((نهايه الحرام )) بقلمي ((ايمان عامر ))

((الفصل السابع عشر))((نهايه الحرام))

((الفصل ال 17))
((نهايه الحرام))
بقلمي ((Eman Amer))

في الكافيه
دخل معز وسليم وعمر وشهد الي الداخل
وقال وهو يوجه كلامه الي شهد
معز .. تقدري تعرفي اللي طردك
شهد .. مش في دول
معز .. ازاي يعني مش فيهم
شهد .. هو ايه اللي ازاي مش موجود فيهم
_اقترب منهم العامل وقال في احترام 
النادل .. خير حضرتك تؤمر بحاجه
معز .. بغضب .  اه عايز مكتب المدير
النادل .. بتوتر . خير حضرتك يا فندم في اي مشاكل
معز .. بغضب . من غير رغي اخلص بلغ المدير
النادل .. اتفضل حضرتك
_ذهب النادل ليخبر المدير وذهب الكل خلفه ، تحدث سليم اليه وقال
سليم .. اهدي شويه مش كدا وياريت من غير مشاكل
معز .. بتزمر . والله وهو يطردها ويخليها في الشارع وتقولي اهدي ومن غير مشاكل
_اخبرهم النادل بالدخول الي المدير

في الداخل
معز .. السلام عليكم
_وقف المدير ومد يده لمصافحه معز وهو يقول
المدير .. وعليكم السلام
مد معز يده له وقال
معز .. معز المغربي ،، وسليم المغربي
المدير .. بتوتر . اها اهلا وسهلا اتفضلو
_جلس معز وسليم امام المكتب ، بينما جلس عمر وشهد في الاريكه الموجوده في الغرفه
المدير .. خير حضرتك في اي خدمه اقدر اقدمها لحضرتك
معز .. في عامل هنا تطاول بالكلام مع مراتي وانا بصراحه مش ناوي اسيب حقها
المدير .. بتوتر . عامل عندي انا هنا مش معقول يا فندم ، الكلام دا ميحصلش عندي
معز .. لا حصل وانا عايز العامل دا
المدير .. اسمه ايه يا فندم ولو فعلا عمل كدا اكيد هيتعاقب
شهد .. مأخدتش بالي من الاسم
سليم .. طيب مش فاكره شكله
شهد .. بهدوء . اممم كان ابيض وطويل وعريض شويه وكان شعره بني و..
_قاطعها عمر وهو يقول بهمس
عمر .. اهدي كدا وخدي نفسك دا وصف دا ولا مدح في الراجل
شهد .. باستغراب . لا بوصفه هو فعلا كدا وعيونه خضرا
عمر .. بابتسامه . طب كفايه كدا لاحسن جوزك هيولع فيكي وفي العامل وفي المكان كله
_نظرت شهد الي معز ووجدته غاضب جدا ، وكان غضبه ممزوج بالغيره  لوصفها لرجل اخر
المدير .. بتوتر . دا محمود بس دا مشي من بدري جدا
معز .. بهدوء مخيف . وانا عايز الشخص دا
المدير .. بس هو مش ساكن هنا ، هو بيسافر يومين في الاسبوع وباقي الاسبوع شغال هنا
سليم .. طيب ملهوش عنوان هنا يعني
المدير .. لا ليه بس هو مشي وكان هيسافر
معز .. طيب هات البينات اكيد ليه بيانات هنا ولا ايه
المدير .. احنا ممكن نحل الموضوع من غير مشاكل واخليه يقدم اعتذاره للمدام
معز .. بغضب . لا ملكش دعوه انت بالاعذار انت تجيب العنوان وخليك بعيد
سليم .. انا بقول تجيب العنوان وخليك انت والمكان بتاعك برا الموضوع
المدير .. بخوف . حاضر لحظه والبيانات تكون عندكم
عمر .. يخربيتك الراجل هيروح في ابو بلاش
شهد .. احسن يستاهل ويستاهل اكتر من كدا كمان
عمر .. باستغراب . بقتي قاسيه اوي علي فكره
شهد .. بحزن . البركه فيه وفيك
_صمت عمر بحزن ، واخذ معز البيانات وذهبوا خارج الكافيه