((نهايه الحرام )) بقلمي ((ايمان عامر ))

((الفصل الواحد والعشرون))(( نهايه الحرام))

((الفصل ال 21 ))
((نهايه الحرام ))
بقلمي(( Eman Amer))

معز. . بحده . انتي ازاي تقولي لسهي علي اللي حصل بينا ، وطريقه جوازنا
_صدمه للكل _
_نظرت لها شهد بقوه لم تصدق ما نطق به معز ، كان الكل صامت ونظرات متنقله بينهم باستغراب ، تكلمت شهد وقالت
شهد .. انت قولت ايه
ملک .. ببكاء . وا.والله الع.العظيم ا.انا
_انتفض معز من مكانه وامسكها من معصمها وجعلها تقابله وقال في غضب
معز .. انتي ايه هاااا انتي مين ادالك الحق اصلا  انك تقولي حاجه زي كدا
ملک .. ببكاء . والله يا شهد مش زي ما انتي فاهمه
_نظرت لها شهد بنظرات غريبه لم تفهمها ، وقامت من مكانها وسحبت ملک من قبضته وقالت
شهد .. ببرود . اكيد هي مش قصدها ، وفي سبب قوي انها تقول كدا
معز .. بزهول . انتي عارفه بتقولي ايه مستوعبه كلامك
شهد .. ببرود . اها وصحبتي ومسمحاها
معز .. بغضب . شهههههد متجننيش هو ايه اللي مسمحاها
_نظرت له شهد ولم تتحدث ، سحبت يد صديقتها ودخلت بها الي احد الغرف وكانت غرفه سليم ، اغلقت الباب بهدوء ، واستندت خلفه وتنهدت بقوه حتي تستوعب ما قاله معز ، ومافعلته للتو ، فهي الان تؤكد كلام عمر عن مدي غبائها لانها لا توجد طيبه بهذا الحد
_ كانت ملک تبكي بصمت وتنظر لها وهي لا تعرف كيف تفكر
_نظرت لها شهد في حب واقتربت منها ورتبت علي كتفها وقالت
شهد .. بطلي عياط بقي
ملک .. والله والله ما كان قصدي ابدا اللي حصل وانا فعلا قولت ليها بس مكنش ابدا دا قصدي ولا دي نيتي والله
شهد .. بابتسامه . عارفه ، وعارفه انك مش ممكن تقولي كدا علشان تأذيني
ملک .. يعني انتي مصدقاني
شهد .. بابتسامه . هو انتي عندك كام سنه
ملک .. باستغراب . مش فاكره بس ليه
شهد .. بابتسامه حب . اهو احنا عشره الكام سنه اللي انتي مش فكراهم دول ، يابت ياعبيطه دا انتي اختي مش صحبتي ، وفهماكي والا مكنتش اصلا قولتلك علي حاجه زي كدا
ملک .. بابتسامه باهته . ربنا يخليكي ليا يارب ، بس جوزك وعمر ه....
شهد .. بمقاطعه . ملكيش دعوه انا هتصرف معاهم واصلا انا زعلانه من عمر ، واكيد يعني مش هزعلك واخسر صدقتنا علشان خاطر معز
ملک .. بس دا جوزك ، واي حد هيفهم اني قولت كدا علشان افضحك
شهد .. بسخريه . جووزي ، وعلي العموم متهتميش ، هروح اجبلك حاجه تهديكي وتفوقك واجي احكي معاكي 
ملک .. ماشي هستناكي متتاخريش عليا
_ذهبت شهد وتوجهت الي المطبخ واحضرت لها مشروب بارد ودخلت لها مره اخري
___________________
عند معز في الخارج
فور دخول شهد وملک الي الداخل  ، وقف معز في استغراب وذهول من موقفها وتحدث لعمر الذي كان لا يختلف حاله عن حال معز وقال
معز .. اقسم بالله اختك دي مجنونه وماشيه عكس الناس مشفتش كدا في حياتي
_نظر له عمر وكان لا يتحدث ، فاق علي صوت معز الغاضب وهو يقول
معز .. انت بتفكر في ايه انت كمان خليك معايا
عمر .. بانتباه . انا معاك اهو ، بس انا مش فاهم اي حاجه
معز .. بتنهيده . الدنيا كلها فوق بعضها فعلا وكل دا في اقل من 24 ساعه بس
عمر .. ايه اللي حصل !! ومين اللي عرف بالموضوع !! وانت وشهد هنا ليه !!! وملک ايه اللي دخلها في الموضوع
معز .. بتنهيده . بعد ما مشيت الدنيا اتقلبت وسهي قالت (( وحكي له كل شي حدث )) وعرفت ان سهي عرفت من ملک فجبت ملك علشان افهم منها اللي حصل بس انت شوفت اختك عملت ايه
عمر .. بصدمه . كل دا حصل ، وشهد كويسه  والدكتوره قالت ايه
معز .. هي كويسه والبيبي كمان كويس بس الكلام صدمها ودا اللي تعبها 
عمر .. اووووف
معز .. مالك  بتنفخ ليه ومش طايق نفسك
عمر .. هو انت عزمت سهي ليه
معز .. علشان كنت هعمل اللي عملته وارد حق اختك وقدام الكل ، بس انت بذكاءك ضيعت كل حاجه ، يمكن لو كنت جنبها كان الوضع اختلف ، انت عارف هي متعلقه بيك ازاي وانت الوحيد اللي بتحس بالامان معاك او في وجودك ، ودا انت ضيعته
عمر .. كنت مستني مني ايه وانا شايفك بترحب بيها في بيتك بعد اللي حصل ، مكنتش متخيل اصلا انك ممكن تعمل كدا
_نظر له معز بغيظ وتنهد بقوه وقال
معز .. امال كنت متخيل مني ايه ؟؟ اني اسيب حقها كدا ، والامر يعدي كانه لم يكن
عمر .. بتنهيده . علي قد ما هي طيبه بس لما بتقلب بتقلب علي حق ربنا ، ربنا ما يوريك قلبتها
معز .. باستهزاء . دا علي اساس اني مش شايف !! دا انا بقالي كام يوم معاها كفرت كل ذنوبي اللي فااتت
عمر .. هههههههه  والله انت مشفتش حاجه ، دي كدا يعتبر معامله خفيفه علشان متعرفكش ولا بتحبك ولا بتقدرك يعني من الاخر ولا تفرق معاها
معز .. بغيظ . خلاص يا خويا ، وبعدين كفايه انت تفرق معاها ووريني هتعمل ايه
عمر .. بتنهيده حزن . ربنا يسهل
معز .. يارب
_________________
في ڤيلا المغربي
كان كل من وفاء ومحمد وحنين علي مائده الطعام يتناولون وجبه الافطار  ، تحدثت وفاء في حزن وقالت
وفاء .. هو معز كلمك
محمد .. اه
وفاء .. بفرحه . بجد طب قالك ايه ؟؟ وهيجي امتي ومراته عامله ايه ؟؟
محمد .. بتنهيده .  مراته الحمد لله بخير ، ومش هيجي دلوقتي او بالمعني الدقيق هيبعد كام يوم
حنين .. باستغراب . مين دا اللي يبعد ، يعني مش هيرجع الڤيلا تاني
محمد .. لا هيرجع ، بس مراته محتاجه تبعد عن اي ضغوط ومحتاجه فتره تفضل لوحدها ، وكلها كام يوم ويكون هنا اصلا هو ومراته متقلقيش
وفاء .. بحزن . وهيقعد فين الفتره دي
محمد .. في شقتنا القديمه ، المسافه مش بعيده واي وقت تحبي تشوفيه نبقي نروح ، وبعدين هو هيجي هنا اخر النهار ، يعني متخفيش قوي كدا
وفاء .. امممم ، عن اذنكم
محمد .. طيب كملي فطارك
وفاء .. لا محتاجه ارتاح شويه لاني منمتش من امبارح
_ذهبت وفاء الي غرفتها ، ونظرت حنين الي والدها بحزن ، تنهد محمد وقال
محمد .. لو خلصتي خليني اوصلك بسرعه لاني متأخر علي الشغل
حنين .. بحزن . امممم خلصت
_ذهب محمد المغربي الي الخارج وذهبت حنين خلفه واوصلها الي الكليه وبعد ذلك ذهب الي الشركه
________________
في شقه سليم
_كانت تجلس شهد وملک في غرفه سليم الخاصه به ، احضرت شهد لملک مشروب بارد حتي تهداء وبعد ان تناولته تحدثت ملک وقالت
ملک .. مش عايزه تعرفي ايه اللي حصل بيني وبين سهي
شهد .. بابتسامه . اكيد عايزه اعرف ، بس دا مش شك فيكي ، بس اهو نلاقي حاجه نتكلم فيها
ملک .. بابتسامه . ماشي ، سهي جاتلي من كام يوم في المكتبه
                ((فلاش باااك ))
سهي .. مساء الخير
ملک .. مساء النور
سهي .. ازيك يا ملک مش فكراني
ملک .. باستغراب . لا مش واخده بالي ، انتي مين سهي .. انا سهي بنت خالت معز
ملک .. اها افتكرتك اهلا وسهلا اتفضلي
_جلست سهي علي المقعد ولكن داخل المكتبه
سهي .. كنت عايزاكي في موضوع بخصوص شهد ، عرفت انكم اصحاب وسركم عند بعض
ملک .. فعلا بس زي ما قولتي سر يعني اكيد مش هقدر افيدك ممكن تروحي لصاحبه الشأن وهي تقولك
سهي .. بخبث . انا مش جايه علشان اعرف اسراركم انا كنت جايه علشان شهد محتاجه مساعده فبطلب منك انك تسعديني علشان اقدر اساعدها
ملک .. بخوف علي شهد . هي شهد كويسه ، ومشكله ايه دي اللي هي واقعه فيها
سهي .. هقولك بس توعديني محدش يعرف
ملک .. اكيد طبعا ، شهد اختي واكيد مش هأذيها
سهي .. طب بصي قسيمه جوازهم  اتعرفت في البيت كله واللي بتأكد انهم متجوزين من اسبوع بس ، وطبعا انتي عارفه ان حمل شهد كبير شويه وانها داخله في بدايه الشهر الثاني ، وخالتو عرفت وقررت انها لازم تفضحها وتتعاقب ، وانا حسيت ان شهد مظلومه واكيد في حاجه مبهمه في الموضوع ، وانا بحاول اعرفهم كدا بس مش معايا دليل يأكد كلامي ، وانتي عارفه يعني ايه واحده تتجوز وهي حامل ، دي مصيبه
ملک .. بحزن . يا حبيبتي يا شهد ، طب فين جوزها هو يعرفهم الحقيقه ، وانها مظلومه ، وان البيبي فعلا ابنه ، والمفروض جوزها يحميها من والدته
سهي .. بكدب . معاكي حق ، بس معز سافر امبارح الصبح وهما عرفو اخر النهار ومن سعتها قافلين عليها الاوضه ومش بيخرجوها
ملک .. بحزن اكبر . طب والده عارف خليه يفهمها ويعرفها الحقيقه ، وانها مظلومه ، ومعز هو اللي اعتدي عليها واغتصابها
سهي .. بصدمه . ايييييه اغتصابها 
ملك .. بعفويه . ايوا ، وكانت حجته انه مكنش في وعيه لانه الفتره دي كان مدمن مخدرات وراح بيها المستشفي ، وطبعا حاله زي دي لازم يبلغو عليها ، ووالده اللي اصر انه يتعاقب علي كدا ، واتسجن فتره طويله ، وبعدها بشهر عرفو ان شهد حامل فقررت توافق علي الجواز علشان البيبي يتكتب شرعي
سهي .. بصدمه . هو معز كان مدمن وكمان اتسجن
ملک .. اه ، دا حق ربنا اللي غلط يتعاقب ، ودلوقتي انتي عرفتي كل حاجه هننقذ شهد ازاي
سهي .. بشرود . متقلقيش انا هتصرف وربنا يسهل
ملک .. طب انا ممكن اجي معاكي ونحاول نقنعها حرام شهد متستحقش كل دا
سهي .. بوقوف . بصي انا لازم امشي دلوقتي ، ومش هوصيكي محدش يعرف اني جيتلك ماشي
ملک .. ماشي بس...
_ذهبت سهي فور كلام ملک ولم تنتظر اي كلمه اخري
_ظلت تنادي عليها ملک ولكن لا حياه لمن تنادي ، جلست ملک بحزن علي مقعدها مره اخري واخذت تفكر هل تصرفها صحيح ام لا
                ((باااااااك ))
ملک .. بندم . والله ما كنت اعرف انها خبيثه كدا
شهد .. بابتسامه . انا عارفه يا ملک وبعدين هي هتاخد عقابها وربنا يهديها
ملک .. يارب ، المهم ايه اللي حصل ؟؟ وجيتي هنا ازاي ؟؟
شهد .. بتنهيده . الدنيا كلها كركبت فوق دماغي مره واحد ((وحكت لها كل ما حدث )) بس يا ستي ومقدرتش ارجع الڤيلا من تاني علي الاقل الفتره دي ، وهو كلم ابن عمه والمفروض ان الشقه جهزت
ملک .. ربنا يصلح ليكي الحال ، بس حلوه الشقه دي والاوضه جميله وزوقها عالي جدا ، واللي في الصوره احلي من الاوضه
شهد .. ههههههههه انتي مجنونه يابت بتعاكسي الراجل
ملک .. هههههههه طب بذمتك شكله مش حلو ، اول مره اخد بالي من شكله وانه بالحلاوه دي
شهد .. عادي يعني مش حلو قوي ، شكله عادي جدا جدا
ملک .. ياشيخه حرام عليكي ، قولي كلمه حق
شهد .. بغمزه . عموري احله منه بكتير
ملک .. بحب . هييييح اكيد طبعا ، عمروي مفيش احله منه ، بس دا علشان اخوكي لازم تقولي كدا ، لكن انا بقول كلمه حق
شهد .. ههههههههه حق ههههههه ، انا عن نفسي مش بطيقه مش عارفه ليه بحسه بارد كدا في نفسه ودمه تقييييل اوي اوي ، فاكيد مش هبص في خلقه اهله
ملک .. ههههههههه ، ماشي يا ستي القبول من عند ربنا ، المهم دلوقتي عايزه اروح الساعه داخله علي 11
شهد .. ما تخليكي ونقضي اليوم سوا بقالي كتير مقعدتش معاكي
ملک .. لا خليها مره تانيه ، علشان بابا وكمان مش عايزه مشاكل مع مازن
شهد .. هو لسه بيتخانق معاكي
ملک .. اهااا
شهد .. ربنا يهديه ويصلح حاله
ملک .. امين يارب ، المهم هروح ازاي وانا معرفش المكان
شهد .. متقلقيش ، تعالي نشوف معز وزي ما جابك يروحك
ملک .. بخوف مصطنع . لا ياستي وعلي ايه كفايه بهدله لحد كداا ، انا هسأل واللي يسأل ميتوهش
شهد .. ههههههههههه مش قصدي كدا يا جبااانه ، تعالي تعالي
_اخذتها شهد وخرجت وذهبت للصالون ووجدتهم جالسين وكل واحد منهم بعالمه الخاص قطعت تفكيرهم وهي تنظر اليهم  وقالت
شهد .. ملک عايزه تمشي
معز .. بتنهيده . انتي بجد مش فارق معاكي قوي كدا
شهد .. والله انا اللي اتفضحت مش حد تاني ، وانا مسمحاها علي الاقل عملت حاجه وكان قصدها تساعدني (ونظرت الي عمر وقالت في استهزاء وحزن ) وبعدين انا كدا هبله وطيبه وبسامح الناس يعني مش جديده عليا
_نظر لها عمر بحزن  وقال
عمر .. انتي عارفه اني مقصدش اللي قولته وكنت مضايق من وجودها مش اكتر
شهد .. بجمود . مش مهم خلاص الموضوع انتهي المهم دلوقتي ملک هتروح ازاي
معز .. هخلي حد من الراجاله يوصلها كدا تمام
شهد .. اممممم
عمر .. ملهوش لزوم تعالي هوصلك في طريقي
ملک .. بفرحه . لو مشغول ولا عايز تفضل مع شهد مفيش مشكله انا....
عمر .. بمقاطعه . لا تعالي هوصلك
_ذهبت ملک خلف عمر بعد ان ودعت شهد
معز .. انا نازل عايزه حاجه
شهد .. توتو بس لو ابن عمك جيه
معز .. متقلقيش مش هيجي دلوقتي ، وانا مش هتأخر
_ذهب معز الي الاسفل وذهب لشراء بعض الاشياء لوضعها لها في المنزل ، واحضر لها الدواء الخاص بها ، بعد فتره من الوقت كان في شقه والده ، كانت قد انتهت الخادمه من التنظيف ، ادخل الاشياء بها ، ثم صعد لها مره اخري ، ونزل كل منهم الي الاسفل
معز .. انا جيبتلك شويه حاجات لزوم المطبخ ، وكمان العلاج ياريت تهتمي شويه بقي باكلك وصحتك
شهد .. حاضر ، انا هنام فين بقي
معز .. في اول اوضه علي ايدك اليمين
شهد .. طيب
جاءت شهد ان تنهض ، اوقفها معز بحديثه وقال
معز .. انتي مش بتشبعي نوم انا بشوفك نايمه اكتر من وانتي صاحيه
شهد .. بزعل . مش عارفه في ايه ، لو فضلت ساعه صاحيه بحب اعوضها نوم ، وفعلا بنام كتير قوي انا مكنتش كدا ، بنام بدري واصحي متأخر مش عارفه ليه
معز .. ههههههههههههه
شهد .. باستغراب . انت بتضحك علي ايه
معز .. علي منظرك وانتي بتتكلمي تعرفي ان شكلك كيوت خالص وانتي بتقولي الكلمتين دول ، بس تقريبا كل دا من الحمل ، في ناس حملها بنوم
شهد .. بغيظ . وانت شكلك مستفز وانت بتتكلم
معز .. هههههههه طب خلاص ، ينفع تجهزي فطار ونفطر وبعد كدا ننام
شهد .. لا انا تعبانه وعايزه انام
معز .. مفيش نوم من غير اكل ، تعالي وهساعدك
_ذهبت شهد خلف معز الي المطبخ ، واخذ يخرج الاشياء التي يريدها ، وكانت هي من تساعده ، اخرج معز اكثر من نوع للجبنه والزيتون والانشون ، والبيض
شهد .. انا بحب البيض مقلي
معز .. لو تعرفي تقليه تعالي انا اخري اسلقه
شهد .. علي فكره سهل جدا ، واسهل من انك تعمله مسلوق
معز .. بابتسامه حب . مبعرفش اعمله ولا عمري دخلت المطبخ اصلا ، بس نقول ايه بقي الدنيا مش باقيه لحد
شهد .. طب ابعد كدا وانا هقليه
_ابتعد معز وتقدمت هي لكي تصنعه ، بعد الانتهاء اخذته ووضعته علي الطاوله الصغيره الموجوده في المطبخ ، احضر معز باقي الطعام ووضعه
_جلسوا وتناولوا الفطار في صمت قطع هذا الصمت معز وهو يقول
معز .. تسلم ايدك فعلا طعمه احلي كتير
شهد .. بغرور . اكيد طبعا مش انا اللي عملاه
معز .. بحب . يخربيت الغرور
شهد .. بابتسامه . مش غرور ثقه في النفس
معز .. ماشي ياعم الواثق
_عاد الصمت مجددا وقطعته شهد هذه المره
شهد .. هو ينفع نكلم حد يجيب ليا هدوم من الڤيلا
معز .. انا كلمت حنين وعرفتها ، هتخلص الكليه وهتجهزهم وهتيجي
شهد .. امممم ، طيب
معز .. انتي لسه زعلانه من عمر
شهد .. انا مبزعلش منه بس صعب عليا ان هو اللي يقول الكلام دا
معز .. بس انتي عارفه انه قال كدا في وقت عصبيه
شهد .. ودا مش مبرر علي فكره ، وانا مش مطالبه اني استحمل
معز .. بس لازم نستحمل ونسامح  اللي بنحبهم
شهد .. بتنهيده . وانا مش زعلانه ، بس محتاجه وقت انسي اللي قاله ، لان بجد بقيت متدمره من جوا ، وكل واحد بيقول اللي يعجبه ويعمل اللي يعجبه وكل واحد يجي يقولي سوري ، فمحتاجه ابعد شويه  عن اذنك
_ذهبت شهد الي الغرفه واغلقت الباب وخلعت حجابها وتمددت براحه ، ولم تأخذ وقت كبير في التفكير وذهبت في نوم عميق
_انتهي معز من طعامه وبعد ان وضع باقي الطعام في الثلاجه ، ذهب في غرفه من الغرف الاخري ، وتمدد علي الفراش ونام بسرعه بسبب تعبه وعدم نومه بالامس
_______
عند عمر وملک
_كانت ملک واقفه بجواره
عمر .. هو انتي صحيح اللي قولتي لسهي
ملک .. امممم بس انا وضحت لشهد اللي حصل
عمر .. واكيد عملتي فيها الملاك البرئ
ملک .. بصدمه .  لا انا معملتش كدا لاني فعلا مكنتش اعرف نيه سهي ايه
عمر .. في تأكسي تعالي نشوفه
_ اوقفه عمر وجلس في الامام ، وجلست ملک في الخلف ، حزن عمر بسبب ما قاله ولكن بعد ان جرحها
_بعد فتره وصل التأكسي وقال عمر
عمر .. انزلي انتي ، لان عندي كذا مشوار ومحتاج اخلصهم
ملک .. بحده . وانا مسألتكش اصلا
نزلت ملگ بعصبيه ، واخبر عمر السائق عن المكان الذي يريد ان يذهب اليه
__________________
عند حنين
كانت جالسه في الكافتريا الخاصه بالكليه ووجدت من يقترب عليها ، وقفت في ابتسامه مشرقه وقالت
حنين .. ازيك يا عمر
عمر .. الحمد لله ، انتي عامله ايه
حنين .. الحمد لله بخير
عمر .. كنت عايزك في موضوع ، فلو ممكن نروح اي مكان نتكلم فيه غير هنا دا لو مش هعطلك عن المحاضرات
حنين .. بابتسامه . لا عادي انا اصلا خلصت والمحاضره التانيه اتلغت وبابا ميعرفش علشان كدا مستنيه
عمر .. طيب تمام ، تعالي وهرجعك تاني
حنين .. ماشي
_ذهبت حنين مع عمر ، واوقف تأكسي وذهب في كافيه هادء وبعد الجلوس وطلبهم لمشروب ساخن تحدثت حنين وقالت
حنين .. خير يا عمر ، كنت عايزني في ايه
عمر .. من غير مقدمات كتير علشان مش بحبها ، انا معجب بيكي وعايز اتجوزك
حنين ..
____________________
وبكدا الفصل خلص ، رايكم وتوقعاتكم للي جاااي
ليه عمر طلب يتجوزها ؟؟؟؟
ممنوع النشر بدون اذن
💔نهايه الحرام 💔 بقلمي ((ايمان عامر ))