متبقيش ظالمه ، يعني عمرك ما حسيتي بالامان معاه
شهد .. بابتسامه خجل . قفلي بقي علي السيره دي وقوليلي انتي محبتيش قبل كدا
حنين .. بهيام . توتو اوعدنا يارب
شهد .. بابتسامه . ان شاء الله ربنا يكرمك بواحد كويس وچينتل مان
حنين .. ههههه يارب يا اختي يارب
_واخذوا يتحدثون كثيرا
________________
في ڤيلا المغربي
محمد .. مالك يا حبيبتي
وفاء .. بابتسامه . بقالك كتير مش بنتاديني كدا
محمد .. بابتسامه .ودا ميمنعش انك هتفضلي حبيبتي ولا انتي شايفه ايه 
وفاء .. بحب . طب اقول ايه بعد الكلمتين دول
محمد .. هههههه وانا مش عايزك تقولي ، عايزك تقومي تغيري علشان هنروح لمعز بعد الصلاه  تسلمي عليه وتطمني علي ام حفيدك
وفاء .. بابتسامه . انت بتتكلم جد ، طب شهد مش....
محمد .. بمقاطعه . مش هتدايق وبعدين دي بنت غلبانه وطيبه وقلبها ابيض ، وابنك غلط في حقها كتير والمفروض تكوني ام ليها
وفاء .. ربنا يجزيها خير علي صبرها ، هروح اجهز
_ذهبت وفاء الي غرفتها لكي تجهز نفسها
____________
بعد صلاه الجمعه
_هاتف معز عمر واخبره بان يحضر ملك وياتي ، وهاتف ايضا الحرس لكي يتركوا سهي ، وبعد ذلك وصل الي المنزل ودخل هو وسليم
معز .. تعالي
سليم .. لا هطلع بقي اريح شويه
معز .. ابقي ريح بعد الغدا ، تقريبا كله هيكون موجود تعالي تعالي
_دخل معز وسليم ، وبعد قيل وصل محمد المغربي ووفاء
_استقبلهم معز بترحاب شديد ، وقالت وفاء في عتاب بعد جلوسهم
وفاء .. كدا يا معز مترجعش الڤيلا ولا تيجي زي ما وعدتني
معز .. بحنان . حقك عليا ياست الكل غصب عني والله ، شهد كانت تعبانه شويه ومحبتش اضغط عليها
وفاء .. بزعل . امممم طيب وهترجع امتي بقي ولا ناوي تبعد وتستقر هنا
معز .. لا يا امي هرجع اكيد وبعدين انا مقدرش استغني عنكم
وفاء .. بحب . ماشي يابني ، هي فين صحيح ولا مش عايزه تخرج تقابلني
شهد .. وهو في حد يقدر يبعد عن امه
_تقدمت منهم شهد وهي تحمل المشورب الساخن ، وتكلمت بحب حقيقي ، ابتسمت لها وفاء وضمتها اليها وقالت في حب
وفاء .. حمد لله علي سلامتك يا بنتي ، عامله ايه
شهد .. بابتسامه . الحمد لله ، حضرتك عامله ايه
وفاء .. الحمد لله بخير
محمد .. عامله ايه يابنتي ، وابنك عامل ايه
شهد .. الحمد لله بخير  حضرتك عامل ايه
محمد .. الحمد لله
حنين .. ايه دااا بقي هي شهد هتاخدكم مني ولا ايه ولا علشان هي مرات ابنكم يعني
_ضحك الكل علي اسلوبها ، تكلم سليم وقال
سليم .. بابتسامه . بطلي غيره بقي ، وبعدين دي 2في 1 ، لكن انتي واحد بس
حنين .. بغيظ . ازاي بقي
سليم .. مرات ابنهم ، وام حفيدهم ، لكن انتي حياله بنتهم اللي مش بيطقوها اصلا ، ومستنينها تتجوز وتغور من وشهم
حنين .. بغيظ حقيقي . باابي هو الكلام دا صح
_ضحك الكل عليها وتحدثت شهد وقالت
شهد .. بابتسامه . يا حبيبتي مفيش حاجه اغلي من الابن او البنت ، دا بيقول كدا علشان يغيظك بس
حنين .. امممم تصدق انك فعلا رخم قووي ،، والله يا شوشو عندك حق تكرهيه ومتبقيش طيقاه ، فعلا بني ادم بارد في نفسه
_خجلت شهد من كلام حنين ، وغضب معز من كلام شقيقته وطريقتها ، وتوتر سليم بسبب ما قالته حنين
_صمت الكل وكان الجو متوتر بعض الشئ ، انقذهم رنين الجرس ، استأذنت شهد في ارتباك وذهبت
_فتحت شهد وكان عمر وملك
ملك .. شوشو عامله ايه
شهد .. بابتسامه . الحمد لله بخير ، تعالي تعالي
_قبل ان تدخل امسكها عمر من معصمها وقال 
عمر .. مش هتسلمي عليا ولا ايه
شهد .. بتنهيده . ازيك يا عمر
عمر .. بحزن . مش كويس وانتي زعلانه مني كدا
شهد .. مش زعلانه يا عمر ومقدرش ازعل منك
عمر .. تصدقي واضح انك مش زعلانه ، وعلي العموم يا ستي انتي حره ، صحبتك اهي خلصي وكلميني وهاجي اوصلها ، عن اذنكم
_قبل ان يذهب اوقفه صوت معز ، الذي اتي حتي يعرف سبب تأخير شهد عند الباب وقال
معز .. استني ياعمر رايح فين
عمر .. مفيش هقضي كام مشور كدا
معز .. طب تعالي ادخل
عمر .. لا معلش خليني امشي علشان تبقوا علي راحتكم
معز .. ياعم ادخل هو انت غريب
_نظر معز الي شهد وكانت صامته تماما ، دخل عمر وبعد ترحاب من الكل جلسوا ، توجهه حنين الي المطبخ لتعد القهوه لعمر وملگ وكانت الابتسامه لا تفارق وجهها
_ بعد فتره طلب معز الغداء من مكان معروف
_تناولوا الغداء وبعد ذلك احضروا البنات المشروب ، وبعد ذلك انفرد البنات وجلسوا في غرفه واخذو يتحدثون
والباقي في الخارج وقضو وقت ممتع وجميل
_اخيرا انقضي اليوم وذهب الكل وبقي معز وشهد
_جلست شهد علي الاريكه بتعب واضح ، تكلم معز وقال
معز .. مالك شكلك مجهد قوي وتعبانه
شهد .. بتعب . لا دي حقيقه فعلا ، مش عارفه ليه بس تعبانه قوي
معز .. بقلق . تحبي نروح للدكتوره
شهد .. توتو انا محتاجه انام وهبقي كويسه
معز .. متأكده
شهد .. اممم عن اذنك
_دخلت شهد الغرفه ، وجلست علي الفراش بتعب ولم تأخذ وقت طويل وذهبت في نوم عميق
_دخل معز بعد ان تأكد انها ذهبت في النوم ، واستلقي بجانبها وضمها اليه ونام هو ايضا
(( وانتهي مساااء هذا اليوم ومع كل صبااح جديد احداث جديده ))

_مرت الايام والاسابيع والشهور ((مر حوالي شهر ونصف  ))
كان يزداد حب معز لشهد ،،، ولا يقدر الاستغناء عنها ،،، ولكن مازالت علاقتهم ضعيفه ومتوتره بسبب قسوه شهد وعدم التهاون معه وعدم مسامحته ،،، ذهبوا الي الڤيلا من اسبوع فقط  ،، وانتفخت بطنها قليلا بسبب الحمل وصارت في الشهر الثالث واقتربت علي الانتهاء والبدايه في الشهر الرابع ،،

_تقرب عمر من حنين اكثر واكثر ،، واعجبت حنين بشخصيته كثيرا  وصارت تحبه وتعشقه ،💘، كان يلتقي بها يوميا قبل نهايه اليوم الدراسي في حديقه صغيره لكي يذاكر لها ،،، وتكلمو في كل شئ ،،، كان عمر محافظ علي المسافات ولا يتعدي حدوده ،،، واخبرها انه سوف يحدث معز في اقرب وقت ويتقدم لخطبتها ،،،

_تحدث سليم مع والده ووالدته بشأن خطوبته من حنين ،،، واخبرهم بانه سوف يتقدم لها بعد انتهاء الامتحانات حتي لا يعطلها عن الدراسه ،،، اخبره بانهم سوف يأتون مصر في اقرب وقت ،، لانهم خارج مصر بسبب عمل والده ،،، وهو لم يسافر معهم وقرر البقاء في مصر 

_مازالت ملك مثلما هي ولكن حبها لعمر يزداد اكثر واكتر
_سافرت سهي ووالدتها الي والدها بعد ما حدث لها تحت يد معز ،، واقسمت علي الانتقام اكثر واكثر ولو بعد حين

_انتهت حنين من الدراسه اخيرا ،، وكانت تجلس هي وعمر في كافيه ، تحدثت حنين وقالت
حنين .. ملقتش مكان غير دا نتقابل فيه
عمر .. بابتسامه . مش هأخرك ، بس كنت عايز اسألك موافقه تتجوزيني
حنين .. بحب . انت بجد لسه بتسأل
عمر .. امممم عايز اسمعها منك وانك موافقه بيا وموافقه تعيشي في شقه وو
حنين .. بمقاطعه . وايه ها انت عارف اني ميفرقش معايا اكون في شقه ولا في ڤيلا المهم ابقي معاك انت وبس ، انت دلوقتي بقيت ليا الدنيا وما فيها وبقيت روحي اللي مقدرش اعيش من غيرها
عمر .. بابتسامه . وانا مش عايز اكتر من كدا في الدنيا
حنين .. بتوتر . عمر هو انت مش بتحبني
عمر .. بهدوء . ليه بتقولي كدا ، الحب مش بالكلام او اني افضل اقولك كلام حب ، الحب افعال يا حنين الحب سند وقت الشده ، الحب اكبر بكتييير من اي كلام 
حنين .. بحب . وانا بحبك زي ماانت المهم هتكلم معز امتي
عمر .. بابتسامه . بالليل باذن الله
حنين .. ان شاء الله

_مر اليوم سريعا ، وذهب عمر الي ڤيلا المغربي ، وبعد جلوسه مع شقيقته ، تحدث عمر وهو يوجه حديثه الي معز وقال
عمر .. معز كنت عايزك في موضوع
معز .. اه طبعا اتفضل انا سامعك
عمر .. ياريت نكون لوحدنا
شهد .. موضوع ايه دا اللي مش عايز تقوله قدامي
عمر .. بابتسامه . بعدين يا عسل
_ ذهب عمر ومعز الي الحديقه وجلسوا ، تحدث معز وقال
معز .. ها يا عمر كنت عايز ايه
عمر .. بتوتر خفيف . كنت عايز يعني اني اتقدم قصدي اطلب ايدك اختك الانسه حنين
_جاء سليم من خلفه وقال في غضب وغيره
سليم .. نعععممممم تطلب مين
عمر .. بغضب . وانت مالك انت هو حد كلمك ، ها قولت ايه يا معز
سليم .. انت مجنون وهو في حد بيتقدم لواحده مخطوبه
عمر .. بصدمه . مخطوووبه !!
_____________
وبكدا الفصل خلص رأيكم وتوقعاتكم للي جاااي
حنين هتعمل ايه لما تعرف انها مخطوبه لسليم ؟؟ وعمر هيكون موقفه ايه ... ؟؟؟
منوع النشر بدون اذن
💔نهايه الحرام 💔 بقلمي ((ايمان عامر))