((نهايه الحرام )) بقلمي ((ايمان عامر ))

((الفصل الحادي عشر ))((نهايه الحرام))

((الفصل 11 ))
((نهايه الحرام))
بقلمي ((Eman Amer))

_جاء من خلفهم صوت غاضب وكانت وفاء  وقالت في حده
وفاء .. بغضب . والله عال يا استاذ معز بقي بتطرد سهي علشان دي ، بتطرد بنت خالتك علشان واحده متعرفش جايه منين ، وعلي العموم هي مش في بيتك علشان تقول مين يقعد فيه ومين يخرج 
معز .. بحده . امي مراتي مش جايه من الشارع وعارف هي مين واصلها ايه
وفاء .. بغضب . اشبع بيها يلا يا سهي ، ويكون في علمك سهي هتفضل معانا اسبوع علشان مامتها سافرت
معز .. بغضب . اللي يريحك يا امي اعمليه
_ذهبت وفاء وسهي من امامهم وذهبوا الي الاعلي في غضب
_نظر معز لهم ووجد شهد داخل اخضان اخيها في حزن ظاهر عليها
_رن هاتف معز واستأذن منهم وخرج الي الجنينه الملحقه بالڤيلا
معز .. عن اذنكم
عمر .. اتفضل
_نظر عمر لشهد وتحدث في حنان وهو يرتب علي ظهرها وقال
عمر .. خلاص بقي يا شوشو اهدي مش كدا
_اعتدلت شهد وقالت في حزن
شهد .. محصلش حاجه
_ ثم نظرت اليه في ابتسامه وقالت
شهد .. انت عامل ايه في الشغل والمدرسه والدروس
عمر .. الحمد لله
حنين .. باستغراب . انت لسه بتدرس معقول !!
شهد .. لا دا شغل اصله مدرس فرنساوي بس ايه شاطر جدا جدا
حنين .. بابتسامه . بجد بس الفرنساوي دا ماده رخمه قوي وصعبه كدا وملعبكه في نفسها  ، ومش عارفه هعمل فيها ايه في السنه الزفت دي
شهد .. بابتسامه . مفيش حاجه صاعبه مع المذاكره ، انتي ذاكري وربنا مش هيضيع تعبك باذن الله
حنين .. كنت بذاكر فيها السنه اللي فاتت عديت فيها بالعافيه ، هي الماده الوحيده اللي فاشله فيها
_ثم اكملت في احراج وقالت
حنين .. طيب بما انك شاطر فيها كدا لو فاضي ممكن تذاكر ليا
_استغرب عمر منها ومن طلبها ، ولكن تحدث في هدوء وابتسامه وقال
عمر .. مفيش مشكله بس استأذني من والدك واخوكي الاول
شهد .. بابتسامه . من رأي بلاش عمر اللي يذاكر ليكي انا بحذرك اهو
_ابتسم لها عمر لانه يعرف لماذا تقول هذا ، بيمنا تحدثت حنين في استغراب وقالت
حنين .. ليه يعني مش انتي لسه قايله انه  شاطر جدا
شهد .. بضحكه . الصراحه هو شاطر جدا جدا وكان ممتاز في كل المواد ، بس هو من النوع المتعصب في المذاكره ، بالذات في الماده اللي هو بيعشقها
حنين .. باستغراب . ازاي يعني مش فاهمه
شهد .. بضحكه . لما كان ييذاكر ليا وكنت اغلط في النطق او الحرف كانت ايده بتسلم علي قفايا
حنين .. بدهشه . بجد الكلام دا
عمر .. هههههه انتي اللي كنتي فاشله اكيد مش كل الناس زيك ولا ايه
شهد .. بتزمر . علي فكره مكنتش فاشله قوي يعني هااا
عمر .. ههههه لا يا شيخه وبعدين مش مهم اللي بيحصل في المشوار المهم النهايه ولا ايه
حنين .. بابتسامه . فعلا عندك حق المهم النهايه وانا بصراحه نفسي النهايه تكون كويسه ومرضيه
_في هذا الوقت جاء معز ووجدهم يضحكون وتحدث في هدوء وابتسامه
معز .. معلش طولت عليكم
_تحدثت شهد في خفوت ولكن سمعها وقالت
شهد .. ياريتك ما جيت
_نظر لها عمر وقال في هدوء
عمر .. ولا يهمك يا معز
_تحدثت حنين في حماس وقالت
حنين .. معز عندك اعترض ان عمر يذاكر ليا
_رفع معز حاجبه في استغراب وتحدث في حده احرجت عمر وقال
معز .. نعمم يعني ايه يذاكر ليكي وليه ؟؟!
_احست حنين بتوتر الاجواء وقالت في هدوء
حنين .. لا مش كدا بص هو مدرس فرنساوي وانا فاشله جدا في الفرنساوي فقلت يذاكر ليا ها قلت ايه ؟؟
معز .. بتفهم . طيب مفيش مشكله ، شوف الوقت المناسب ليك وانا هكون منتظرك
عمر .. بهدوء . مفيش مشكله هشوف كدا وابلغ شهد
معز .. تمام
عمر .. بابتسامه . طب استأذن انا
شهد .. بزعل . علي فكره لسه بدري وانت مكملتش ساعه معايا
عمر .. بهدوء . معلش يا شوشو هعوضك بكرا هيكون اجازه وهفضل معاكي كتير
شهد .. بدموع . خلاص يا عمر اللي يريحك
عمر .. ايه دا انتي بتعيطي ليه دلوقتي والله غصب عني
شهد .. وهي تجفف دموعها . مش بعيط خلاص
_تحدث عمر في استأذان وهو هينهض من مكانه واوقف شهد معه وقال
عمر .. بابتسامه . عن اذنكم شويه وهرجعهالك
_ابتسم له معز وقال في هدوء
معز .. اتفضل يا عمر بس متغبش كتير
_احاط عمر ذراعه حول خصر شهد وقربها اليه وكان يجعلها داخل احضانه ، مما جعل معز يغضب
_نظرت له حنين في استفزاز وهي ترفع حاجبها له وقالت
حنين .. علي فكره دا اخوها ها
معز .. بغضب خفيف . عارف علي فكره
حنين .. طيب كويس انك عارف ملهاش بقي لازمه الغيره دي
معز .. وانتي مين قالك اني غيران ، انا مش غيران
حنين .. ههههه باين عليك قوي علي فكره انك غيران
معز .. بغضب . بت انتي اسكتي انا مش ناقصك
حنين .. ههههههههههه والله غيران ، اعقل يا معز مش كدا ههههههه
معز .. تصدقي انك واحده مستفزه غوري يابت من وشي
حنين .. خلاص خلاص هسكت والله
_نظر لها معز نظرات غاضبه واخذ يفكر في ما قالته حنين للتو ، ايعقل ان تكون هذه غيره ، ولكن انا لا احبها وكيف اغار عليها وانا لا احبها
_________________________
عند عمر وشهد في الخارج
_كانت شهد تبكي داخل احضان عمر وهو يحاول ان يجعلها تهداء ، تحدث عمر لها وهو يقول
عمر .. اهدي يا شهد مش كدا في ايه كل ما تشوفيني تعيطي
شهد .. ببكاء . يا عمر انا عايزه اروح معاك انا مش مرتاحه هنا بالله عليك علشان خاطري
عمر .. طب اهدي طيب
_جففت شهد دموعها وقالت في حزن
شهد .. طلقني ياعمر بالله عليك خليه يطلقني وانا مش عايزه اي حاجه وكمان مش عايزه اتجوز تاني
عمر .. بحزن . طلاق ايه يا شهد ليه يا حبيبتي بتقولي كدا
شهد .. مش قادره استحمل الوضع دا يا عمر امه بتعملني بقسوه ومش طيقاني
عمر .. بغضب خفي . معلش يا حبيبتي هي كمان معزوره دا مهما كان ابنها وهي متعرفش اللي حصل
_ زادت شهد في البكاء وضمها عمر اليه في حنان وظل يرتب علي ظهرها لكي تهداء ، وبعد فتره ابعدها عمر وقال لها في حنان
عمر .. امسكي يا شهد
_نظرت له شهد في استغراب وقالت
شهد .. ايه دا يا عمر
عمر .. خدي خلي الفلوس دي معاكي وانا هخلي ملك تشتريلك هدوم غير اللي عندك
شهد .. حبيبي انا مش محتاجه انا معايا
عمر .. مفيش الكلام دا وخدي كمان الفون دا خليه معاكي
_نظرت له شهد في استغراب من اين اتي بكل هذا فقالت في تحذير
شهد .. انت جيبت كل دا مين ، اوعي يا عمر تكون رجعت للشغل الزفت دا تاني
_قال عمر في صدق وبابتسامه مرحه
عمر .. ههههه لا والله ابدا وبعدين انا وعدتك اني خلاص مش هشتغل فيه تاني وانا عند وعدي ليكي
شهد .. بجد !! والفلوس دي منين والفون كمان شكله غالي
عمر .. بحب . مفيش حاجه تغلي عليكي يا قمر انتي
شهد .. بجديه مصطنعه . متغيرش الموضوع يا عمر
عمر .. بتنهيده . ماشي يا ستي الفون اشتريته قسط والفلوس دي كانت معايا كملت عليهم ووصلتهم لي خمس الالف وقلت اكيد هتحتاجي هدوم جديده ، وكمان موضوع  الجواز دا جيه بسرعه معرفتش اجبلك هدوم
شهد .. بدموع . ربنا يخليك ليا وميحرمنيش منك يارب
عمر .. بمشاكسه . ولا منك يا قلبي يلا بقي خديهم وادخلي علشان ترتاحي
_اخذت شهد الهاتف والمال من عمر وضمته اليها بقوه ، وبعد فتره ابتعدت عنه وجففت دموعها وقالت في ابتسامه وحب
شهد .. خلاص متكلفش نفسك تاني بقي وهنزل انا وملك ونبقي نشتري بالفلوس دي
عمر .. خلاص يا جميل ولو عزتي اي حاجه ابقي كلميني علطول ماشي
شهد .. حاضر
_اقترب منهم محمد المغربي وتحدث في ابتسامه وترحاب لعمر وقال
محمد .. ازيك يا عمر يابني
عمر .. بابتسامه . الحمد لله يا محمد باشا ، حضرتك عامل ايه
محمد .. الحمد لله يابني ، ازيك يا شهد
شهد .. بخفوت . الحمد لله
محمد .. واقفين كدا ليه تعالي يا عمر ادخل جوا
عمر .. بابتسامه . ربنا يخليك بس انا لازم امشي لاني متأخر علي الشغل
محمد .. انت دايما كدا مستعجل
عمر .. بابتسامه . لا مش كدا قعدت شويه بس فعلا معايا شغل
محمد .. ماشي يابني ربنا معاك
عمر .. امين يارب
_صافح عمر محمد المغربي ، وضم شهد اليه وقبل جبينها بحب وقال
عمر .. عايزه حاجه يا قلبي
شهد .. بحزن . عايزه سلامتك سلملي علي ملك وخليها تيجي ماشي
عمر .. ان شاء الله
_ذهب عمر الي الخارج ، تنهدت شهد بقوه علي فراق اخيها ، نظر لها محمد المغربي في حزن علي ما وصلت اليه وقال في حنان ابوي
محمد .. ربنا يخليكم لبعض يابنتي
شهد .. بهدوء . امين يارب
محمد .. بابتسامه . ها قوليلي بقي حفيدي عامل ايه ، انا عايزك تهتمي بيه كويس ماشي
_ابتسمت  شهد ووضعت كفها علي بطنها وقالت في هدوء
شهد .. الحمد لله حفيدك كويس ، بس امه اللي مش كويسه خالص
محمد .. بحزن . انا عارف ان الموقف صعب عليكي بس معلش يا بنتي استحملي ، محدش عارف الخير فين وان شاء الله ربنا هيعوضك خير علي صبرك علي قضاء ربنا
شهد .. بابتسامه . يارب يا رب
محمد .. طيب تعالي نذخل لاحسن انا كبرت مش حمل الوقفه دي
_ابتسمت شهد علي كلامه وذهبت معه ، ووضع كفه علي ظهرها وتوجهو الي الداخل
_دخل محمد المغربي وشهد الي الداخل ، همست حنين لي معز وقالت في استفزاز
حنين .. توتو اوعي تكون غيران كمان من ابوك
معز .. بغضب . بس يابت انتي وخليكي في حالك
_لم ترد عليه حنين وقالت في ابتسامه موجهه الي ابيها
حنين .. ازيك يا بابتي
محمد .. الحمد لله يا بنتي ، غريبه يعني والدتك مش هنا
حنين .. بسخريه . فوق مع سحليه هانم عاملين اجتماع مغلق
محمد .. ههههه يابت مش هتبطلي طولت لسانك دي
حنين .. بتذمر . بصراحه يا بابتي مش ناويه ابطلها ، وبعدين هي تستاهل كل خير والله
_نهض محمد من مجلسه وهو يتوجه الي الاعلي  وقال في هدوء
محمد .. ربنا يهديكي يا بنتي
_كان معز ينظر الي شهد ووجدها ممسكه بالهاتف والمال ايضا ، فقال في غضب حاول ان يخفيه
معز .. قومي يا حنين شوفي وراكي ايه
حنين .. برفعت حاجب . مش ورايا حاجه ، بس لو عايز تزحلقني قول معنديش مانع اني اتزحلق بس كله بحسابه
_تحدث معز في غضب ، مما جعل شهد ترتبك في مكانها وقال
معز .. بغضب . حنييييين
حنين .. بفزع . انا مش موجوده اصلا يا حبيبي ومشيت من بدري
_وفرت من امامه هاربه ، وكانت شهد في اشد حالات خوفها فهي بطبيعتها هادئه وتخاف من اي شي
_كادت شهد ان تنهض من مجلسها ولكن اوقفها معز وهو يقول في حده
معز .. ايه اللي في ايدك دا
شهد .. بخوف خفي . مش حاجه
معز .. برفعت حاجب . بجد !!؟
شهد .. بحده . اه وعن اذنك بقي محتاجه ارتاح شويه
معز .. بغضب . استغفر الله العظيم ، يابنت الناس مش عايز ازعلك واتصرف تصرف مش هيعجبك وبحاول اكون لطيف معاكي وانتي مصممه انك تستفزيني مش عارف ليه
شهد .. بحزن . دي فلوس عمر ادهالي علشان اشتري هدوم علشان اكون قد المستوي بتاعكم
معز .. بهدوء . طيب معرفتنيش ليه انتي حاليا مراتي وكل طلباتك عليا انا مش علي اخوكي يعني اي حاجه تعوزيها تطلبيها مني مش من اخوكي
شهد .. انا مطلبتش منه علشان اطلب منك بس هو اللي اصر اني اخدهم
معز .. بتنهيده . طيب ممكن الفلوس دي ترجع واي حاجه كنتي هتشتريها انا هجبهالك
شهد .. بدموع . مش عايزه منك حاجه ومش هاخد منك فلوس
معز .. استغفر الله ، ام ابني ربنا يهديكي اسمعي الكلام من اول مره لان بجد انا طاقتي خلصت معاكي في المناهده
شهد .. بغضب . انت ايه مشكلتك انا مش فاهمه
معز .. مشكلتي اني انتي دلوقتي بقيتي مراتي يعني اي حاجه تعوزيها تطلبيها مني مش من حد تاني وهتكون عندك وكل طلباتك مجابه
شهد .. بحده . هيطلقني
_استغرب معز الكلمه وتوهم انه لم يسمعها جيدا ، فقال في استغراب وهو يرفع حاجبه
معز .  نعممم بتقولي ايه
شهد .. ببرود . بقولك عمر هيطلقني منك ، مش خلاص ابنك هيتكتب شرعي
_كان معز ينظر اليها بغضب وحده واسفهام واستغراب وعدم فهم ، كانت حالته مختلفه بعد سماع هذه الكلمه ، كان يود ان يضربها بسبب ما قالته ، فاق من حالته وهب واقفا من مجلسه وقال في حده وغضب ونبره لا تقبل النقاش
معز .. بغضب . اقسم بربي لو نطقتي كلمه طلاق تاااني هتشوفي معامله مختلفه بجد المره دي سااااامعه ، وبالنسبه للفلوس لو اتصرف منها جنيه واحد اقسم بربي لمنعك من اخووكي خاااالص سااامعه
شهد .. ببكاء . انت بتعمل معايا كدا ليه هااا انت بتعاند معايا ليه
معز .. علشان الزوق مش نافع معاكي يبقي نتعامل بقي بطريقه مختلفه يمكن تجيب نتيجه
_نهضت شهد من مجلسها ووقفت امامه في غضب ، كانت تود ان تقتله في هذه اللحظه ، ولكن لم تقدر ، فالقت المال في وجهه وقالت في غضب
شهد .. خد رجعه ، ربنا يخدك ويريحني منك
_غادرت شهد وصعدت الي الغرفه
_حزن معز عليها ولعن نفسه علي ما قاله لها وجعها تحزن هكذا ، وقال في نفسه
معز .. استغفر الله العظيم ، يارب حلها من عندك يارب ، انا مبقتش عارف اعمل معاها ايه ومكنتش عايز اتعامل معاها كدا ، بس هي اللي استفزتني ، ربنا يهديكي عليا يا شهد ويحنن قلبك وترجعي عن اللي في دماغك ، انا لازم اكلم عمر واخليه يكلمها اكيد هي هتسمع كلامه
_ثم تنهد بعمق وجلس في مكانه مره اخري واخذ يفكر ماذا يفعل معهااا
___________________________
عوده بالزمن في غرفه محمد المغربي
كانت وفاء وسهي يتحدثون
سهي .. بغضب . شوفتي يا طنط ابنك عمل ايه يروح يتجوز ويسبني
وفاء .. اهدي بقي يا سهي ومتقلقيش هنلاقي حل ان شاء الله
سهي .. بتوتر . حل ايه بس هو ابنك خلي حد يعرف يلاقي حل وكمان حامل
وفاء .. بتفكير . اكيد يا سهي ، مفيش مشكله والي لازم يكون ليها حل
سهي .. بشر . انتي ممكن تطرديها يا طنط ونرتاح منها ومن قرفها
وفاء .. غبيه وهتفضلي طول عمرك غبيه ، لو طردناها دلوقتي هو هيفضل معاها علطول وكدا يبقي هي ارتاحت ، لكن لو فضلت هنا تحت عنينا هيكون احسن ، لانه هينزل الشركه وهي هتفضل لوحدها هنا ، وكدا احنا هنعرف نتصرف معاها ونسويها علي نار هاديه
_ابتسمت سهي بخبث وقالت
سهي .. امممم فعلا عندك حق يا طنط ، صبرك عليا اما وريتك وخليتك تقولي حقي برقبتي مبقاش انا سهي
_في هذا الوقت دخل محمد المغربي وقاطع وصله الشر التي كانت بينهم ، وقال في استغراب
محمد .. سهي ، اذيك يا يابنتي
سهي .. بابتسامه . الحمد لله يا انكل ، حضرتك عامل ايه
محمد .. الحمد لله بخير
سهي .. طيب عن اذنكم استأذن انا
محمد .. اتفضلي
_ذهبت سهي وتوجهت خارج الغرفه ، بينما قال محمد في حده خفيفه
محمد .. سهي بتعمل ايه هنا
وفاء .. بلا مبالاه . عادي يا محمد ، عزه سافرة وهي جت تقعد هنا علشان متفضلش لوحدها
محمد .. باستغراب . غريبه يعني ؟؟!
وفاء .. ايه هو اللي غريب في كدا
محمد .. انك تقعدي وتتكلمي معاها ، طول عمرك مش مختلطه بيها حتي لما كانت خطيبه ابنك ، جايه دلوقتي بعد مااتجوز تتقربي منها
وفاء .. بملل . عادي يعني يا محمد دي في الاول والاخر بنت اختي
محمد .. بس نيتها مش كويسه ، وانتي عارفه كدا وعارفه انها طماعه وطمعانه في مال ابنك مش اكتر
وفاء .. بحده . واللي ابنك جايبها تحت دي مش طماعه
محمد .. بحده . لا مش طماعه يا وفاء
وفاء .. بغضب . ومالك متأكد كدا ليه ؟ زي ما يكون عارفها من زمان
محمد .. بحده . لانها فعلا مش طماعه ، اتغيرتي قوي يا وفاء مكنش دا طبعك ، طول عمرك بتحني علي الغريب قبل القريب ودي بقيت مرات ابنك وام حفيدك اللي جااي ، كنت متخيل انك هتخديها في حضنك وتطبطبي عليها وتعوضيها عن اليتم اللي كانت فيه وحرمنها من امها ، وكسره قلبها من اللي ابنك عملو فيها
_حزنت وفاء فهي فعلا دائما تحن علي اي شخص ولا يهمها اذا كان غني او فقير ، ولكن انتبهت الي حديث محمد وقالت في استغراب وقلقل
وفاء .. ابني !! هو ابني عمل فيها ايه ؟؟
محمد ..
_______________________
وبكدا الفصل خلص رايكم وتوقعاتكم للي جااااي يا تري ايه اللي هيحصل ؟؟ يا تري محمد ممكن يقول لي وفاء؟؟؟؟ ومعز هيعمل ايه بعد اللي هببه معاها دااا ؟؟؟ وشهد هتتصرف ازاااي معاااه بعد اللي حصل ؟؟
ممنوع النشر بدون اذني
💔نهايه الحرام 💔 بقلمي ((ايمان عامر ))