((نهايه الحرام )) بقلمي ((ايمان عامر ))

((الفصل الثامن عشر))(( نهايه الحرام ))

عيد سعيد عليكم وكل سنه وانتو طيبين وينعاد عليكم بالخير والبركه والفرحه يارب 😍😍

((الفصل ال 18))
((نهايه الحرام))
بقلمي ((Eman Amer))

في صباح يوم جديد

في ڤيلا المغربي
كان الكل علي مائده الطعام يتناولو وجبه الافطار
حنين .. بغمزه . بس ايه النظام اول مره تنزلوا مع بعض
معز .. بابتسامه . الله اكبر في عيونك ، وبعدين دي مش اول مره
حنين .. لا ياعم اول مره ارجع كدا بالذاكره هتلاقي انها اول مره
_اخذ معز يتذكر ولم يجد اجابه
حنين .. هههههه شوفت اول مره ، شكل السهره كانت صباحي
معز .. ههههههه ياريت والله انا اتمني حاجه زي كدا بس للاسف مفيش
حنين .. بغمزه . دا علي اساس انه محصلش ودي تفوتك بردو
معز .. ههههه اعدمك يارب عمرها محصلت من سعت الحمل
_كانت شهد في قمه خجلها وكانت تنظر لهم بخجل
محمد .. بس يا حنين كسفتي البت
وفاء .. انا مش عارفه انتي جايبه البجاحه دي منين
حنين .. ههههههه والله مرات ابنكم هي اللي خجوله زياده عن اللزوم
وفاء .. وانتي مينفعش تمسكي لسانك شويه
حنين .. مقدرش اعيش طبعا دا انا لو متكملتش اموت مخنوقه
محمد .. هههههههه لا وعلي ايه
وفاء .. وهي هتبقي ازاي وانت واخوها مدلعنها كدا
محمد .. بابتسامه . لازم تدلع طبعا دي نور عيني اللي بشوف بيها
حنين .. بحب . حبيبي يابابتي
_تنهدت وفاء بقله حيله ثم قالت باستغراب
وفاء .. امال فين دهبك يابنتي ليه مش بشوفك لبساه
_نظرت شهد الي معز في استغراب ولم تتحدث
_وفاء .. باستغراب . انتو بتبصو لبعض كدا ليه وهو انتو مخبين حاجه
معز .. بهدوء . ولا مخبين ولا حاجه يا امي بس انا مجبتلهاش دهب
_تفاجأت وفاء وحنين من هذا الرد نظرت وفاء الي زوجها وبعد ذلك وجهه نظرها الي معز وقالت
وفاء .. بغضب خفيف . وليه بقي ان شاء الله مكنش معاك تمن الشبكه ولا ايه
محمد ..بهدوء . سبيهم براحتهم يا وفاء هما حرين
وفاء .. ازاي يعني هما حرين ، وبعدين دا حقها وانا مرضاش لبنتي تتجوز من غير شبكه ، دا كفايه فرحه البنت في اليوم دا بتحس انها ملكت الدنيا بالدبله اللي بتبقي في اديها
_نظر معز الي شهد ووجدها تأكل في هدوء ولم تتحدث وابتسم ابتسامه خفيفه وقال
معز .. حاضر يا امي هشوف يوم اكون فاضي فيه واخدها ونروح ننقي الشبكه اللي تعجبها كدا مرتاحه
وفاء .. بتزمر . لا ، تاخدها النهارده مش بكرا
معز .. وانا ولا فاضي النهارده ولا حتي بكرا ، لان بقالي فتره غايب عن الشغل
وفاء .. بحده . خلاص هاخدها انا ومش مهم انت تكون معانا
محمد .. بهدوء . خلاص يابني روح انت  وخلص وتعالي علي الشركه
معز .. بتنهيده . حاضر يا بابا
شهد .. مفيش مشكله  لو اجلناها كام يوم
وفاء .. بابتسامه . لا طبعا فيه مشكله وبعدين دا حقك يابنتي وزيك زي اي بنت في الدنيا لازم تفرح
حنين .. بمداعبه . ايوا ياعم مين قدك وفاء هانم بنفسها بتدافع عنك
وفاء .. بابتسامه . ايوا طبعا مش بقيت بنتي ومرات ابني والاكتر بقي ام حفيدي
محمد .. شكلهم هيتفقوا عليك يابني خلي بالك بقي
شهد .. بابتسامه . ربنا يخليكي وانا والله مبقتش احس بالامان غير وانا هنا
حنين .. بمرح . قلبي الصغير لا يتحمل اقسم بالله
معز .. هههههه فصيله اقسم بالله  ، لو خلصتي اكل اطلعي غيري هدومك علشان نتحرك
حنين .. خمس دقايق واكون جاهزه
معز .. ببرود . وهو انتي حد كلمك انا بكلم ام ابني
حنين .. بغيظ . وانا ايه وام ابنك ايه مش واحد
معز .. باستفزاز . لا طبعا مش واحد هي حاجه  وانتي غوري في داهيه
حنين .. بغيظ . شايف يا بابتي ابنك بيقول ايه
محمد .. هههههه بس يا معز
وفاء .. لسه الوقت بدري جدا مفيش حد ممكن يكون فاتح في الوقت دا
معز .. بتتهيده . انا هتصرف المهم متتاخريش
شهد .. حاضر عن اذنكم
الكل .. اتفضلي
_ذهبت شهد الي الاعلي لكي تبدل ملابسها وارتدت فستان رقيق جدا كان لونه موف ويوجد بيه حزام صفير يلتف حول خصرها بالون الاسود ، وارتدت حجاب من اللون الاسود وكانت جميله جدا  وارتدت حذاءها واخذت حقيبتها وتوجهه الي الاسفل
_كان الكل انهي طعامه وذهب محمد المغربي الي الشركه وذهبت وفاء الي الخارج وجلس معز وحنين في حديقه الڤيلا  ، ذهبت اليهم شهد وتفاجاء معز وحنين من جمالها ، وكان الاعجاب ظاهر علي ملامحهم
حنين .. باعجاب شديد . يخربيت عقلك دا انتي طلعتي حلوه قوي
شهد .. بخجل . حبيبتي تسلمي عيونك هي اللي حلوه
حنين .. بابتسامه . دا انتي اللي عيونك وكلك حلوه والله
_نظرت حنين الي معز ووجدته سارح في جمال شهد
حنين .. معز   معز     معاااااااااز
معز .. بفزع . ايييه بتزعقي كدا ليه
حنين .. بغمزه . ام ابنك جاهزه
معز .. بانتباه . اه يلا  
_ذهبت شهد  خلف معز ، خرج معز من الڤيلا و فتح باب السياره لشهد
معز .. بابتسامه . اتفضلي
_صعدت شهد السياره ، تنهد معز بقوه  ، وذهب واستقل السياره وانطلق بها
شهد .. هو احنا ممكن نلاقي حد دلوقتي الوقت لسه بدري جدا
معز .. بابتسامه . لا طبعا
شهد .. باستغراب . والله ، ولما انت عارف كدا منزلني معاك من دلوقتي ليه
معز .. بحب . عايزه الحق ولا ابن عمه
شهد .. بابتسامه . اكيد الحق
معز .. هما سببين الاول علشان امي متضيقش
شهد .. والتاني
معز .. بحب . علشان تفضلي معايا وقدام عيني اطول ووقت ممكن
_نظرت له شهد بخجل وقالت في ارتباك
شهد .. و هقعد فين بقي الوقت دا كله
معز .. بحب . انتي اصلا قاعده في قلبي ومش محتاجه مكان تقعدي فيه
شهد .. بحده مزيفه . نعممم
معز .. بانتباه . قصدي هنروح الشركه هخلص شويه ورق وبعدين نروح نجيب احلي شبكه لاحلي ام ابني في الدنيا
شهد .. بعصبيه خفيفه . لو سمحت بلاش كلامك دا  خلي الحدود بنا زي ماهي
معز .. بحزن . وهو انا قولت حاجه وعلي العموم حاضر ياستي كدا مرتاحه
_تنهدت شهد وبعد ذلك وجهت نظرها الي زجاج السياره
_ تنهد معز بخيبه امل ونظر امامه ولكن كان يسرق النظر اليها كل فتره صغيره من الوقت ، بعد فتره وصل امام الشركه ، توقف معز عن القياده ، انتبهت شهد ونظرت له  ووجدته يلملم اشيائه من السياره
_فتح معز باب السياره ، وفتحت ايضا شهد الباب واستقلت خارج السياره
_توجهت شهد في اتجاه معز وضع معز يده خلف ظهرها بتلقائيه وقال
معز .. اتفضلي
_انتفضت شهد اثر لمسته وقالت في ارتباك وهي تزيح يده
شهد .. خليك بعيد
معز .. بتنهيده . حاضر يا ستي
_ذهب معز الي مكتبه ، دخلت شهد خلفه
معز .. اتفضلي اقعدي
_جلست شهد في المقعد المجاور للمكتب ، وخلع معز الچاكت الخاص به ووضعه علي ظهر المقعد وجلس عليه ، دخلت السكرتيه وقالت في احترام
مني .. تأمر باي حاجه يا مستر معز
معز .. ابعتيلي القهوه وهاتي واحد عصير  ، وبلغي سليم بوجودي
مني .. تحت امرك ، عن اذنك
معز .. اتفضلي
_ذهبت السكرتيه وبعد قليل دخل سليم المكتب علي الفور ، نظر في استغراب وقال
سليم .. السلام عليكم
شهد . معز .. وعليكم السلام
سليم .. ازيك يا شهد
شهد .. بقرف . كويسه
سليم .. باستغراب . دايما يارب
معز .. بتنهيده . في جديد
سليم .. اه في شركه عايزه تمضي معانا عقد شراكه هتكون برا مصر هي هتوزع برا واحنا هنوزع هنا بس هيكون بنفس الاسم والجوده
معز .. تمام حددت معاهم معاد ولا لسه
سليم .. اه طبعا والاجتماع بعد ساعه من دلوقتي ، راجع الاوراق والملفات يكونو وصلو ونبداء الاجتماع علطول
معز .. طيب ومحمد المغربي رائيه ايه
سليم .. كان معترض في الاول وبعدين وافق بس تحت مسؤليتك ، واي حاجه هتحصل انت المسؤل قدامه لو وافقت
معز .. بتنهيده . علي الله ، خلاص انا هراجع الاوراق وربنا يسهل
سليم .. تمام ، اروح انا بقي اكمل باقي شغلي
معز .. ماشي
_قام سليم من مكانه وذهب الي الباب وقبل ان يخرج التفت مره اخري وقال
سليم .. صحيح الواد اللي تحت دا اتكلم
معز .. بتنهيده . اخيرا ، وسجلتو كلامه ولا لا
سليم .. اكيد طبعا كله اتسجل متقلقش واتعمل معاه الواجب وزياده
معز .. بابتسامه . تسلم نردهالك في مصيبه ان شاء الله
سليم .. هههههههههههه ماشي ياعم سلام
معز .. هههههههه سلام
_ذهب سليم الي مكتبه ، وبعد لحظات من خروج سليم جاء العامل ووضع القهوه امام معز  والمشروب البارد امام شهد ، وبعد وضعهم قال في احترام
العامل .. تأمر باي حاجه تانيه ياباشا
معز .. لا ياعم حسن اتفضل انت
_ذهب العامل ونظر معز الي شهد وقال في هدوء
معز .. اتفضلي اشربي العصير
_امسكت شهد الكوب بينا يديها واخذت منه القليل
_ارتدي معز نظارته الخاصه وزادته وسامه علي وسامته ، واخذ كوب القهوه وشرب منه القيل ووضعه جانبا ، واخذ يتابع عمله ، الي ان تحدثت شهد بملل وقالت
شهد .. انت قدامك كتير
_رد عليها معز دون ان يرفع نظره عن الاوراق وقال
معز .. يعني شويه
شهد .. بملل . انا تعبت من القعده دي
معز .. ممكن تقعدي علي الكنبه مريحه عن الكرسي ، واللاب عندك افتحيه واتفرجي علي اللي انتي عايزاه
شهد .. بزهق . تو مش عايزه
معز .. خلاص هخلص ونمشي
_بعد مرور فتره من الزمن دخل سليم بعد ان طرق الباب واذن له معز بالدخول
سليم .. العميل وصل
معز .. طيب انا جاهز اصلا خلي مني تدخلهم في قاعه المكتب وانا هجيب الورق واحصلك
سليم .. تمام
_خرج سليم واخبر السكرتيره بما يريده معز وذهب ليجلب الاوراق من مكتبه
_وقف معز واخذ يلملم في الاوراق وذهب في اتحاه الباب الموئدي الي غرفه الاجتماعات اللاحقه بغرفه المكتب ولكن قبل ان يذهب قال في حنان
معز .. لو تعبتي من القعده دي ممكن تقعدي علي كرسي الكتب مريح شويه وتعرفي تفردي ضهرك
شهد .. ماشي
_ذهب معز ، وقامت شهد وتوجهه الي مقعد معز ، جلست عليه وشعرت بالراحه واخذت تتحرك بالمقعد الي ان تقربت به الي الكتب ، اخذت تفتش في الاوراق ولم تفهم شي
_دخل عليها معز مره ثانيه وقال
معز .. بتعملي ايه
شهد .. بخجل . كنت بحاول افهم حاجه مش فاهمه انتو ازاي بتفهمو كل دا
معز .. هههههه لازم نفهم يعني شوفي اخدت كام سنه وانا بتعلم هندسه لازم ابقي فاهم انا ماسك ايه وبعمل ايه
شهد .. بس الورق كله شبه بعض
معز .. بيتهيألك بس ، المهم اسيبك دلوقتي وهرجعلك تاني
شهد .. طيب
_اخذ معز مايريده وذهب الي الاجتماع ، وبعد فتره انتهي باتمام العقد بينهم ، وبعد تودع كل منهم للاخر ، دخل كل من معز وسليم الي غرفه المكتب ، ووجد شهد تستند برأسها علي المكتب ، استغربها معز وقال في قلق
معز .. ام ابني انتي كويسه
_رفعت شهد رأسها من المكتب وقالت في ارهاق من العدم
شهد .. امممم بس زهقت
معز .. براحه  . حاضر بس همر علي الموظفين بسرعه وراجع
شهد .. بملل . طيب
_خرج معز من غرفه المكتب ، وبعد فتره طويله ، عاد الي المكتب مره اخري ، ووجد شهد تضع وجهها علي كفيها بطريقه ممله ، كان مظهرها طفولي وجذاب
معز .. بابتسامه . ايه اللي عامل فيكي كدا
شهد .. مفيش من كتر ما انا مشغوله قولت اريح شويه
معز .. هههههههه خلاص ياستي انا خلصت قومي خلينا ننزل
_قبل ان تتحرك شهد من مكانها طرقت السكرتيه باب الغرفه وقالت في احترام
مني .. استاذ معز ، محمد بيه بيبلغ حضرتك انك تمضي علي الورق دا بس بعد ما حضرتك تراجعه
معز .. حاضر ، سبيه وانا هراجعه
_خرجت مني من غرفه المكتب ، نظرت له شهد بخيبه وتنهده بملل
معز .. بابتسامه . مكنتش اعرف انك بتزهقي بسرعه كدا
شهد .. اوووف انا تعبت وزهقت وبعدين انا من الصبح قاعده من غير اي حاجه
معز .. بابتسامه . معلش هخلص الورق دا ونمشي
_بعد فتره من الوقت انتهي معز من الاوراق وارسلها مع السكرتيره لكي تعطيها لمحمد المغربي
معز .. بحب . يلا
شهد .. اخر مره ولا ناوي تفتكر حاجه تاني
معز .. هههههههه لالا خلاص
_قامت شهد من مجلسها والتقطت حقيبتها وقبل ان تبتعد من مقعد معز ، تقدم معز لكي ياخذ الچاكت الخاص به ، اقترب منها بقوه واخذ ينظر في عيونها ، غرق في سحر عيونها واخذ يقترب منها حتي التصق بها ، ووضع يده خلف رأسها وقربها منه بقوه وهمس امام شفتيها
معز .. بحب . بحبك
_كانت شهد مخدره من قربه وقبل ان يقترب منها ويقبلها دفعته بقوه ، وقالت في حده
شهد .. انت اتجننت ، ازاي تقرب مني كدا
_تنهد معز بقوه حتي يهدء من مشاعره وقال قي اسف
معز .. انا مقصدش انا بس اندفعت بمشاعري حقك عليا
شهد .. بغضب . انا عايزه اروح
معز .. بحزن . اتفضلي
_ذهب كل من معز وشهد الي خارج الشركه واستقل سيارته وانطلق بها ، كانت شهد تنظر من النافذه ولم تنظر له ، وكانت الدموع معلقه في عيونها
_اوقف معز السياره وقال في حزن
معز .. ممكن اعرف الدموع دي لزمتها ايه
_جففت شهد دمعه هاربه وقالت في حده
شهد .. متهتمش ، وانا اصلا مبعيطش
معز .. بتنهيده . نفسي تبطلي العند اللي انتي في دا
شهد .. بحده . والله انا حره
معز .. انا والله مكنش قصدي اني اعمل كدا انا بس اندفعت بمشعري مش اكتر
شهد .. بحده . وياتري بقي كنت شارب ولا محتاج لمخدر علشان  تندفع بمشاعرك
معز .. بغضب . ولا دا ولا دا ياستي  ، وانا اتأسفتلك اعملك ايه تاني
شهد .. بحزن . بجد !! تعالي انا ادبحك بسكينه بارده واجي اقولك سوري مكنتش اقصد
معز .. بتنهيده . يلا ننزل علشان تروحي ترتاحي
شهد .. مش عايزه انزل ومش عايزه اشتري اصلا
معز .. يلا رينا يهديكي
شهد .. اوووف اوووف
معز .. بابتسامه . استغفر الله ، يلا يلا
_نزل معز وتوجه ليفتح لها باب السياره وقال في هدوء
معز .. انزلي يلا
_نظرت له شهد ثم ورجعت بنظرها الي الطريق ونزلت من السياره وقرأت اللافته ووجدتها خاصه بالمجوهرات فقط رجعت الي مقعدها مره ثانيه داخل السياره ، نظر لها معز في استغراب وقال
معز .. في ايه تاني
شهد .. مش هشتري من هنا انا عايزه دهب
معز .. باستغراب . امال دا ايه
شهد .. دا بتاع مجوهرات
معز .. والمجوهرات ايه والدهب ايه مش كلهم واحد
شهد .. لا طبعا في فرق
معز .. طب انزلي ربنا يهديكي
_اعتدلت شهد في مقعدها بتزمر وقالت
شهد .. مش نازله هااا
_نظر لها معز باستغراب وتذكر سهي عندما كانت تختار شبكتها وقالت ((سهي .. انا عايزه اختار شبكه من احسن جوهرجي فيكي يا مصر كلها ))
_ابتسم بخفه علي بساطتها ، فاق من شروده علي صوتها وهي تقول
شهد .. بغضب خفيف . يلاااا الشمس أورت دماغي
معز .. باستغراب . نعممم أورت دماغك
شهد .. اه
_اغلق معز باب السياره وذهب واستقل مقعده وقاد السياره وتحرك بها ووصل بها الي ما كانت تريده
_دخل كل من معز وشهد ، تحدث معز وقال
معز .. السلام عليكم
البائع .. وعليكم السلام اتفضل
معز .. بتنهيده . عايزين نشوف اشكال مختلفه وجديده للدهب زي كدا
_اشار معز علي طقم متكامل ولكن اعترضت شهد وقالت
شهد .. وانا مش عايزه طقم كامل
معز .. بتنهيده . امال عايزه ايه
شهد .. عايزه انقي كل حاجه لوحدها
معز .. بتعب . طيب هاتلها اللي هي عايزاه
احضر لها الصائغ  ما تريده وظلت تختار وكان معز يشاركها الرأي ، وبعد الانتهاء دفع معز الفاتوره وذهب الي السياره وفتح لها الباب وجلست علي مقعدها وذهب الي الجهه الاخري واستقل مقعده وقبل ان يحرك السياره نظر لها وقال في ابتسامه
معز .. مبسوطه
شهد .. بابتسامه خفيفه . لا
معز . ههههه والله العظيم تعبتيتي معاكي ومع عنادك دا
شهد .. بتزمر . وهو انا عملتلك حاجه ولا كلمتك
معز .. بتنهيده حب . براحتك ياستي وعلي العموم انا هفضل وراكي لحد ما قلبك يحن عليا
شهد .. برفعت حاجب . عشم ابليس في الجنه
معز .. بابتسامه . هنشوف
_ادار معز محرك السياره وانطلق بها ، اصدر هاتف معز اعلان وصول رساله ، امسك معز هاتفه وقرءها وابتسم بخفه ، وبعد ذلك هاتف والدته وجاء له صوت والدته وقالت
وفاء .. السلام عليكم
معز .. وعليكم السلام
وفاء .. خير يا بني  في حاجه
معز .. خير يا امي بقولك ايه هي خالتي عزه  في مصر ولا برا
وفاء .. باستغراب . لا رجعت  من يومين بس ليه
معز ..  طب كويس اتصلي بقي واعزميها علي العشا هي وسهي  وانا مسافه الطريق واكون عندك
وفاء .. ايوا اعزمها بمناسبه ايه يعني اقولها ايه
معز .. قولي ليها اي حاجه يا امي المهم تجيبيها هي وسهي
وفاء .. بتنهيده . حاضر يا معز ، حاضر هتصرف  مع السلامه
معز .. الله يسلمك
_اغلق معز الهاتف مع والدته  ونظر الي شهد ، نظرت له شهد باستغراب وقالت
شهد .. ودا اصله ايه بقي ان شاء الله
معز .. بغمزه . غيرانه
شهد .. بغضب . غيرانه ايه وزفت ايه انت عايز تدخلها البيت بعد اللي عملته فيا
معز ..بهدوء . انتي تعرفي عني كدا
شهد .. بغضب . انا معرفش غير انك هتدخلها وتعزمها بعد اللي عملته 
معز .. طيب اهدي وانا هعرفك كل حاجه
شهد .. بحزن . اتفضل
معز ..
____________
وبكدا الفصل خلص رأيكم وتوقعاتكم للي جاي ،،،، ليه معز عزم سهي ،،، وايه الرساله اللي وصلت ليه ؟؟؟؟  اسفه للتاخير .. وكل سنه وانتو طيبين وعيد سعيد عليكم  .😍😍😍
ممنوع النشر بدون اذن 
💔نهايه الحرام💔 بقلمي ((ايمان عامر ))