((نهايه الحرام )) بقلمي ((ايمان عامر ))

((الفصل الرابع عشر ))((نهايه الحرام))

((الحلقه ال 14))
((نهايه الحرام ))
بقلمي((Eman Amer))

عند شهد في الحديقه ، خرج عمر ومعز لها وملك فقط
عمر .. شهد
شهد .. بجمود . نعم
عمر .. بحنان . مالك يا حبيبتي في ايه
شهد .. مفيش
عمر .. مفيش ازاي كنتي كويسه وفجأه زعلتي ، ايه اللي زعلك
شهد .. بجمود . يهمك زعلي يا عمر
عمر .. باستغراب . ايه اللي بتقوليه دا !!  اكيد طبعا زعلك يفرق معايا ولا انتي متعرفيش كدا
شهد .. بحزن . انا مبقتش عارفه حاجه خالص
معز .. بهدوء . ممكن تهدي طيب وتفهمينا ايه اللي حصل لكل دا وفي ايه
شهد .. بغضب . مفيش حاجه حصلت ، ومش زعلانه ممكن تسبوني بقي
_استدارت شهد وكانت تحاول ان تمنع دموعها من النزول ، اقترب منها عمر ولفها وضمها الي حضنه ، وفي هذه اللحظه سمحت لدموعها بالنزول ، استغرب عمر ما سبب هذه الدموع ونظر الي ملك وقال
عمر .. هو ايه اللي حصل  لكل دا
ملك .. بحزن . والله ما اعرف احنا كنا بنتكلم عادي دخل ابن عمه وسكتنا وبعد ما مشي اتعصبت وزعلت زي ما انت شايف
_ظل عمر يرتب علي ظهرها وهو سوف يجن من عدم معرفته للسبب وقال
معز .. طب هو قال حاجه ضايقتها عمل ليها حاجه
ملك .. لا محصلش حاجه هو كان بيكلم حنين ومنطقش معانا يكلمه
_كانت شهد تبكي بقوه داخل احضان اخيها ، تحدث عمر بعصيبه شديده بسبب حاله شهد وقال
عمر .. في ايه يا شهد لكل دااا حصل ايه عرفيني
شهد .. ببكاء . عايزه بابا يا عمر عايزاه يكون جنبي ويخدني في حضنه
عمر .. طب اهدي طيب واللي انتي عايزاه انا هعمله ليكي بس بلاش العياط ، كدا غلط عليكي ، قوليلي انتي عايزه ايه وليه زعلانه وايه اللي زعلك في الوقت القصير دا
شهد .. عايزه حمايه وامان يا عمر ، عايزه حد يدافع عني ويتمسك بيا حتي لو انا غلطانه
عمر .. بزعل واضح . وهو انا كنت مقصر معاكي يا شهد ولا مكنتش بحبك ياعني ولا متمسك بيكي
_احست شهد بحزن اخيها وانها احرجته بحديثها وقالت بحزن عليه وبكاء 
شهد .. مش قصدي والله بس انا من سعت اما جيت هنا وانا بخاف انام وانت مش بتقعد معايا ساعه علي بعضها وكمان بحس انك نستني خالص
_اخرجها عمر من احضانه ومسح دموعها وتحدث في هدوء يحاول ان يخفف عنها وقال
عمر .. دي كلها تخيلات مريضه في عقلك انتي ، ومفيش الكلام دا وانتي عارفه كدا صح
شهد .. وهي تجفف دموعها . صح
_ضربها عمر بخفه علي رأسها وقال بضحكه
عمر .. ولما هو صح لزمتها ايه بقي اللي انتي بتعمليه دا عايزه توصلي لي ايه
شهد .. عايزه اوصل اني مش مرتاحه هنا بالله عليك ياعمر خليني ارجع معاك
_نظر عمر الي معز ووجد ملامح وجهه لاتعبر عن اي شي ، اطلق عمر تنهيده حاره والتزم الصمت لا يعرف ماذا يقول ، انقذه تدخل معز وهو يقول
معز .. بجمود . تعالي ندخل جوا وبعدين نشوف انتي عايزه ايه
_تمسكت شهد بذراع عمر وكانه سوف يهرب منها وبجانبها ملك وكان يتقدم معز منهم

في الداخل
دخل معز وعمر وملك و شهد للداخل
محمد .. عامله ايه يابنتي دلوقتي
شهد .. الحمد لله بخير حضرتك
محمد .. بابتسامه . يارب دايما ، وحفيدي عامل ايه
شهد .. بابتسامه خفيفه . الحمد لله
وفاء .. يلا ياجماعه الاكل جاهز
_ذهب الكل الي غرفه السفر
((كان محمد المغربي علي رأس السفر وعلي جانبه الايمن معز المغربي وعلي الجانب الاخر سليم المغربي وبجانب معز عمر وبجانبه شهد وبجانبها ملك ، وبجانب سليم وفاء وبجانبها حنين وبجانبها سهي ))
_كان عمر يطعم شهد ولا ياكل ، تحدثت شهد بحب وقالت
شهد .. حبيبي كل انت بتأكلني ومش بتاكل خالص
عمر .. انا كفايه عليا اني اشوفك بتاكلي وانا كدا مرتاح
معز .. بابتسامه . انت ممكن تجبها جنبي هنا وانا أأكلها وانت تاكل ايه رايك
عمر .. بابتسامه . لا متشغلش بالك انا مرتاح كدا وبعدين انا باكل انا كمان
معز .. فين اكلك دل طبقك زي ما هو ، اسمع بس الكلام وهاتها جنبي هنا
عمر .. ههههههه انت بتتلكك بقي وعايزاها جنبك وخلاص
معز .. ههههه انا قصدي اريحك بس
عمر .. بابتسامه . انا مرتاح كدا
حنين .. يارب ناس هنا تتعلم حنيه الاخوات
محمد .. قابل بقي يامعز
معز .. بابتسامه عريضه . طب هي يابنتي مش بتاكل وحاجه كدا رقيقه وبسكوته لكن انتي مش محتاجه ولا ايه
سليم .. هههههه عندك حق والله يبقي هي تاكل وانت تأكل هيحصل مجاعه عندكم والله هههههه
الكل .. ههههههههه
حنين .. بغيظ . هاهاها ايه الخفه اللي نزلت عليكم مره واحده دي
محمد .. ولا تزعلي نفسك يا حبيبتي كلي ولا يهمك
شهد .. بابتسامه . متهتميش لحد كفايه انك عاجبه نفسك ومش مهم اي حد تاني وبعدين انتي جسمك حلو والله
حنين .. بابتسامه . حبيبتي اقسم بالله ، شايف الكلام مش كلامك الدبش ، انا مش عارفه ازاي وافقت عليك
سهي .. بغل . وهي كانت تطول واحد زيه
_اخفضت شهد بصرها بحرج ، تحدث معز بحب وقال
معز .. وحياتك يا سهي اني انا اللي كنت بتحايل عليها علشان توافق
سهي .. بكره . وليه بقي ان شاء الله عندها ايه زياده عن باقي البنات
معز .. باستفزاز . عندها كتير جدا اللي زيك ميعرفهوش
سهي .. بغضب . قصدك ايه يا معز ، قصدك اني مش محترمه
_نظر معز لها باستفزاز وتحدث وهو يأكل وكانه لم يقل شي وقال
معز .. والله انا مقلتش كدا بس اللي علي مقاسه جزمه بيلبسها
_ضحكت كل من حنين وملك بخفوت ، نظرت لهم سهي في غضب وقالت
سهي .. شايفه ياطنط ابنك بيقول ايه
وفاء .. باحراج . خلاص يا معز ميصحش كدا
معز .. طالما مش محترمه مراتي يبقي يصح
سهي .. بغل . اشبع بيها عن اذنكم
_صعدت سهي الي الاعلي ، وفور صعودها انفجرت حنين في الضحك 
حنين .. بغمزه . ههههههه الظاهر ان الحب مولع في الدره من بدري ، اول مره اشوفك بتدافع عن حد كدا
سليم .. بابتسامه . اصلي دا بيكون دفاع من القلب ومبيطلعش غير للي في القلب مش كدا ولا ايه
معز .. بابتسامه . امممم هو كدا
حنين .. سيدي يا سيدي اكرمني يارب
_كان عمر ينظر الي شهد وحزن عليها وقال في هدوء
عمر .. ممكن متحطيش الكلام دا في دماغك هي بتقول كدا علشان تغيظك مش اكتر
_ابتسمت له شهد في خفوت واكملت طعامها
_بعد فتره انتهي الكل من الاكل وذهبو الي حديقه الڤيلا ، ولكن استأذن منهم محمد المغربي ووفاء

في حديقه الڤيلا
_ كل من معز وسليم وعمر ، وشهد وحنين وملك
دخلت اليهم الخادمه وهي تحمل المشروبات ،وكان يوجد عليها  5 اكواب من القهوه وكوب به حليب، اخذها معز منها ووضعها علي الطاوله ، التقط معز كوب الحليب ووضعه امام شهد ، بينما اخذ كل منهم الكوب الخاص به ، نظرت له شهد في غضب وقالت
شهد .. ايه دا
معز .. بابتسامه . دا لبن
شهد .. بغضب . والله عارفه انه لبن ليه ؟ انا عايزه قهوه
_كان معز يرتشف من الكوب الخاص به وقال في استفزاز
معز .. توتو القهوه غلط عليكي وعلي ابني اشربي لبن مفيد ليكي
شهد .. بغضب . وانا مش هشرب اللبن ، وبعدين انا حره اشرب اللي اشربه ، وانا عايزه اشرب قهوه
عمر .. معز عنده حق يا حبيبتي القهوه غلط عليكي
_نظرت شهد لعمر بحزن وتكلمت بخفوت
شهد .. خلاص مش عايزه
معز .. استغفر الله ، شوفت اهي كل مره تعمل كدا وتزعل انا مبقتش عارف اعمل ايه معاها
عمر .. بهدوء . ليه يا شوشو يعني هو غلطان ان هو خايف عليكي وعايز مصلحتك
شهد .. بعصبيه وحزن . وانا مش عايزه منه  حاجه ، وانا عارفه مصلحتي كويس خلاص ،  وعلي مااعتقد انك اخر واحد في الدنيا خايف عليا ولو علي المصلحه فانت خايف علي ابنك صح فبلاش شغل الصعبنيات دا علشان مش داخل عليا عن اذنكم
_ ذهبت شهد وكانت علي وشك البكاء وقامت خلفها ملك علي الفور ، صمت كل من معز وعمر وسليم لوجود حنين بينهم ، استغربت حنين كلام شهد ورده فعلها وقالت في استغراب
حنين .. هو في ايه هي زعلت ليه ؟؟
معز .. مفيش حاجه ، واتفضلي قومي شوفي وراكي ايه
حنين .. بحرج . احمم عن اذنكم
_ذهبت حنين من امامهم ، شعر كل من عمر وسليم بها ، استأذن منهم عمر وذهب الي شهد ، تحدث سليم الي معز وقال 
سليم .. ليه كدا احرجتها علي فكره
معز .. بزهق . سليم والنبي ما انا ناقص كفايه اللي هناك دي
_كان معز يشير علي شهد ، تحدث سليم بهدوء وقال
سليم .. اعذرها يا معز ، اللي انت عملته فيها مكنش قليل
معز .. عارف يا سليم بس اعمل ايه ، قلت مكنتش متنيل حاسس بنفسي وحقها تعمل كدا واكتر كمان ، بس انا تعبت معاها علي الاقل تاخد بالها من نفسها وعلي اللي في بطنها
سليم .. اكيد لازم تتعب معاها ، وخلي نفسك طويل اكتر من كدا دا انت يادوب مكملتش معاها كام يوم هتعمل ايه بقي بعدين 
معز .. هعمل ايه يعني هستحمل غصب عني ، نفسي ياسليم تعاملني علي الاقل كويس او حتي تفرد وشها في وشي ، دا كدا بتتكلم معايا دي لما تكون معايا لوحدنا ربنا مايوريك بتبقي عامله ازاي  ، وعلي الرغم من كدا والله موجوع عليها وعلي حالها
سليم .. بتنهيده . معلش يا معز فتره وتعدي وكل حاجه  ترجع زي ما كانت
معز .. باستغراب . قصدك ايه بفتره وهتعدي دي
سليم .. بهدوء مستفز . قصدي كلها كام شهر وطلقها وترجع لحياتك من تاني
معز .. بغضب . ايه اللي بتقوله دا اطلق مين انا استحاله اطلقها
سليم .. بخبث . وانت مالك اتعصبت  كدا ليه مش انت مضايق من طريقتها خلاص طلقها واهو ترجع لحياتك الطبيعيه من تاني
معز .. بغيظ . مش متعصب بس علشان ابني  استحاله اسيبه ليها واخليه يبعد عني 
سليم .. بابتسامه . امممم ابنك بجد علشان ابنك ولا حاجه تانيه
معز .. بتوتر . مفيش ولا تاني ولا تالت ، كل دا علشان ابني مش اكتر انا مقبلش اني ابقي عايش وابني يتربي بعيد عني
سليم .. طيب ياعم ربنا يجيبه بالسلامه
معز .. يارب ، تعالى نروح عندهم علشان لو حد  دخل
سليم .. بشك . امممم طيب يلا
_تجاهل معز طريقته وذهب معه الي مكان شهد ولكن غضب بشده بسبب ما سمعه منها
معز .. بغضب . وانا مش موافق
شهد ..
_____________
وبكدا الفصل خلص رايكم وتوقعاتكم للي جاااي ،،،
شهد قالت ايه خلي معز كدا ... ؟؟؟
ممنوع النشر بدون اذني
💔نهايه الحرام💔 بقلمي ((ايمان عامر))