((نهايه الحرام )) بقلمي ((ايمان عامر ))

(( الفصل الثالث))((نهايه الحرام))

((الفصل الثالث))
((نهايه الحرام ))
بقلمي ((Eman Amer))

_وقف عمر امام المكتبه الخاصه بملك وقال في هدوء
عمر .. السلام عليكم
شهد . ملك .. وعليكم السلام
عمر .. يلا كفايه كدا خلينا نطلع
شهد .. تمام انا جاهزه يلا يا ملك
ملك .. لا اطلعو وانا شويه وطاله
عمر .. يلا يا ملك الوقت اتأخر
_ابتسمت ملك بحب ونفذت ما قاله عمر وذهبت معهم
_ودعت شهد ملك وصعدت مع اخيها
_تحدثت شهد وهي تغلق الباب وقالت باستفهام
شهد .. قولي بقي اللي جلنا دا يبقي مين ؟؟ تعرفه منين ؟؟
عمر .. بكذب . دا كان جايب ليا شغل
شهد .. بشك . والله شغل ولما هو شغل انت مكنتش بترد عليه ليه ؟ ولما هو شغل قلقت عليا ليه واتصلت تاني ؟ ولما هو شغل رفضت اني اطلع من عند ملك غير لما تيجي ؟؟
_صمت عمر للحظه قبل ان يجيب عليها وقال
عمر .. انتي عايزه ايه دلوقتي وعايزه توصلي لي ايه
شهد .. عمر انتي مسبتش الشغل صح ؟؟
عمر .. بغضب . ايوااا يا شهد مسبتش الشغل ومش هسيبه ارتاحتي كدا ، مش هسيبه غير وانا معايا فلوس اقدر ابني نفسي بيها ، مش هسيبه غير لما ابقي قادر اطلع للدنيا وانا مش خايف منها ، مش هسيبه غير وانا مأمن مستقبلي ومستقبلك
شهد .. ببكاء . ايه اللي انت بتقوله دا ؟ مستقبل ايه دا اللي يتبني من حرام ، انت بتغضب ربنا وبتعصيه وعايزه يكافك ، انت عاااااارف انت بتعمل ايه وشغااال ايه ، مستقبل ايه دا اللي بيتبني من حرام يا عمر هاااا فهمني عاايز تأمن مستقبل من حرام
عمر .. بغضب . بقولك ايه يا شهد مش كل يوم نفس الموال انا تعبت من الكلام في نفس الموضوع ، عن اذنك انا داخل انام
شهد .. ربنا يهديك يارب
_توجه عمر الي غرفته وتوجه الي الفراش وتمدد عليه بهدوء وبعد فتره من التفكير ذهب في ثبات عميق
_جلست شهد علي اقرب مقعد وضمت قدميها الي صدرها ودفنت وجهها وظلت تبكي بصوت مكتوم وتدعي في صمت خوفا مما يحدث لهم من ذلك الحرام
________________بقلمي ((ايمان عامر.))
في ڤيلا المغربي
كان يجلس محمد المغربي في صمت وكان ينتظر معز حتي ياتي من الخارج
_دخل معز الڤيلا في هدووء تام حتي لا يراه احد ، اقترب معز من الدرج وصعد اول درجه ، ولكن توقف بسبب وصول صوت ابيه الي مسمعه وهو يقول
محمد .. الساعه في ايدك كام يا استاذ يا محترم
_تنحنح معز في حرج والتفت الي والده وقال
معز .. بابا حضرتك صاحي لحد دلوقتي ليه ؟؟
محمد .. بهدوء . الساعه كام في ايدك ؟؟
_نظر معز في ساعه يديه وقال في احراج
معز .. الساعه 3 ص
محمد .. امممم وحضرتك كنت فين لحد دلوقتي
معز .. كنت في الشركه بخلص شويه ورق
محمد .. باستهزاء . مش عيب لما تكون راجل طول بعرض وتكدب كدا
معز .. ممكن افهم حضرتك عايز ايه لاني تعبان وعايز انام
محمد .. خطبتك بتشتكي
_استغرب معز من كلام والده وقال في استغراب
معز .. بتشتكي !! من ايه بقي ان شاء الله
محمد .. اسأل نفسك مقصر معاها في ايه علشان تشتكي كدا
معز .. حاضر يا بابا هبقي اكلمها ممكن اطلع انام بقي
محمد .. اطلع بس كلامي لسه في باقي ، الساعه 7 تكون علي السفره بكرا غير كدا ملكش شغل عندي
معز .. ان شاء الله ، عن اذنك
_صعد معز للاعلي وتوجه الي غرفته خلع حذائه والبدله وتمدد علي الفراش بتعب ولم يمكث لى ثواني حتي ذهب في نوم عميق
_______________بقلمي ((ايمان عامر))
في صباح يوم جديد
عند عمر
استيقظ عمر وتوجه خارج الغرفه ووجد شهد في المطبخ
عمر .. صباح الخير
شهد ..
عمر .. الفطار هيتأخر
شهد ..
_استغرب عمر من عدم ردها وقال
عمر .. شهد انتي مش سمعاني
شهد ..
_ تقدم عمر منها وامسك كتفها وادارها له وقال في استغراب
عمر .. مالك يا شهد
_ابتعدت شهد عن عمر وجففت دموعها وقالت بصوت متحشرج
شهد .. مفيش يا عمر متشغلش بالك
عمر .. لو مكنتش اشغل بالي بيكي هشغله بمين وهو انا ليا غيرك في الدنيا دي
شهد ..بضعف . لا واضح انك خايف عليا وشاغل تفكيرك بيا ، وكويس كمان انك عارف اني مليش غيرك يعني لو حصلك حاجه انا هضيع
عمر .. طب اهدي واللي انتي عايزاه هعملهولك بس بلاش تبعدي كدا ومتتكلميش معايا انا من اغيرك اموت
شهد .. بعيد الشر عنك انا بعد موت بابا وماما مليش غيرك دلوقتي ، عمر اوعدني انك هتبعد عن الشغل دا ، نفسي يا عمر تسمع كلامي وتبعد بجد
مش زي امبارح وتكدب عليا
عمر .. باحراج . ههههه انتي اخدتي عليا قوي يا بت يا شهد
شهد .. عمر انا بتكلم بجد
_تنحنح عمر وقلد صوتها وقال
عمر .. عمر انا بتكلم بجد
شهد .. بغيظ . تصدق انك بارد بجد ومش هترتاح غير لما ربنا يسخطك بسبب اللي بتعمله
عمر .. هههههههه يخربيتك دا انتي مصيبه
_تحرك عمر وخرج من المطبخ وذهب الي الخارج وتحدث بصوت مرتفع حتي تسمعه شهد وقال
عمر .. ياااا شهد فين الفطااااار
صاحت شهد من الداخل وقالت
شهد .. حااضر ثواني والاكل يكون عندك