((نهايه الحرام )) بقلمي ((ايمان عامر ))

((الفصل السادس عشر ))((نهايه الحرام))

((الفصل ال 16 ))
((نهايه الحرام ))
بقلمي (Eman Amen))

في ڤيلا المغربي
كان معز في حاله من القلق والغضب 
سليم ..  اتصل علي اخوها وخد منه الرقم وحاول تتواصل معاها
معز .. بغضب . يابني ادم افهم الفون معايا اهو
_القي معز الهاتف امامهم  وهو مازال علي نفس غضبه وقلقه عليها
محمد .. طب اتصل بيه يمكن هي عنده
معز .. اتصل بيه اقوله مراتي مشيت من غير اذني ومعرفش فين شوفها كدا عندك  ولا لا
حنين .. انت خسران حاجه اتصل واسأله يمكن عنده بدل القلق اللي احنا فيه دا
_امسك معز الهاتف وهاتف عمر وبعد فتره جاءه صوت عمر وهو يقول
عمر .. السلام عليكم
معز .. وعليكم السلام عامل ايه يا عمر
عمر .. الحمد لله انت عامل ايه وشوشو عامله ايه
معز .. بتنهيده . الحمد لله ، انت فين كدا
عمر .. باستغراب . انا حاليا  مروح البيت ليه في حاجه
معز .. طب شهد متصلتش بيك او قالتلك انها جيالك
عمر .. بقلق . لا مكلمتنيش من امبارح طيب ممكن تعرفني فيه ايه
معز .. بخجل . اختك مش في البيت والحارس قال انها خرجت
عمر .. بقلق . خرجت !! خرجت ازاي يعني وخرجت لوحدها ولا حد معاها
معز .. لوحدها قلت ممكن تكون عندك
عمر .. لا مجتش بس هطلع اشوفها يمكن فوق
معز .. تمام ابقي عرفني
عمر .. تمام
_صعد عمر الي الشقه الخاصه به وظل يبحث عن شهد ولم يجدها ، كان القلق هو المسيطر عليه في هذا الوقت
_هاتف معز مره اخري وهو يتجه الي الخارح مره اخري ، وكان يتحدث بقلق
عمر .. مش فوق
معز .. بتنهيده . طيب انا هتصرف
عمر .. بغضب . هتتصرف ازاي هاااا وبعدين ازاي تخرج كدا من غير ما حد يعرف ولا تعرف هي رايحه فين
معز .. بغضب . ياعمر انا مش ناقص اقسم بالله اللي فيا مكفيني وقولتلك هتصرف متقلقش
عمر .. بغضب . مقلقش !! مقلقش ازاي وانا اختي وهي في البيت سيتك اغتصبتها قولي بقي وهي في الشارع ومحدش عارف عنها حاجه هيكون حالها ايه دلوقتي
_غضب معز بشده وكانت الغيره تنهش به بسبب التفكير في هذا وتحدث في عصبيه وقال
معز .. بقولك ايه انا مش ناقص حرقه دم سلام
عمر .. ماشي ثواني وهكون عندك واقسم بالله اختي لو جرلها حاجه هشرب من دمك يا معز سااامع
_اغلق عمر الهاتف بعصبيه وخوف علي شهد وكان يدعي بداخله ان يحفظها الله له من كل شر .

عند شهد

_كانت توجد في كافيه وتستند برأسها علي الطاوله التي امامها
_رفعت رأسها بالم ونظرت باستغراب للمكان الذي توجد فيه ، نظرت حولها ولم تجد سهي بجوارها وكان رأسها يؤلمها بشده وظهرها ايضا بسبب جلوسها علي الكرسي لفتره طويله ونومها علي الطاوله التي امام الكرسي
_رأت النادل ياتي لها وتكلم باستهزاء وقال
النادل .. اخيرا صحيتي
شهد .. باستغراب . افندم ، وهو انا كنت نايمه اصلا
النادل .. هههههه نايمه دا انتي كنتي مع الاموات ، حضرتك جيتي هنا من الساعه واحده وحاليا الساعه 5
_قامت شهد من مكانها بفزع وقالت في خوف
شهد .. يانهار ابيض ، الساعه 5
النادل .. ايوا واتفضلي حضرتك بقي لان دا مكان اكل عيش مش مكان للنوم
شهد .. بحرج . امممم طب لو سمحت كان معابا انسه هنا راحت فين
النادل .. لا حضرتك مكنش في حد موجود معاكي انتي كنتي لوحدك
شهد .. باستغراب . افندم لوحدي ازاي يعني انا عارفه بقولك ايه وبقولك كان معاي واحده
النادل .. بزهق . بقولك مكنش في حد معاكي وانتي كنتي لوحدك ايه اغنهااالك ، اتفضلي من هنا بقي يلااا
شهد .. بخوف . طب خليني هنا لحد ما هي تيجي اكيد هتيجي انا معرفش انا فين ولا حتي اعرف عنوان البيت
النادل .. بغضب . استغفر الله العظيم ، اتفضلي حضرتك من هنا بدل ما اتصرف تصرف مش هيعجبك خاالص اتفضلي بقي
شهد .. بحزن وتوتر . طب ممكن تديني موبايل اكلم جوزي او اي حد اعرفهم  بس المكان اعتبرني اختك
النادل .. بقولك ايه جو الشحاته دا فكك منه الاشكال دي بتتردد عليا كل يوم واتفضلي بقي من غير مطرود يلا
_نظرت له شهد بغضب ، خرجت شهد من الكافيه وهي خائفه وحزينه وكانت خطوتها بطيئه جدا
_وقفت شهد في الشارع وكان مظلم بشده علي الرغم من عدم تأخر الوقت ، لم تبتعد شهد عن الكافيه لوجود الاضائه بجواره
_وقفت شهد تبكي بقوه علي ما يحدث معها وكانت تدعي ربها ان ينجيها من ذلك ويبدل لها الشر بالخير
_بعد مرور فتره من الوقت كانت تقف شهد ومستنده علي الجدار ، ولاحظت اقتراب رجلين منها ، تذكرت ذلك اليوم وكانت في قمه الخوف في ذلك الوقت ، كانت تبتعد بهدوء ظنا منها انهم لم يلاحظوها
الرجل الاول .. معقول القمر دا واقف لوحده كدا
الرجل الثاني .. لو غدر بيكي تعالي ومش هتندمي
شهد .. ببكاء . انتو عايزين ايه
الرجل الثاني .. توتو انتي بتعيطي ليه بس وهو دا وقت عياط
الرجل الاول .. عايزين كل خير طبعا اهو علي الاقل تترحمي من قعده الشارع مش كدا ولا ايه يا محسن هههههه
محسن .. الله ينور عليك ،تعرفي ان فوزي عنده حق قعده الشارع صعبه جدا ،  تعالي بقي مش هنقضي اليوم كله هنا علي الرصيف
_امسك محسن شهد من معصمها ، حاولت شهد ان تفلت يديها ولكن لم تقدر وكانت لا تكف عن البكاء والصراخ والتوسل لهم ان يتركوها
شهد .. ببكاء . بالله عليكي سيبني عااااااااا ابعد عني
محسن .. بقولك ايه انتي كدا كدا هتيجي تعالي من غير دوشه وشوشره علشان متصرفش تصرف مش حلو
شهد .. عاااااااا حد يلحقني يااااانااااااااس
فوزي .. ياعم اكتم السرينه دي
شهد .. لالالا بالله عليك بالله عليك سبني
_جاء محسن  ان يسحبها ولكن اوقفه شخص ما  وسحب شهد خلف ظهره وقال  
الشخص .. مش رجوله علي فكره اتنين رجاله علي واحده ولا ايه
محسن .. خليك بعيد انت يا برنس ومكلش دعوه بالموضوع دا
الشخص .. بهدوء مستفز . ولو مبعدتش هتعمل ايه
فوزي .. هنعمل كدا
_جاء فوزي ان يلكمه ولكن تفدا الضربه وامسك بيده وجعلها خلف ظهره وضرب رأسه في الحائط بقوه عدت مرات مما جعله يفقد  الوعي ، وجاء ان يمسك بالاخر ولكنه هرب من امامه
_ ابتسم بنصر ونظر خلفه ووجد شهد تبتعد عنه  ، ذهب  خلفها وامسكها من معصمها ، ابعدت شهد كفه وقالت في خوف
شهد .. انت عايز ايه هااا
الشخص .. ممكن تهدي طيب علشان نعرف نتكلم
شهد .. مفيش حاجه نتكلم فيها ، ممكن تسبني بقي
الشخص .. بابتسامه ، انا احمد وانتي
شهد .. بغضب . وانت مالك انت عن اذنك
احمد .. اصبري طيب يا انسه انتي ايه اللي مخليكي في حته مقطوعه زي دي لوحدك كدا
شهد .. ببكاء .. بنت خالت جوزي جبتني هنا ومشيت ومعرفش ازاي نمت والوقت اتأخر ومعرفش انا فين ولا حتي معايا موبايل اكلم حد يجيلي
احمد .. باستغراب . انتي متجوزه
شهد .. ايوا في جاحه
احمد .. احمم لا ابدا مش قصدي ، انا ممكن اساعدك
شهد .. بفرحه . بجد
احمد .. امممم اتفضلي يا ستي الفون واتكلمي
_اعطي احمد الهاتف لي شهد
_فرحت شهد  وحمدت ربها ، اخذت الهاتف وضغط عده ارقام وكان رقم اخيها بعد فتره جاءها صوت عمر وهو يتحدث
عمر .. الووو
شهد .. ببكاء . عمر
عمر .. بفرحه . شهد ، شهد حبيبتي انتي كويسه ها
_انتفض معز علي اثر سماعه لاسم شهد وذهب واخذ الهاتف من عمر وفتح مكبر الصوت ، وقال في فرحه ممزوجه بالخوف
معز .. شهد انتي فين ، انتي كويسه ؟
شهد .. ببكاء . لا مش كويسه ومش عارفه انا فين وخايفه جداا بالله عليك يا معز ما تسبني هنا انا هموت من الخوف
_حزن معز بشده وفرح في ذات الوقت لسماعه لي اسمه لاول مره وانها تحتاج له وقال
معز .. بقلق خفي . اهدي اهدي متخفيش عرفيني انتي فين ودقايق وهكون عندك
شهد .. وهي تجفف دموعها . معرفش انا فين
عمر  .. شوفي اي حد في الشارع وخليه يعرفك العنوان اللي انتي فيه
شهد .. طيب بص خد صاحب الموبايل هيعرفك انا فين بس متتاخرش بالله عليك يا عمر
عمر .. متخفيش يا قلبي
_اخذ احمد الهاتف واخبره المكان ، ثم فصل الهاتف بسبب الشبكه
_تحرك كل من سليم وعمر ومعز بالسياره الي مكان شهد
_كان معز يسابق الزمن لكي يذهب اليها في اسرع وقت ، وعلي الرغم من معرفته لمكانها مازال القلق عليها ملازمه وكان يدعي بصمت ان يخفظها الله له

عند شهد
احمد .. بابتسامه . بس مكنتش متخيل انك متجوزه
شهد .. باستغراب . نععععم
احمد .. مش قصدي اعاكس علي فكره دا  مجرد سؤال
شهد .. امممم
احمد .. تعالي اقعدي في العربيه بدل الوقفه في الشارع كدا
شهد .. بخوف . لا ا.انا مرتاحه كدا
احمد .. احممم انا مش قصدي اخوفك والله بس قولت ترتاحي
شهد .. شكرا ليك انا مرتاحه كدا
احمد .. طيب علي راحتك
_صمت احمد فتره وبعد ذلك تحدث مره اخري وقال
احمد .. معز دا جوزك مش كدا
شهد .. باستغراب . وانت عرفت منين
احمد .. بابتسامه . ههههه كان واضح في صوته انه مش بس خايف لا دا كان في حاله رعب عليكي
شهد .. ما اخويا بيخاف جدا عليا
احمد .. بابتسامه . ربنا يخليهم ليكي ويخليكي ليهم
شهد .. بابتسامه . تسلم
احمد .. بس الظاهر بنت خالته دي منفسنه منك جدا
شهد .. ليه بتقول كدا يمكن حصل معاها حاجه  انا قلقانه عليها جدا وخايفه يكون حد من الكافيه اذاها
احمد .. هههههههههه الظاهر انك طيبه وعلي نياتك ومتعرفيش النفوس فيها ايه
شهد .. متعودتش اظلم حد ، ودايما احط اعذار للناس
احمد .. مش بقولك انك طيبه ، والطيبه في الزمن دا ملهاش وجود
شهد .. مش المشكله في الزمن ، المشكله في البشر ، الزمن طول عمره هو الزمن ، لكن البشر فعلا بتتغير واحنا بنرميها علي الزمن
احمد .. باتسامه . روحك جميله جدا
شهد .. بانتباه . في عربيه جايه هناك الظاهر انهم وصلو
احمد .. بابتسامه . مش بقولك خايف عليكي
_نظرت له شهد في خجل وصمتت ، اقترب منها معز وضمها اليه بقوه ، وهي ايضا تمسكت به بقوه ، وبعد فتره تحدث معز وقال 
معز ..  انتي كويسه فيكي حاجه ؟
_ابتعدت شهد منه وقالت وهي تجفف دموعها
شهد .. لا بس كانت هموت من الخوف وانا بخاف من الضلمه جدا
_ضمها معز مره اخري اليه بقوه وقال في حزن عليها
معز .. خلاص اهدي بقي ، والحمد لله انك بخير ودا اهم حاجه دلوقتي
_اقترب عمر وسليم من احمد وتحدث عمر اليه وقال
عمر .. شكرا ليك بجد علي وقفتك جنبها انت ربنا بعتك لينا من السماء
احمد .. بابتسامه . مفيش شكرا ولا حاجه وبعدين اي حد مكاني كان هيعمل كدا وحمد لله علي سلامتها
عمر .. الله يسلمك عن اذنك
_ذهب عمر وسحب شهد من معز وضمها هو  وقال في مرح
عمر .. علي اساس اني كنت معاكي علي الرصيف ولا ايه ، وبعدين انا الصدر الحنين مش هو ولا دي لخبطه توهان ولا ايه
شهد .. بكسوف . ههههه لا بس كنت خايفه قوي
عمر .. هههههه فاقولتي اي حضن والسلام مش كدا
_ضربت شهد عمر علي صدره بقبضتها بخجل من كلامه  واخفت وجهها داخل احضانه وقالت
شهد .. بحنان . هتفضل انت علطول الحضن  الحنين والدنيا كلها
عمر .. بحب . ربنا يخليكي ليا يا حبي ويحفظك من كل شر
معز .. بغيظ . دا انت عيل بارد وفصيل اقسم بالله
عمر .. باستفزاز . عارف ، عارف
_ذهب معز الي احمد وشكره ، ذهب احمد الي سيارته وانطلق بها
_اقترب معز وسليم من شهد وعمر وتحدث سليم وقال
سليم .. حمد لله علي السلامه
شهد .. الله يسلمك 
معز .. مش يلا ولا ايه
شهد .. يلا
_توقفت شهد فجأه وكانها  تذكرت شئ وقالت موجهه كلامها الي معز 
شهد .. مش انت تقدر تعمل اي حاجه
معز .. باستغراب . زي ايه قولي واللي انتي عايزاه لو اقدر اعمله مش هتأخر
شهد .. في حيوان جوا رخم عليا وهو السبب في اني اقعد في الشارع كدا ومكنش راضي يساعدني
معز .. بغضب . فين في الكافيه دا
شهد .. بحزن . اه ، وانا بصراحه كدا عايزا حقي
معز .. بغضب . تعالي معايا وشاوري عليه وسيبي الباقي عليا
_ذهبت شهد ومعز وعمر وسليم الي داخل الكافيه وكان معز بحاله لا تبشر بالخير 😊😊
____________________
وبكدا الفصل خلص رأيكم وتوقعاتكم
معز هيعمل ايه في النادل ؟؟؟؟ وياتري هو يستاهل العقاب ولا لا
وياتري سهي راحت فين ؟؟؟؟ وليها دخل باللي حصل لشهد ولا لا ؟؟؟؟
ممنوع النشر بدون اذني
💔نهايه الحرام 💔بقلمي ((ايمان عامر ))